Daven Tamayo

‘The mayor did it’: Ang pagpatay kina Eileen Sarmenta at Allan Gomez noong 1993

Article (news)

Kevin Alabaso

ABS-CBN News

<div><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/A8RKFTpD410??si=LmZXWmX61dTrTpJ-&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span></div><div><strong><em>(Babala: Ang naturang ulat ay tinatalakay ang ilang malubhang krimen na maaaring maging masyadong brutal para sa ilang nagbabasa.)</em></strong></div><p>Ang krimen na tatalakayin ay tinawag ng isang hukom na “a plot seemingly hatched in hell” o isang planong mistulang binuo sa impyerno dahil sa labis na sinapit ng mga biktimang sina Eileen Sarmenta at Allan Gomez.</p><p>Sina Eileen (21) at Allan (19) ay parehong mag-aaral mula UP Los Baños at natagpuan ang dalawa na wala nang buhay sa magkahiwalay na lugar sa Calauan, Laguna mahigit tatlong dekada na ang nakalipas.</p><p>Pero ano nga ba ang nangyari sa kanila para matawag ng hukom na binuo sa impyerno ang nangyaring krimen?</p><div><br/></div><div><strong>JUNE 28, 1993</strong></div><p>Bandang alas-9:15 ng gabi huling nakita si Eileen ng kaniyang nobyong si Cesar kung saan sinabihan niya itong huwag nang lumabas dahil may pasok pa kinabukasan.</p><p>Sumagot si Eileen na pupunta niya lang saglit sa dormitoryo ang isang kaibigan.</p><p>Habang patungo si Eileen sa kaibigan, nakasalubong niya si Allan na ka-”brod” niya sa fraternity sakay ng isang van.</p><p>Nalaman ni Eileen na nasa isang restaurant ang hinahanap na kaibigan at sinakay siya ni Allan sa van at tumungo sila sa restaurant.</p><p>Ang mga sumunod na pangyayari ay ayon na sa mga testigo sa kaso.</p><div><br/></div><div><strong>ANG PAGDUKOT</strong></div><p>Sa parking lot sa harap ng restaurant nag-uusap sa loob ng van ang dalawa kung saan nakasuot si Eileen ng t-shirt at puting shorts – na kalaunan ay magiging importante sa mismong kaso.</p><p>Pareho silang nasa harap ngunit biglang may dalawang armadong lalaking tinutukan sila at pilit na pinalipat sa likod ng van.</p><p>Maya’t maya pa ay may iba pang mga lalaki na sumakay sa likod ng van. Nagmaneho ang isang armadong lalaki at bumuntot sa kanila ang isang ambulansya. </p><p>Dumating sila sa Erais Farm sa Calauan, Laguna na pagma-may-ari ng alkalde ng lugar noon na si Antonio Sanchez.</p><p>Ang nasabing grupo ng mga lalaki ay mula umaga pa lang ay nagbalak nang hanapin at dukutin si Eileen dahil matagal na pala umano kursonada ng mayor si Eileen.</p><p>Pagdating sa farm, binusalan ang bibig ni Eileen gamit ang panyo, habang tinalian naman si Allan.</p><p>Mula sa isang resthouse sa loob ng farm, lumabas si Sanchez at sinabi ng isa sa mga dumukot ay “mayor, ito po ‘yung regalo namin sa inyo. Ito po ‘yung babae na matagal na po ninyong kursonada.”</p><p>“Aba, ang ganda talaga ng babaeng ‘yan. Pero sino ‘yung kasama niyong lalaki?” sagot umano ni Sanchez.</p><p>“Boss kasama ho ‘yan ng babae ‘yung lalaki, isinama na rin ho namin para wala pong bulilyaso,” tugon naman ng isa pang nandukot.</p><div><br/></div><div><strong>PAG-ABUSO AT PAGPASLANG</strong></div><p>Dinala si Eileen sa kwarto ni Sanchez habang si Allan naman ay nasa labas at brutal na binubugbog ng mga lalaking kumuha sa kanila.</p><p>Tinalian at binusalan si Allan at sinikmuraan pa ito gamit ang armalite.</p><p>Bumagsak sa semento si Allan at akala nila ay patay na ito at sinabi pa ng isa na “mamatay din ‘yan mamaya.”</p><p>Mga ala-1 ng madaling araw ng Hunyo 29, lumabas si Eileen na umiiyak at hindi na suot ang puting shorts.</p><p>Gusot ang buhok, nakatali pa rin ang kamay, may busal pa rin na panyo sa bibig at nanghihina.</p><p>“O sige mga anak, salamat sa regalo ninyo. Salamat sa regalo ninyo sa akin. Tapos na ako, sa inyo na ‘yan. Bahala na kayo diyan. Ano naman ang gagawin ninyo dyan sa lalaki?” sabi ni Sanchez.</p><p>Sumagot naman ang isa sa kanila ng “boss, papatayin na rin po namin ito para wala pong bulilyaso.”</p><p>Sinakay na ulit ang dalawa sa van at sinundan ulit ito ng ambulansya. Sa biyahe, nakita ng driver ng ambulansya sa gumegewang-gewang ang van, tapos may narinig siyang mga putok ng baril.</p><p>Huminto ang van at ibinaba ng mga lalaki si Allan na noon ay duguan na. Pinaputukan muli ito ng armalite at iniwan sa tambakan ng basura.</p><p>Matapos ito, pumunta sila sa tubuhan sa Sitio Paputok, Kilometro 74, Barangay Mabacan at sinabi ng isang lalaki na sila naman daw ang gagawa ng ginawa ni Sanchez at dito na nila pinagsamantalahan si Eileen.</p><p>Ayon sa driver ng ambulansya, inalok rin siyang makisali pero hindi raw niya masikmura ang kababuyan na ginawa ng kaniyang mga kasama kaya umayaw siya.</p><p>Matapos ang pang-aabuso, umiiyak at hinang-hina si Eileen na lumuhod sa loob ng van at nagmakaawang huwag siyang patayin.</p><p>Hindi siya pinakinggan at isang lalaki ang nagpasok ng isang bagay sa bibig ni Eileen at binaril siya ng baby armalite nang walang pag-aalinlangan.</p><p>Iniwan nila ang van sa tubuhan at kasama sa loob ang bangkay ni Eileen, bago sila nagsi-uwian sa kani-kanilang bahay.</p><div><br/></div><div><strong>MGA SANGKOT</strong></div><p>Kabado at tensyonado ang mga sangkot sa krimen kung saan lahat sila ay mga tauhan ni Sanchez.</p><p>Ang may mataas na posisyon sa kanila na si George Medialdea – na noong panahon ay ang Calauan PNP deputy chief – ang nag-offer kay Eileen bilang regalo.</p><p>Ang iba naman ay sina Vicencio Malabanan, Ziolo Ama, at ang magkapatid na Luis at Rogelio “Boy” Corcolon ang mga security aide ng alkalde.</p><p>Si Luis ang sinabing unang nanamantala kay Eileen at siya rin umano ang bumaril.</p><p>Kasama rin sina Baldwin Brion (pamangkin ni Sanchez), Pepito Kawit (houseboy ni Sanchez), at Aurelio Centeno (driver ng ambulansya).</p><div><br/></div><div><strong>COVER-UP ATTEMPT</strong></div><p>Sinubukang pagtakpan ni Medialdea ang krimen at nagkunwaring may police operation siya sa lugar kung saan nila pinatay si Allan.</p><p>Kasama nito si Centeno (driver ng ambulansya) at sinundo nila si Malabanan, Luis, at Ama at kunwari bigla nilang nadaanan ang bangkay ni Allan.</p><p>Inutusan si Centeno na bumalik sa Municipal Hall para kunwari magreport na may patay silang nakita.</p><p>Pagdating sa Municipal Hall, andoon si Rogelio na sinabihan siya na may nakita ring bangkay ng babae sa van sa isa pang barangay na parang wala silang alam.</p><p>Sila-sila rin ang nag-report kay dating Calauan Chief of Police Robin Caño na may nadiskubre silang bangkay.</p><p>Si Medialdea pa mismo ang nagtakip ng katawan ni Eileen, inayos ang kaniyang damit, at tinakpan gamit ang sako.</p><p>Minaneho ng grupo ang van patungong UP Los Baños police station at doon kinumpirma ng mga estudyante na ang bangkay ay si Eileen Sarmenta.</p><p>Kalaunan, dinala ang bangkay nina Eileen at Allan sa Calauan Municipal Hall at doon din nakita ni Centeno na nililinis ng isang preso ang van – marahil umano para linisin ang ebidensiya.</p><p>At dito na pumutok ang balita kung saan nagdatingan na sa maliit at dating di kilalang munisipalidad ng Calauan ang NBI at mga foreign at lokal na media.</p><p>Sa simula ng police investigation, laging kino-kinsulta ng mga imbestigador si Sanchez dahil umano sa munisipalidad niya nangyari ang krimen.</p><p>Si Medialdea at mga kasamahan ay parati rin naka-loop in sa mga development at tumutulong din.</p><p>Muntik nang malihis ang imbestigasyon nang ituro nila na prime suspect ang isang ka-eskwela na anak ng isang general.</p><p>May isyu raw ng love triangle at si Allan ang talagang target nitong nasabing ka-eskwela.</p><p>Pero hindi tumayo ang akusasyon na ito dahil walang ebidensiya at pasado sa lie-detector test ang tinuro nila prime suspect.</p><p>Dito na unti-unting nabaling ang focus kay Sanchez at kaniyang mga tauhan. May mga lumabas kasi na inconsistency, material evidence, at mga damaging ng testimonya.</p><div><br/></div><div><strong>MGA EBIDENSIYA</strong></div><p>Isa sa mga ebidensiyang nakalap laban sa grupo ni Sanchez ay matapos dalhin ang katawan nina Eileen at Allan sa munisipya, bumalik si Medialdea, Malabanan, at Ama sa scene of the crime ni Allan.</p><p>Nagtanong-tanong sa mga residente doon kung may nakita silang basyo ng bala. Mayroong nakitang basyo ng armalite at kinuha nila ito at ibinigay kay Calauan Police Chief Caño na nag-iimbestiga.</p><p>Sa ballistics test, lumabas na ang “strations” o defining lines sa basyong ito ay pareho sa nasa bala ng M16 rifle ni Luis.</p><p>Kahit ang metal fragments sa mukha ni Eileen na-trace sa parehong M16 rifle.</p><p>Bukod pa rito, sa testimonya ni Sanchez, isang residente raw ang nakahanap ng puting shorts ni Eileen sa general area kung saan nangyari ang krimen. Binigay umano ito kay Sanchez at inutos niya kay Medialdea na i-submit ito kay Caño.</p><p>Sa isang search operation sa Erais farm ni Sanchez, may nakuhang white na belt loop sa resthouse, at sa pag-test ng mga awtoridad, nag-match ang belt loop at ang fiber nito sa punit-punit na puting shorts na nasa kustodiya ng mga pulis.</p><p>At syempre, kaduda-duda rin ang mabiliis na paghugas at paglinis ng van sa loob mismo ng munisipyo lalo na’t ebidensiya ang mismong van na may bakas ng dugo.</p><p>Ngunit mas nagulat si Sanchez nang arestuhin siya noong Agosto 13, 1993 nang dalhin siya sa Camp Vicente Lim at iniharap sa media dahil dito niya nakita na si Centeno (driver ng ambulansiya) at si Malabanan (security detail) ay bumaliktad na at nag-state witness laban sa kaniya.</p><p>Silang dalawa – na parehong sinabing hindi sila sumali sa paggahasa kay Eileen – ang star witnesses laban sa naturang kaso.</p><p>Sa harap ng media, si Sanchez ang itinuro nilang mastermind.</p><p>Kwento ni Centeno, nang mag-umpisa ang imbestigasyon, lumapit siya kay Sanchez at natatakot umano kasi may balita na hinahanap na raw ang driver ng ambulansiya na sangkot sa krimen.</p><p>Ang sabi umano ni Sanchez sa kaniya ay tumahimik na lang siya at magtago muna, sabay bigay ng P2,000.</p><p>Nagtago si Centeno, hanggang sa matunton ito ng mga awtoridad sa Divisoria noong Agosto 10, 1993.</p><div><br/></div><div><strong>ANG HATOL</strong></div><p>Itinanggi ni Sanchez na may kinalaman siya sa paggahasa at pagpatay kay Eileen at kay Allan. Ang alibi niya, kasama niya noon ang kaniyang mistress.</p><p>Ang ibang akusado, si Medialdea, Kawit, Brion, Ama, at magkapatid na Corcolon, may kanya-kanya ring alibi at pag-deny sa krimen.</p><p>Nag-umpisa ang pagdinig sa kaso noong Setyembre 29, 1993 sa ilalim ng korte ni Judge Harriet Demetriou.</p><p>Tumagal ng 16 na buwan ang trial at ang hatol ay “guilty beyond reasonable doubt” ng 7 counts of rape with homicide sa bawat akusado.</p><p>Ang parusa, maximum penalty o pitong life imprisonment sa bawat isang akusado.</p><div><br/></div><div><strong>GOOD LIFE INSIDE PRISON?</strong></div><p>Nahatulan ng pagkakakulong habang buhay.</p><p>Kahit na nahatulan na nito, walang naging pagbabago o pagsisisi sa kulungan si Sanchez.</p><p>May sariling aircon ito sa selda, may flat screen TV, may mga lechon at party at may isang beses pa na nahulihan umano ng shabu at marijuana.</p><p>Noong Agosto 2019 naman, pumutok ang balita na lalabas na raw si Antonio Sanchez dahil sa batas na tinatawag na GCTA  o Good Conduct Time Allowance.</p><p>Ang GCTA ay nagbibigay ng bawas sa sentensya kung maayos ang asal ng preso sa loob ng kulungan.</p><p>Dahil dito, nagtrending muli sa social media ang nangyaring krimen at ang panawagan ng hustisya para kina Eileen at Allan.</p><p>Pati ang pamilya nina Eileen at Allan ay tuliro at nagulat dahil walang abiso, at walang konsultasyon sa kanila.</p><p>Kalaunan ay nagkaroon ng panawagan at protesta na huwag palabasing ang isang convicted rapist at murderer.</p><p>Sa harap ng matinding backlash, umatras ang Department of Justice at hindi na raw kasama si Sanchez sa qualified list ng GCTA.</p><div><br/></div><div><strong>MARCH 27, 2021</strong></div><p>Bandang alas-7 ng umaga, natagpuan na walang malay na si Sanchez sa loob ng selda ng New Bilibid Prison.</p><p>Itinakbo siya sa prison hospital ngunit dead on arrival na ito.</p><p>May haka-haka na maaaring na-COVID si Sanchez pero sinabi ring marami na siyang sakit sa katawan na maaaring naging sanhi ng mga komplikasyon.</p><p>Sa edad na 71, pumanaw ang isa sa mga notorious na kriminal sa bansa nang walang media, walang seremonya, at hanggang sa huli, walang pag-aamin sa brutal na paggahasa at pagpatay kay Eileen at Allan.</p><div><strong>Panoorin </strong><a href="https://www.youtube.com/watch?v=nKOOsyjk25s"><strong>ang bagong episode</strong></a><strong> ng Philippines&#x27; Most Shocking Stories.</strong></div>

<p>Ang krimen na tatalakayin ay tinawag ng isang hukom na “a plot seemingly hatched in hell” o isang planong mistulang binuo sa impyerno dahil sa labis na sinapit ng mga biktimang sina Eileen Sarmenta at Allan Gomez.</p>

Ang krimen na tatalakayin ay tinawag ng isang hukom na “a plot seemingly hatched in hell” o isang planong mistulang binuo sa impyerno dahil sa labis na sinapit ng mga biktimang sina Eileen Sarmenta at Allan Gomez.