Geline Salac

Lalaki na nabaril ang sarili sa inuman inaresto, baril walang lisensiya

Article (news)

shootsekg

Christopher Sitson

ABS-CBN News

Sugatan ang 28-anyos na lalaki matapos aksidenteng mabaril ang sarili habang nakikipag-inuman sa isang bar sa Rizal Avenue, Barangay San Agustin, Malabon nitong Sabado ng madaling araw, Hunyo 20.Kinalaunan ay inaresto ang lalaki matapos mapag-alaman ng pulisya na walang lisensya ang kanyang baril.Sa imbestigasyon ng pulisya lumalabas na tila nilalaro ng lalaki ang kanyang baril na bigla na lamang pumutok sa kanya. “Habang nag-iinuman sila ay nilabas niya ‘yung baril niya at parang nilalaro-laro niya. Bigla na lang pumutok ayon sa witness natin,” ani Police Master Sergeant Michael Oben, Investigator on case ng Malabon City Police Station.Ayon sa rumespondeng barangay tanod, inakala pa nilang gulong ang narinig na putok.“Nadinig po namin ‘yung putok. Naalarma kami akala namin gulong. May sa demonyo ang baril hindi dapat pinaglalaruan talaga,” sabi ni Joselito Dela Cruz, barangay tanod ng Bgy. San Agustin.Sinubukan pa umanong itago ng lasing na lalaki ang pumutok na baril pero isinuko rin sa pulisya.“Hindi nila inamin na may baril silang dala. Pagdating ng kapulisan inamin tapos kinuha sa CR ‘yung baril,” kwento ni Winston Bulado, barangay tanod ng Bgy. San Agustin.“Nag-request din kami ng firearm record verification at lumabas naman doon na hindi siya licensed firearm holder,” ani PMSg. Oben.Dinala muna sa pagamutan ang lalaki na nagtamo ng sugat sa kamay at binti, bago tuluyang inilagay sa kustodiya ng Malabon Police.Ayon sa lalaki nabili niya sa kakilala ang baril bilang proteksyon. “Paggising ko nasa ambulansya na ako eh. Ginagamot na ko. Hindi ko siya nilalaro, nilalagyan ko lang ng bala tapos pumutok. Lesson learned sa akin ito, ganun ‘yung nangyari, perwisyo,” paliwanag ng lalaki.Muli namang nagpaalala ang pulisya sa tamang proseso sa pagkakaroon ng baril.“Ang pag-acquire ng firearm ay may kaukulang dokumento na kailangang i-provide para maging lisensyado ka. Sa pag-acquire po ng baril kasama po ang proper handling, para maiwasan po ‘yung nangyari na accidental firing, hindi siya dumaan sa training,” paalala ni PMSg. Oben.Nahaharap ngayon sa kasong paglabag sa Comprehensive Firearms and Ammunition Regulation Act ang bente otso anyos na lalaki.

Sa imbestigasyon ng pulisya lumalabas na tila nilalaro ng lalaki ang kanyang baril na bigla na lamang pumutok sa kanya.

Sa imbestigasyon ng pulisya lumalabas na tila nilalaro ng lalaki ang kanyang baril na bigla na lamang pumutok sa kanya.