Ciara Annatu

FACT CHECK: Mga lumang video ng lindol muling ipinakalat at iniugnay sa Sarangani quake

Kumakalat sa social media ang ilang video na ipinalalabas na kuha umano sa magnitude 7.8 na lindol na tumama sa baybayin ng Sarangani at naramdaman sa ilang parte ng Mindanao noong June 8, 2026.

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/17810847542092.jpg" style="width:960px" class="fr-fic fr-dib" width="960"/></div><p>Kumakalat sa social media ang ilang video na ipinalalabas na kuha umano sa magnitude 7.8 na lindol na tumama sa baybayin ng Sarangani at naramdaman sa ilang parte ng Mindanao noong June 8, 2026. </p><p>Tatlong video na iniuugnay sa kamakailang pagyanig at inilabas sa parehong araw, June 8, ang natagpuan ng ABS-CBN Fact Check na luma. Ang totoo, kuha ang mga ito sa naganap na pagyanig sa Davao Oriental at Thailand noon pang 2025. </p><div><br/></div><div><strong>PAGSABOG NG TRANSFORMERS </strong></div><p>Sa isang video sa Instagram, makikita ang mga taong nagtatakbuhan sa kalsada habang may mga pagsabog sa mga poste ng kuryente. Nilagyan ito ng tekstong “<em>NEW FOOTAGE EMERGES AFTER MAJOR PHILIPPINES EARTHQUAKE</em>” kasama ang petsang June 8, 2026 at lokasyong Mindanao, Philippines. </p><p>Ngunit ang nasabing video ay kuha nang tumama ang magnitude 7.4 na lindol sa Manay, Davao Oriental noong October 10, 2025. Ayon sa ulat ng <a href="https://www.tiktok.com/@sunstardavao/video/7559437857790774546" rel="noopener noreferrer" target="_blank">SunStar Davao</a>, kuha ang video sa Bolton, Davao City. </p><div><br/></div><div><img src="https://od2-image-api.abs-cbn.com/prod/editorImage/17810847870823.jpg" style="width:960px" class="fr-fic fr-dib" width="960"/></div><div><br/></div><div><strong>MGA ESTUDYANTENG NASA SAHIG </strong></div><p>Ginamit din ng Facebook page na “<em>Everybitlocal</em>” ang isang video ng mga estudyanteng nakaupo sa sahig habang lumilindol. Nilagyan ito ng caption na: “<em>A devastating 7.8 magnitude earthquake struck Southern Philippines on June 8, 2026.</em>”  </p><p>Gayunman, hindi rin ito kuha sa kamakailang lindol. Ayon sa <a href="https://www.facebook.com/reel/25757773410497283" rel="noopener noreferrer" target="_blank">Facebook post ng ABS-CBN News</a>, ang video ay kuha rin nang tumama ang lindol sa Davao Oriental noong October 10, 2025. </p><div><br/></div><div><img src="https://od2-image-api.abs-cbn.com/prod/editorImage/17810848098394.jpg" style="width:960px" class="fr-fic fr-dib" width="960"/></div><div><br/></div><div><strong>MGA TAONG NASA SWIMMING POOL </strong></div><p>Sa isa namang post sa X, makikita ang tatlong tao sa balkonahe ng isang gusali na may swimming pool nang biglang umalog ang paligid dahil sa lindol. Nilagyan ang video ng caption na “<em>Magnitude 7.8 earthquake Mindanao.</em>” </p><p>Subalit hindi ito kuha sa Pilipinas. Ang video ay kuha sa Thailand, na nakaranas ng pagyanig bunsod ng magnitude 7.7 na lindol sa Sagaing, Myanmar noong 2025.</p><div><br/></div><div><img src="https://od2-image-api.abs-cbn.com/prod/editorImage/17810848305795.jpg" style="width:960px" class="fr-fic fr-dib" width="960"/></div><div><a href="https://www.abs-cbn.com/news/world/2025/3/28/massive-quake-kills-nearly-150-in-myanmar-thailand-0029" rel="noopener noreferrer" target="_blank">Massive quake kills nearly 150 in Myanmar, Thailand</a> </div><div><br/></div><div><strong>OCD: MAGING MAPANURI</strong></div><p>Dahil sa pagkalat ng mga lumang video na maling iniuugnay sa lindol, nagpaalala ang Office of Civil Defense (OCD) Region XII na maging mapanuri sa mga impormasyong nakikita sa social media.</p><p>Sa panayam ng ABS-CBN Fact Check, hinikayat ni OCD Region XII Information Officer II Beverly Santos ang publiko na tiyaking beripikado ang mga impormasyong nakikita online bago ito paniwalaan para maiwasan ang pagkalat ng maling impormasyon.</p><p>“Kung may information silang makita sa social media, i-confirm po muna o i-verify. Huwag muna maniwala agad-agad kasi baka maling balita &#x27;yung ma-share sa iba at makapagdulot ito ng unnecessary na takot at pangamba,” sabi ni Santos.</p><div><a href="https://www.abs-cbn.com/news/regions/2026/6/9/what-we-know-about-the-magnitude-7-8-mindanao-earthquake-2032" rel="noopener noreferrer" target="_blank">What we know about the magnitude 7.8 Mindanao earthquake </a></div><div><a href="https://www.abs-cbn.com/news/nation/2026/6/10/mindanao-quake-death-toll-climbs-to-45-disaster-agency-0842" rel="noopener noreferrer" target="_blank">Mindanao quake death toll climbs to 45—disaster agency</a></div><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email </em><a href="mailto:factcheck@abs-cbn.com"><em>factcheck@abs-cbn.com</em></a><em> o X (dating Twitter) account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>. </em></div>

<p>Kumakalat sa social media ang ilang video na ipinalalabas na kuha umano sa magnitude 7.8 na lindol na tumama sa baybayin ng Sarangani at naramdaman sa ilang parte ng Mindanao noong June 8, 2026.</p>