Ciara Annatu

FACT CHECK: Peke ang ABS-CBN News quote card ni Rep. Lordan Suan tungkol sa Tacloban shooting

Ginaya ang disenyo ng art card ng ABS-CBN News upang palabasing inilathala nito ang diumano’y pahayag ni Cagayan de Oro 1st District Representative Lordan na inosente ang mga batang sangkot sa pamamaril sa Tacloban City, Leyte noong June 22, 2026.

Article (news)

ABS-CBN Research and Verification Unit

<div><img src="https://od2-image-api.abs-cbn.com/prod/editorImage/17824696791522.jpg" style="width:750px" class="fr-fic fr-dib"/></div><p>Ginaya ang disenyo ng art card ng ABS-CBN News upang palabasing inilathala nito ang diumano’y pahayag ni Cagayan de Oro 1st District Representative Lordan Suan na inosente ang mga batang sangkot sa pamamaril sa Tacloban City, Leyte noong June 22, 2026. </p><p>Pinasinungalingan din ni Suan ang nasabing pahayag. </p><p>Sa Facebook page na “<em>Balita sa Kagayan</em>,” ibinahagi ang nasabing art card na may larawan ni Suan at ng mga batang sangkot sa insidente, kalakip ang tekstong: “<em>NANINIWALA AKO NA INNOCENTE AT MABABAIT ANG MGA BATANG YAN. PROTEKTADO SILA SA CHILDREN PROTECTION ACT NI SEN. RISA HONTIVEROS. BIGYAN NATIN SILA NG PANGALAWANG PAGKAKATAON.</em>” </p><p>Nilagyan din ito ng logo ng ABS-CBN News upang magmukhang lehitimo ang post. </p><p>Sa mensahe ng kanyang opisina sa ABS-CBN Fact Check, itinanggi ni Suan ang kumakalat na pahayag online. </p><p>“No statement has been made or issued about it. No rational being or responsible public servant could make such a pronouncement,” ayon sa opisina ni Suan. </p><p>Kinondena rin ng kanyang kampo ang pagkalat ng maling impormasyon, partikular ang post ng “<em>Balita sa Kagayan</em>,” na umano’y paulit-ulit na naglalabas ng ganitong uri ng maling impormasyon. </p><p>Dagdag pa nila, iminumungkahi ni Suan ang pagrepaso sa mga batas kaugnay ng juvenile justice, anti-bullying, mental health, pananagutan sa pagmamay-ari ng baril, at access ng mga kabataan sa mararahas na online content. </p><p>Matatandaang tatlo ang nasawi at 13 ang sugatan matapos ang pamamaril na isinagawa ng dalawang estudyante, edad 15 at 14, sa San Jose National High School sa Tacloban City noong June 22, 2026. </p><div><a href="https://www.abs-cbn.com/news/regions/2026/6/22/alleged-school-shooting-reported-in-tacloban-1034" rel="noopener noreferrer" target="_blank">3 dead, 13 injured in school shooting in Tacloban</a></div><p>Hindi ito ang unang pagkakataon na ginamit ang pangalan ng ABS-CBN News sa pagpapakalat ng maling impormasyon. </p><div><a href="https://www.abs-cbn.com/news/nation/2025/6/3/fact-check-hindi-pa-makakauwi-ng-pilipinas-si-rodrigo-duterte-mula-icc-1740" rel="noopener noreferrer" target="_blank">FACT CHECK: Hindi pa makakauwi ng Pilipinas si Rodrigo Duterte mula ICC</a></div><div><a href="https://www.abs-cbn.com/news/weather-traffic/2025/7/3/fact-check-hindi-totoong-may-super-typhoon-bising-1953" rel="noopener noreferrer" target="_blank">FACT CHECK: Hindi totoong may &#x27;super typhoon Bising&#x27;</a></div><div><a href="https://www.abs-cbn.com/news/health-science/2025/5/31/fact-check-hindi-totoong-isasailalim-sa-lockdown-ang-metro-manila-dahil-sa-mpox-2215" rel="noopener noreferrer" target="_blank">FACT CHECK: Hindi totoong isasailalim sa lockdown ang Metro Manila dahil sa mpox</a></div><p>Ugaliing kumuha ng mga impormasyon sa lehitimong website ng ABS-CBN News at sa mga opisyal na social media account ng <a href="https://abs-cbn.com/news" rel="noopener noreferrer" target="_blank">ABS-CBN News</a> sa <a href="https://www.facebook.com/abscbnNEWS" rel="noopener noreferrer" target="_blank">Facebook</a>, <a href="https://x.com/ABSCBNNews" rel="noopener noreferrer" target="_blank">X</a> (dating Twitter), <a href="https://www.tiktok.com/@abscbnnews" rel="noopener noreferrer" target="_blank">TikTok</a>, <a href="https://www.instagram.com/abscbnnews/" rel="noopener noreferrer" target="_blank">Instagram</a>, at <a href="https://www.youtube.com/@abscbnnews" rel="noopener noreferrer" target="_blank">YouTube</a>. </p><div style="text-align:center"><em>Kung kayo’y may alam na kahina-hinalang social media page, group, account, o website, artikulo, larawan, o impormasyong ipinapakalat sa mga messaging app, maaring makipag-ugnayan sa aming email </em><a href="mailto:factcheck@abs-cbn.com"><em>factcheck@abs-cbn.com</em></a><em> o X (dating Twitter) account </em><a href="https://twitter.com/abscbnfactcheck" rel="noopener noreferrer" target="_blank"><em>@abscbnfactcheck</em></a><em>. </em></div>

<p>Ginaya ang disenyo ng art card ng ABS-CBN News upang palabasing inilathala nito ang diumano’y pahayag ni Cagayan de Oro 1st District Representative Lordan na inosente ang mga batang sangkot sa pamamaril sa Tacloban City, Leyte noong June 22, 2026.</p>