Cheyenne Suarez

3 sugatan sa engkwentro ng mga pulis at umano'y robbery-holdup group sa NLEX

Article (news)

Lyza Aquino

ABS-CBN News

Sugatan ang tatlong indibidwal matapos mauwi sa palitan ng putok ang operasyon ng Police Regional Office 3 at mga miyembro ng mga umano&#x27;y robbery holdup group, sa southbound lane ng North Luzon Expressway, pasado alas singko, Biyernes ng hapon (Hunyo 26).   Ayon kay PBGen. Jess Mendez, Regional Director ng PRO-3, sangkot sa mga serye ng nakawan sa ilang minimart sa Magalang, Pampanga at Victoria, Tarlac ang target ng kanilang operasyon. Nagsagawa sila ng backtracking at natunton ng mga pulis ang sasakyan na gamit nila sa krimen.   Minanmanan ng mga pulis ang nasabing sasakyan simula kahapon hanggang sa nakarating sila sa Rosales, Pangasinan. Sinundan nila ang mga suspek hanggang sa direksyon ng Bulacan. Nagpapuwesto ang PNP ang mga tao nila sa toll plaza, sa tulong ng pamunuan ng NLEX. Nang makarating sa Bocaue toll gate ang mga suspek, doon sana sila lalapitan ng SWAT nang biglang magpaputok ang mga kawatan.   Nauwi sa palitan ng putok ang insidente at nahuli ang tatlong suspect. Agad na nalapatan ng paunang lunas mula sa medical team ng NLEX ang mga suspek na nagtamo ng injuries. Sa ngayon ay pinorproseso pa ng mga tauhan ng PRO-3 at SOCO ang pinagyarihan ng engkwentro. Ayon sa pamunuan ng NLEX, napilitan silang isara ang buong Bocaue toll plaza kaninang 5:55 p.m. hanggang 6:05 p.m. pero binuksan din nila ito sa mga motorista nang malamang ligtas na magpatuloy ang kanilang operasyon. — Video mula kay Cristine Cangmaong, ABS-CBN News

Sugatan ang tatlong indibidwal matapos mauwi sa palitan ng putok ang operasyon ng Police Regional Office 3 at mga miyembro ng mga umano'y robbery holdup group sa NLEX.

Sugatan ang tatlong indibidwal matapos mauwi sa palitan ng putok ang operasyon ng Police Regional Office 3 at mga miyembro ng mga umano'y robbery holdup group sa NLEX.