Ciara Samantha Annatu

FACT CHECK: Hindi online voting ang panukala noon para kay Leila de Lima

May pagkakaiba ang panukalang remote participation na inihain ni Senator Rodante Marcoleta noong May 11, 2026 sa mga resolusyong isinulong noon para kay dating Senator Leila de Lima.

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/17800592176052.jpg" style="width:960px" class="fr-fic fr-dib" width="960"/></div><p>May pagkakaiba ang panukalang remote participation na inihain ni Sen. Rodante Marcoleta noong May 11, 2026 sa mga resolusyong isinulong noon para kay dating Sen. Leila de Lima.</p><p>Noong May 26, 2026 ay naging mainit ang talakayan sa Senado nang muling isulong ni Marcoleta ang <a href="https://senate.gov.ph/legacy/lis_bills/4980345665!.pdf" rel="noopener noreferrer" target="_blank">mosyon niyang amyendahan</a> ang Senate rules upang payagan ang mga senador na dumalo at bumoto sa pamamagitan ng isang electronic platform.</p><p>Nauwi ito sa pag-walkout ng mga miyembro ng minorya, kabilang na sina Sen. Benigno “Bam” Aquino IV, Risa Hontiveros, Francis “Kiko” Pangilinan, at Panfilo “Ping” Lacson. </p><div><a href="https://www.youtube.com/watch?v=E-rnfXhbkIM" rel="noopener noreferrer" target="_blank">Marcoleta defends move to amend rules for online voting after minority walkout | ANC</a> </div><div><a href="https://www.abs-cbn.com/news/nation/2026/5/26/minority-senators-walk-out-after-clash-on-electronic-voting-rule-discussion-1956" rel="noopener noreferrer" target="_blank">Minority senators walk out after clash on electronic voting rule discussion</a></div><p>Kasunod ng pangyayari sa Senado, kumalat ang naratibong bagama’t tinututulan nina Aquino, Hontiveros, Pangilinan, at Lacson ang kasalukuyang panukalang virtual participation, isinulong diumano nila noon ang parehong layunin para sa kaalyadong si de Lima na noo’y nakadetine sa Camp Crame.</p><p>Noong February 24, 2017, kusang sumuko si dating Sen. de Lima sa mga awtoridad kaugnay ng mga alegasyon na may kaugnayan siya sa ilegal na kalakalan ng droga. </p><p>Sa kasalukuyan, siya ay kinatawan ng Mamamayang Liberal (ML) Party-list sa Kongreso.  </p><p>Taliwas sa kumakalat na naratibo, hindi pareho ang layunin ng mga panukala. </p><div><br/></div><div><strong>PAG-AMYENDA SA RULE XIV </strong></div><p>Una, ang Senate Resolution Nos. 505, 51, at 658 na isinulong noong 2017, 2019, at 2021 ay partikular sa sitwasyon ni de Lima.</p><p>Samantala, ang mosyon ni Marcoleta ay ang pag-amyenda ng Rule XIV na tumutukoy sa Senate plenary sessions.  </p><p>Sa ngayon, sa ilalim ng Rule XIV, Section 41 ng Senate rules, ang Senate president ay pinahihintulutan na magsagawa ng session sa pamamagitan ng teleconference, video conference, o iba pang electronic o remote na paraan dahil sa “force majeure,” o ang pagkakaroon ng “national emergency.”</p><p>Ang iminumungkahi ni Marcoleta ay magdagdag ng talata kung saan papayagan din ang virtual participation para sa mga senador na may “justifiable reasons.” </p><div><br/></div><div><strong>HINDI ISINULONG ANG ONLINE VOTING </strong></div><p>Pangalawa, hindi isinulong ng <a href="https://ldr.senate.gov.ph/sites/default/files/2023-01/2675622987%21.pdf" rel="noopener noreferrer" target="_blank">Senate Resolution No. 505</a> ang virtual participation para kay de Lima.</p><p>Ang iminungkahi nito ay payagan si de Lima na makadalo at makilahok nang pisikal sa mga sesyon ng Senado habang siya ay isasailalim sa kustodiya ng Senado.  </p><p>Binigyang-diin din sa resolusyon na hindi dapat ituring si de Lima bilang “flight risk,” dahil kusa siyang sumuko sa mga awtoridad nang ipatupad ang warrant of arrest laban sa kanya. </p><div><a href="https://www.abs-cbn.com/news/09/24/17/minority-bloc-urges-senate-to-allow-de-lima-join-plenary-deliberations" rel="noopener noreferrer" target="_blank">Minority bloc urges Senate to allow De Lima join plenary deliberations</a> </div><p>Iminungkahi naman sa <a href="https://senate.gov.ph/legacy/lis_bills/3070927556!.pdf" rel="noopener noreferrer" target="_blank">Senate Resolution No. 51</a> na payagan si de Lima na makilahok lamang sa mga plenary session at pagdinig sa pamamagitan ng remote o electronic communication.</p><p>Ngunit ayon sa resolusyon, nananatiling umiiral ang patakaran na kailangang pisikal na dumalo ang senador sa sesyon para makaboto. </p><p>Ito ay batay sa <a href="https://legacy.senate.gov.ph/rules%20of%20the%20senate-final.pdf#page=58" rel="noopener noreferrer" target="_blank">Section 117, Rule XLI</a> ng Senate rules na nagsasabing: “The vote of a Senator absent from the session at the moment he is called to vote shall not be counted.”  </p><p>Noong <a href="https://legacy.senate.gov.ph/press_release/2020/0619_delima2.asp" rel="noopener noreferrer" target="_blank">June 17, 2020</a>, ang panukalang ito ay hindi pinayagan ng Muntinlupa Regional Trial Court (RTC) kung saan dating nakabinbin ang kaso ni de Lima. </p><div><br/></div><div><strong>VIRTUAL SESSION NOONG PANDEMYA </strong></div><p>Pangatlo, ang <a href="http://legacy.senate.gov.ph/lisdata/3456631377!.pdf" rel="noopener noreferrer" target="_blank">Senate Resolution No. 658</a>, na muling naglalayong payagan si de Lima na makilahok sa mga sesyon, ay inankla sa Senate Resolution No. 43.</p><p>Ang <a href="https://issuances-library.senate.gov.ph/legislative-issuance/senate-resolution-no-43-18th-congress" rel="noopener noreferrer" target="_blank">Senate Resolution No. 43</a> ay nagbibigay-daan sa pagsasagawa ng mga sesyon at pagdinig sa pamamagitan ng remote communication dahil noo’y kasalukuyan ang COVID-19 pandemic.</p><p>Gayunpaman, ang Senate Resolution No. 43 ay nakabatay sa probisyon ng “force majeure” o “national emergency” at walang nilalaman na nagpapahintulot sa isang senador na bumoto habang hindi pisikal na dumadalo sa sesyon. </p><div><br/></div><div><strong>DAHILAN NG MOSYON </strong></div><p>Paliwanag ni <a href="https://youtu.be/Y7HYUW_rNrI?t=1089" rel="noopener noreferrer" target="_blank">University of the Philippines College of Law Associate Dean Atty. Paolo Tamase</a>, maaaring inihain ang nasabing pag-amyenda ng Senate rules upang payagan ang isang senador na hindi makadalo sa Senado na makaboto pa rin sa pamamagitan ng electronic platform.</p><p>Ani Tamase, isang halimbawa nito ay kung ang isang senador ay umiiwas o hindi nagpapakita sa awtoridad, tulad ng sitwasyon ni Senator Ronald “Bato” Dela Rosa. </p><div><a href="https://www.abs-cbn.com/news/nation/2026/5/27/online-sessions-may-affect-quality-of-senate-deliberations-expert-1949" rel="noopener noreferrer" target="_blank">Online sessions may affect quality of Senate deliberations — expert </a></div><p>Sa ngayon, itinuturing si Dela Rosa na fugitive. Kasalukuyan siyang pinaghahanap ng mga awtoridad matapos maglabas ng arrest warrant ang International Criminal Court kaugnay ng kanyang umano’y papel bilang co-perpetrator ni dating Pangulong Rodrigo Duterte sa madugong kampanya kontra droga. </p><div><a href="https://www.abs-cbn.com/news/nation/2026/5/21/vida-pnp-nbi-now-tasked-to-effect-arrest-of-dela-rosa-1242" rel="noopener noreferrer" target="_blank">DOJ tells PNP, NBI to arrest &#x27;fugitive&#x27; Dela Rosa</a> </div><p>Nilinaw din ni Pangilinan sa kanyang <a href="https://www.instagram.com/p/DY19VQsAVI1/" rel="noopener noreferrer" target="_blank">Instagram account</a> na hindi maaaring ikumpara ang magkakaibang konteksto at sitwasyon sa Senate Resolutions No. 658 at No. 51. </p><p>Ani Pangilinan, nasa gitna ng COVID-19 pandemic at national emergency ang bansa, kaya pinayagang magsagawa ng videoconferencing ang Senado. </p><p>Sa isang pahayag sa kanyang <a href="https://www.facebook.com/hontiverosrisa/posts/pfbid02N8EjP9ZfqkxSSLg6SfLYJ5HvNVandizrhEXasAqnHdsM5WSERB2BSPrHZEfgCMDUl?rdid=aDq7s55OrMLMtOXR" rel="noopener noreferrer" target="_blank">official Facebook page</a>, binigyang-diin ni Hontiveros ang pagkakaiba ng sitwasyon nina de Lima at Dela Rosa.</p><p>“Si Senator Leila noon ay sumuko, na-detain at rumespeto sa proseso ng batas,” ayon kay Hontiveros. </p><div><a href="https://www.abs-cbn.com/news/nation/2026/5/27/majority-s-remote-voting-push-can-t-be-compared-to-case-of-de-lima-hontiveros-says-1805" rel="noopener noreferrer" target="_blank">Majority&#x27;s remote voting push can&#x27;t be compared to case of De Lima, Hontiveros says</a></div><p>Halos pitong taong nakadetine si de Lima. Noong November 13, 2023 ay naaprubahan ang kanyang piyansa at kalauna’y naabswelto siya sa lahat ng kanyang kaso na may kinalaman sa droga. </p><div><a href="https://www.abs-cbn.com/news/2024/6/24/de-lima-acquitted-on-last-of-three-drug-cases-1435" rel="noopener noreferrer" target="_blank">De Lima acquitted on last of three drug cases</a> </div><div><strong><em>– with research from Ciara Annatu</em></strong></div><div style="text-align:center"><br/></div><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming </em><a href="mailto:factcheck@abs-cbn.com"><em>email factcheck@abs-cbn.com</em></a><em> o X (dating Twitter) account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>.  </em></div>

<p>May pagkakaiba ang panukalang remote participation na inihain ni Sen. Rodante Marcoleta noong May 11, 2026 sa mga resolusyong isinulong noon para kay dating Sen. Leila de Lima.</p>

May pagkakaiba ang panukalang remote participation na inihain ni Sen. Rodante Marcoleta noong May 11, 2026 sa mga resolusyong isinulong noon para kay dating Sen. Leila de Lima.