Cheyenne Suarez

5 huli sa pagbebenta ng halos P1-M expired na keso, palaman sa Quiapo

Article (news)

Daniza Fernandez

ABS-CBN News

<div> </div>Arestado ang limang tindero matapos mahuling nagbebenta ng aabot sa P950,000 halaga ng mga expired na produkto sa Quiapo, Maynila. Sa ikinasang operasyon ng Special Mayor’s Reaction Team (SMaRT) nitong Martes ng gabi, nasamsam din ang tatlong tampering machines na ginagamit sa pagpepeke ng mga expiration date ng mga pagkain.Ayon kay PLt. Col. Edward Samonte, hepe ng SMaRT, naaktuhan ang mga suspek sa pagbebenta ng mga expired na palaman sa tinapay, nakalatang softdrinks, keso, at noodles.Nabunyag na sa loob mismo ng palikuran binubura ang lumang expiration date bago tatakan ng bago at pekeng petsa.Sabi ni Samonte sa Talk to the People ni Manila Mayor Isko Moreno Domagoso, nadiskubre sa ikalawang palapag ng tindahan ang imbakan ng mga expired na produkto na pinagpipistahan na ng maraming daga.Ilan aniya sa mga paninda ay kinakalawang na ang mga lata at ang ilang instant noodles ay taong 2025 pa nag-expire.“‘Yung ground floor ay nandu’n po ‘yung kanilang mga tindahan. Nung inakyat namin ‘yung second floor… nakita po namin ‘yung mga expired products ta’s may mga daga po, maraming daga,” ani Samonte.Kasunod nito, sinabihan ni Mayor Isko Moreno ang mga suspek na umiwas sa ilegal na gawain at binalaan ang mismong may-ari ng establisyimento na sumuko na sa mga awtoridad upang magpaliwanag.“Binibigyan ka namin ng pagkakataon pumunta sa SMaRT at magpaliwanag,” aniya.Nagbabala ang alkalde sa publiko na huwag basta-basta papatulan ang mga produktong &quot;sobrang mura&quot; dahil baka magdulot lamang ito ng sakit sa mga mamimili na naghahangad lang makadiskwento.“Binili n’yo, pinaghirapan ninyo ‘yung pera ninyo, gusto n’yo lang makadiskwento thinking na mura pero ligtas. Ang problema, hindi [ligtas]. Baka magkasakit kayo,” sabi ng alkalde.Paalala ng Department of Trade and Industry sa mga mamimili, suriin ang manufacturing date, expiration date, batch/lot number, at storage instructions bago bumili ng pagkain. Hinimok din ng ahensya ang publiko na agad i-report ang mga ganitong ilegal na nagtitinda sa kanilang mga lokal na tanggapan.

Naaktuhan ang mga suspek sa pagbebenta ng mga expired na palaman sa tinapay, nakalatang softdrinks, keso, at noodles.

Naaktuhan ang mga suspek sa pagbebenta ng mga expired na palaman sa tinapay, nakalatang softdrinks, keso, at noodles.