Geline Salac

Kawatan nag-ala 'Spider-man', botika nilooban

Article (news)

Christopher Sitson

ABS-CBN News

Arestado ang 19-anyos na lalaki matapos looban ang isang botika sa Barangay Talipapa, Quezon City nitong Martes ng madaling araw, Hunyo 23.Sa CCTV makikita ang mala-spider-man na galawan ng suspek.Umakyat siya sa bubong ng gusali at binaklas ang mga yero nito. Binutas niya ang kisame hanggang tuluyang mapasok sa loob ng botika.“Base sa imbestigasyon binaklas ng suspek ang bubong at sinira ang kisame para makapasok sa loob ng drugstore,” sabi ni Police Captain Elvin OlmedilloHepe ng Talipapa Police Station Investigation and Detective Management Unit.Natangay ng lalaki ang mahigit P100,000 na cash sa kaha ng botika at isang cellphone.Umaga na noong mapag-alaman ng pumasok na pharmacist na nalooban ang botika.Agad siyang humingi ng saklolo sa pulisya.Sa follow-up operation ng Talipapa Police ay agad na natunton ang suspek sa katabing barangay.“Base po sa face profiling isinagawa ay nakilala itong suspek na dati na ring nasa kalsada na pakalat-kalat. Natandaan ng mga operatiba yung sa kilay, mga palatandaan at mapapansin na ito’y blondie,” sabi ni PCpt. Olmedillo.Napag-alamang dati na ring nasangkot sa mga kasong may kaugnayan sa ilegal na droga, pagsusugal, pagnanakaw at illegal possession of firearms ang suspek.Nabawi sa kanya ang tinangay na cellphone at P20,000 na cashAminado ang suspek sa pagnanakaw at sinabing nagastos na niya ang mahigit P80,000 na cash.Narekober din ang suot niyang t-shirt sa krimen.“Dala ng problema, hirap sa buhay, ginawa ko,” pahayag ng suspek.Payo naman ng pulisya sa mga business owner, kung maaari ay maglagay ng CCTV sa mga establisimyento at ilagay sa volt ang mga cash.“Sa mga establisyimiento po malaking tulong talaga na may CCTV na gamit natin para makilala yung suspek,” ani pa ni PCpt. Olmedilla.Mahaharap sa reklamong Robbery ang suspek.

Arestado ang 19-anyos na lalaki matapos looban ang isang botika sa Barangay Talipapa, Quezon City nitong Martes ng madaling araw, Hunyo 23.

Arestado ang 19-anyos na lalaki matapos looban ang isang botika sa Barangay Talipapa, Quezon City nitong Martes ng madaling araw, Hunyo 23.