Daven Tamayo

BALIKAN: Ang brutal na pagpatay kay Nida Blanca

Article (news)

Kevin Alabaso

ABS-CBN News

<div><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/QQd5M2DxgV0?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span></div><p>“Nida Blanca, tadtad ng saksak!”</p><p>“Nida Blanca, found dead!”</p><p>“Nida Blanca, natagpuan sa likod ng kotse!”</p><div><br/></div><p>Ito ang mga headlines na bumulaga sa mga Pilipino at gumulat sa mundo ng showbiz kung saan ang award-winning actress, at respetado sa industriya na si Nida Blanca ay natagpuan na lang na wala nang buhay.</p><p>Sa mga Gen-Z, maaaring hindi na nila kilala si Nida. Pero sa mga millennials pataas, malaki ang tiyansa na kilalang-kilala siya.</p><p>At ang mas nakatitindig balahibo pa rito ay hanggang ngayon na lagpas 2 dekada na mula noong siya ay pinatay ay hindi pa rin nareresolba ang nangyari sa kaniya.</p><p>Pero sino nga ba muna ni Nida Blanca?</p><div><br/></div><div><strong>SINO SI NIDA BLANCA?</strong></div><p>Ipinanganak siya bilang si Dorothy Guinto Jones kung saan ang kaniyang ama ay isang Amerikano at ang kaniyang ina naman ay isang Pilipino.</p><p>Una siyang nakilala ng publiko bilang si Nida Blanca noong siya ay 15-anyos lamang sa kaniyang unang pelikula na “Ang Prinsipe Amante Sa Rubitanya” na inilabas noong 1951.</p><p>At kalaunan ay nakilala na siya bilang “Queen of Movies” noong mga panahong iyon dahil sa sikat na tambalan nila ni Nestor De Villa.</p><p>Sa sobrang sikat ng tambalan nila noon ay maihahalintulad ito sa kasikatan ng tambalan ng KathNiel, JaDine, at LizQuen nitong mga nakaraang taon.</p><p>Lalo pang pumutok ang kaniyang kasikatan dahil sa pagganap niya bilang ang matriach na si Marsha sa long-running sitcom sa telebisyon noon na “John en Marsha” katambal ang King of Comedy na si Dolphy.</p><p>Mahigit 160 na pelikula ang kaniyang nagawa kung saan palaban at matapang ang kaniyang mga karakter.</p><div><br/></div><div><strong>NOVEMBER 7, 2001</strong></div><p>Alas-8:15 ng umaga nang matagpuan ng mga roving guards sa Atlanta Center sa Annapolis Greenhills ang katawan ni Nida Blanca sa likod ng isang sasakyan na naka-park sa ika-6 na palapag ng isang gusali.</p><p>Nakita ng mga guwardiya ang katawan ni Nida sa likod ng isang Nissan Sentra at agad tumawag ng pulis ang security ng gusali.</p><p>Lumabas sa imbestigasyon na mayroong 13 saksak sa kaliwang bahagi ng kaniyang mukha hanggang sa leeg ang tinami ni Nida.</p><p>Mababaw lang ang saksak at nakitang may pasa rin siya sa mukha. Ayon sa mga imbestigador, maaaring sinuntok muna siya bago saksakin, at babae rin umano ang gumawa nito.</p><p>Bukod pa rito, may nakita ring 5 saksak sa kaniyang kili-kili.</p><p>Lumabas din sa autopsy na hindi pa siya matagal na patay noong nakita ang kaniyang katawan dahil hindi pa ito matigas at dahil hindi pa natutunaw ang pagkain sa tiyan nito.</p><p>Ayon sa isang saksi, may nakitang van sa 6th floor kung saan may ibinabang katawan at saka inilipat ito sa nakaparadang Sentra.</p><p>Naniniwala rin ang mga awtoridad na hindi sa Sentra pinatay si Nida dahil walang signs of struggle sa loob.</p><p>Walang CCTV sa naturang gusali, dahilan para mahirapan lalo ang mga awtoridad sa krimen.</p><p>Naniniwala ang anak ni Nida na si Kaye Torres, na hindi iisang tao ang pumatay sa kanyang ina.</p><p>Ang matalik na kaibigan naman ni Nida na si Caridad Sanchez ay sinabing tinorture ang kanyang kaibigan.</p><p>Sa imbestigasyon ng mga awtoridad, ilang anggulo ang lumutang na dahilan para sa naturang karumal-dumal na krimen.</p><p>Ang unang nakikitang motibo ay pagnanakaw o interes sa mga ari-arian ni Nida.</p><p>Ang isa pang nakitang posibleng motibo ay maaaring mayroong matinding galit kay Nida ang suspek. Ito’y marahil nakabangga ni Nida ang suspek dahil si Nida ang hepe ng MTRCB noon.</p><p>Nagkaroon din ng panahon na nadawit ang personal na assistant ni Nida na si Elena Dela Paz ngunit hindi naniniwala ang anak ni Nida na si Kaye sa teoryang ito.</p><p>Ang isa pang nakitang motibo ay ang lumabas na balitang tetestigo sa isang estafa case si Nida at maaaring may kinalaman ito sa kaniyang pagkamatay. Ngunit sa pagtakbo ng imbestigasyon, unti-unting na-rule out ang mga anggulong ito.</p><div><br/></div><div><strong>MGA TEORYA SA KRIMEN</strong></div><div><strong>1) MAY KINALAMAN SA CASINO</strong></div><p>Bago maiulat ang pagkamatay ni Nida Blanca, may nakakita sa kaniya sa Casino Fillipino.</p><p>Ayon sa witness, isang lalaki at dalawang babae ang kasama ni Nida at narinig niyang humihingi ng balato ang mga ito sa aktres.</p><p>Dagdag ng witness, hindi raw binigyan ni Nida ang mga nanghihingi at sinabing ililibre na lang umano sila ng pagkain.</p><p>Nang lumutang ang anggulong sugal, agad pumunta sa nasabing casino si Elena para iberipika kung totoo ngang nakita si Nida doon. Pero ayon sa mga nakausap niya, wala umanong nakakita kay Elena sa casino.</p><p>Dagdag pa rito, hindi rin naniniwala si Kaye sa anggulong nagsusugal ang kaniyang ina dahil wala raw itong pera at “It’s so not my mom,” aniya.</p><div><br/></div><div><strong>2) MAY KINALAMAN ANG ASAWA</strong></div><p>Para kay Kaye, mas naniniwala siya sa teoryang ang suspek ay ang asawa ni Nida na si Rod Strunk.</p><p>Ito’y dahil lumutang ang anggulong may interes si Strunk sa mga ari-arian ni Nida lalo na yung nasa California. Ang problema ay lahat ng ari-arian ni Nida ay nakapangalan sa kaniyang anak na si Kaye.</p><p>Dagdag ni Kaye, napapansin niyang nagkaroon ng lamat ang relasyon ng kaniyang ina at si Strunk, at nagpakita ito ng mga senyales ng pagkasakim noong mga panahong iyon.</p><p>Itinanggi ni Strunk ang mga paratang sa kaniya at sinabi niya sa isang panayam na “I did not, nor did I have my wife murdered.”</p><p>Mahigit 2 dekadang nagsama sina Nida at Strunk, at ikinasal sila sa Las Vegas, Nevada noong 1979.</p><p>Si Rod Strunk ay isang one-hit wonder na singer at aktor sa Amerika na may screen name na Rod Lauren, at nagkakilala sila ni Nida noong nasa rurok ng popularidad si Nida.</p><p>Nang ikasal si Strunk at Nida, si Dolphy ang kasalukuyang on-screen na katambalan ni Nida kaya’t naging saksi siya sa pagsasama ng mag-asawa. Kaya naman laking gulat ng Comedy King nang maiturong suspek si Strunk sa kaso.</p><p>Ilang araw mula nang mamatay si Nida, may lumutang na lalaking nagpakilalang Philip Medel at umamin itong isa siyang hired killer at inutusan umano siya ni Strunk na patayin si Nida.</p><p>Ayon kay Medel, ilang araw bago mamatay si Nida ay nag-usap sila ni Strunk, at dahil dito ay lalong lumakas ang anggulong maaaring si Strunk nga ang suspek.</p><p>Ngunit makalipas ang ilang araw ng pag-amin ni Medel, binawi niya ang lahat ng kaniyang testimonya at sinabing tinorture at pinilit lang siya ng mga pulis para akuin at aminin na siya ang pumatay.</p><p>Dahil dito, humina ang kaso laban kay Strunk dahil walang warrant of arrest at nakabalik siya ng Amerika.</p><p>Ngunit dahil walang dokumento ng pagbawi ng statement ni Medel, gumulong pa rin ang pagsampa ng kaso laban sa kaniya at kay Strunk.</p><p>Ang problema lang ay nang magrequest ang Pilipinas ng extradition sa Amerika, tinanggihan nila ito.</p><div><br/></div><div><strong>JULY 11, 2007</strong></div><p>Halos 6 years mula noong masawi si Nida Blanca, sumabog ang balita mula Amerika na nagpakamatay si Strunk matapos itong tumalon mula sa second floor ng Tracy Inn sa California.</p><p>Sa mga panahong ito, nakapiit si Medel sa Pilipinas habang hinihintay pa rin ang pagpapatuloy ng kaso.</p><div><br/></div><div><strong>APRIL 2010</strong></div><p>Ilang taon naman matapos mamatay si Strunk ay nasawi si Medel dahil sa komplikasyon sa pneumonia.</p><p>Sa pagkamatay ni Medel, maaaring nadala na nila ni Strunk sa hukay ang kanilang kaalaman sa krimen.</p><p>Dahil dito, nananatiling isa sa mga misteryo at karumal-dumal na pangyayari sa Philippine entertainment ang pagpatay kay Nida Blanca.</p>

<p>Lagpas dalawang dekada mula noong pinatay si Nida Blanca, hindi pa rin nareresolba ang nangyari sa kaniya.</p>

Lagpas dalawang dekada mula noong pinatay si Nida Blanca, hindi pa rin nareresolba ang nangyari sa kaniya.