Joselito Malig

Crime thumbnail Generic thumbnail for crime

Article (news)

CRIME THUMBNAIL-CRIME

Jeff Caparas

ABS-CBN News

TAGUIG — Arestado ang isang motorcycle rider matapos mauwi sa pananaksak ang isang insidente ng road rage sa Taguig City nitong Huwebes ng hapon. Pero bukod sa suspek, dalawang biktima rin ang kalaunang inaresto ng pulisya matapos malaman na mayroon pala silang mga nakabinbing warrant of arrest. Batay sa imbestigasyon ng Taguig City Police, nagsimula umano ang alitan sa bahagi ng Kalayaan Avenue, Barangay Fort Bonifacio, dakong alas-kuwatro ng hapon matapos magka-initan ang mga rider dahil sa umano’y pag “dirty finger” na ginawa ng isa sa kanila. Sa amateur video na ibinahagi ng Taguig City Police, makikitang hindi makausad ang trapiko habang nagkakagulo ang tatlong lalaki sa gitna ng kalsada. Nagsimula umano ang rambol nang hampasin ng helmet ng isang rider ang kapwa niya motorista. Sa gitna ng kaguluhan, nauwi na sa pananaksak ang insidente. Matapos ang gulo, makikitang naglakad palayo ang suspek at iniwan ang kanyang motorsiklo.<div><a href="https://www.abs-cbn.com/news/regions/2026/5/7/2-men-arrested-after-road-rage-incident-in-bulacan-armed-suspect-still-at-large-1513">2 men arrested after Bulacan road rage; armed suspect still at large </a></div>Sugatan naman ang isang lalaki matapos magtamo ng mga galos sa dibdib, tagiliran at braso mula sa isang matulis na bagay na hinihinalang screwdriver. Ayon sa backrider na nasugatan, inakala niyang katapusan na niya nang mga oras na iyon. “Yung una po akala ko po ice pick, kasi nararamdaman ko po pero hindi nagpa-puncture po kaya sabi ko parang screwdriver na kinuha niya sa compartment… halos mamatay ako ser eh kung kutsilyo, nakita mo meron dito sa dibdib ko, sa puso, dalawa sa tiyan, meron sa tagiliran,” ani ng biktima. Kuwento pa niya, pauwi na sana sila ng Makati sakay ng motorsiklo ng kanyang kaibigan nang harangan umano ng suspek ang kanilang daraanan. Dahil dito, binusinahan siya ng ibang motorista habang nirebolusyon naman umano nila ang kanilang motorsiklo bilang senyales na nakakaharang ito sa daan. Ngunit sa halip umano na humingi ng paumanhin, nag-“dirty finger” pa umano ang rider bago umalis. Nang muli silang mag-abot sa trapiko, dito na nila kinompronta ang suspek. Ayon kay traffic enforcer Ardhen Gella, una pa lamang ay sinubukan na niyang awatin ang magkabilang panig.<div> <a href="https://www.abs-cbn.com/news/nation/2026/5/6/mutual-raps-filed-following-qc-road-rage-incident-2030">Mutual raps filed following QC road rage incident</a></div>“Ngayon pagdating siyempre tutok ako doon, nakatalikod ako sa kanila. Ngayon biglang bumaba si sir, sabi niya ano sabi mo, inambahan niya hatawin ng helmet si sir, sabi ko, ‘uy uy huwag kayo mag-away dito… relax muna kayo, init init nagpapainit pa kayo,’” ani Gella. “Pag-andar niya, nag-dirty finger po siya, then akala niya makakalusot siya kasi go eh. Eh bigla nag stop so nahinto siya doon sa harap, eh nalapitan namin, parang kinompronta lang namin bakit kailangan mo mag ganun… tahimik na po, wala na pong nagsasalita, hinihintay na lang namin mag-go, biglang ini-stand niya yung motor niya, binuksan niya compartment kinuha niya screwdriver,” dagdag naman ng sugatang backrider. Nang makita umano ng enforcer na may nasaksak na, agad siyang humingi ng tulong sa mga pulis na nagpa-patrol sa lugar. “Parang na-ano ako sir, siyempre may saksak na eh… ginawa ko na lang sumigaw ako sa tropa na ‘pre, tawag kayo ng pulis,’ tamang tama nakita nung kasama ko sa gitna na may pulis na coming kaya pina-go para mahugot kaagad,” sabi ni Gella. Ayon naman kay P/Col Julius Añonuevo, agad na naaresto ang mga sangkot sa insidente.<div> <a href="https://www.abs-cbn.com/news/nation/2026/4/28/gun-toting-protection-agent-in-viral-road-rage-video-faces-probe-possible-charges-1352">Gun-toting protection agent in viral road rage video faces probe, possible charges</a></div>“Pagtawag ng pulis, actually patakas ka na eh, paalis na siya kaya na-acost na siya ng pulis naaresto siya pati itong dalawa kinuha, siyempre first responder natin diyan hindi pa alam ang buong istorya niyan,” ani Añonuevo. Dahil sa insidente, inirekomenda ng Taguig City Police sa Land Transportation Office ang revocation ng lisensya ng mga sangkot sa road rage. “It will depend on the LTO kung i-aapprove nila ang recommendation namin na both the suspect and the victims be cancelled, ma-revoke yung license nila. This will be a warning to all na nasa kalye natin na ganyan ang gagawin namin sa Taguig,” dagdag ni Añonuevo. Humingi naman ng tawad ang suspek at itinangging nag-middle finger siya at nagpakilalang pulis. “Di po, iba-iba na po statement po nila eh, simula po nung una hanggang ganito pong huli,” pahayag ng suspek. “Humingi na po ako ng tawad nag-sorry ako… sabi daw po nag bad finger daw po ako, eh nagpasalamat ako doon sa kotse, kasi pagbusina ko, pinagbigyan ako pumasok ako, yun po paglusot ko sabi ko ‘Thank you’… Kumaway po ako nag ‘Thank you’ po ako… Alangan naman maghahamon po ako dala-dalawa po yan, ako po nag-iisa di ko naman po,” dagdag pa niya. Nagsisisi umano siya sa nangyari. Kasalukuyang sumasailalim sa inquest proceedings ang suspek at nahaharap sa reklamong frustrated homicide at illegal possession of deadly weapon. Ngunit habang nagsasagawa ng beripikasyon ang mga pulis, natuklasan sa e-warrant system ng PNP na may mga aktibo at hindi pa naseserbisyuhang warrant of arrest ang dalawang biktima. Ang backrider ay may kasong frustrated murder habang ang rider naman ng motorsiklo ay may kinahaharap na kasong theft at carnapping.<div> <a href="https://www.abs-cbn.com/news/nation/2026/5/6/road-rage-sa-qc-bus-driver-at-konduktor-pinalo-ng-tubo-ng-magkapatid-na-rider-0909">Road rage sa QC: Bus driver at konduktor, pinalo ng tubo ng magkapatid na rider</a></div><a href="https://www.abs-cbn.com/news/nation/2026/5/6/road-rage-sa-qc-bus-driver-at-konduktor-pinalo-ng-tubo-ng-magkapatid-na-rider-0909"></a>“Nalaman po namin through e-warrant system namin ng PNP na mayroon po silang unserved at active warrant so dahilan kung kaya’t ito po ay agad namin isinerve,” ayon kay PCpt Melvin Garcia, PIO at hepe ng SIDMS ng Taguig CPS.Matapos pagsilbihan ng warrant, tumanggi nang magsalita ang dalawang biktima na kalaunan ay naging mga suspek din.Inilagay sa kustodiya na ngayon ng Taguig City Police ang tatlong lalaki habang inaasahang maglalabas naman ng show-cause order ang Land Transportation Office laban sa mga rider na sangkot sa insidente.Samantala, nakapag-prisinta na ng Certificate of Discharge from Prison ang dalawa na inihatid ng kanilang pamilya sa Taguig City Police kaya’t pinakawalan na ang dalawa mula sa kustodiya ng pulisya.

Arestado ang isang motorcycle rider matapos mauwi sa pananaksak ang isang insidente ng road rage sa Taguig City nitong Huwebes ng hapon.

Arestado ang isang motorcycle rider matapos mauwi sa pananaksak ang isang insidente ng road rage sa Taguig City nitong Huwebes ng hapon.

Road rage sa Taguig, nauwi sa pananaksak; mga biktima may warrant pala, arestado rin

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Nation

Road rage sa Taguig, nauwi sa pananaksak; mga biktima may warrant pala, arestado rin

Jeff Caparas,

ABS-CBN News

Published May 08, 2026 07:12 PM PHT

Read More:

Road rage

Pananaksak

Taguig

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.