Daven Tamayo

Nag-iisang nabuhay sa massacre: Ang kwento ni Myrna Diones

Article (news)

Kevin Alabaso

ABS-CBN News

<div><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/Qo4kwIiejl0?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span><br/></div><p>Sa isang punerarya sa  Baguio City, tatlong duguang bangkay ng mga babae ang dinala ng mga awtoridad at sinabing nakita ang mga ito sa bangin sa munisipalidad ng Sablan, Benguet.</p><p>Anila’y tila “sinalvage” ang mga ito. Ngunit nang mag-umpisa nang mag-embalsama sa isang bangkay, biglang gumalaw ang kamay nito at bumukas ang mata.</p><p>Ito ang kwento ng 14-anyos na si Myrna Diones na himalang nabuhay sa tangkang pagpatay sa kanila ng mga kasama niya.</p><div><br/></div><div><strong>JUNE 17, 1992</strong></div><p>Taga-Binalonan, Pangasinan si Myrna at kaniyang mga magulang. Kasama rin niya sa bahay ang kapatid na si Zenaida.</p><p>Bandang alas-9 ng umaga, nagpaalam si Myrna na pupuntahan ang kuya na nakatira sa kalapit na probinsya sa La Union para humingi umano ng panggastos sa eskwelahan.</p><p>Kasama ang kapatid na si Zenaida, pumunta sila sa bus station sa Urdaneta kung saan nila kinita ang pinsan na si Laurita Diones Nitcha at ang hipag ni Myrna na si Vivian Gonzales – na noong panahong ‘yon ay limang buwang buntis.</p><p>Sumakay sila ng bus papuntang San Fernando, La Union kung saan bawat isa sa kanila ay may kaniya-kaniyang pakay.</p><p>Si Myrna, nais makipagkita sa kapatid na si Toribio para kunin ang pera pambili ng kaniyang uniporme.</p><p>Si Laurita, may sisingilin daw na utang mula sa kaniyang biyenan.</p><p>Si Vivian, gustong makita ang anak ni Toribio, at si Zenaida naman ay gustong bumiyahe.</p><p>Pagdating sa San Fernando, bumaba sila sa bus at doon nasalubong nila si Virginia Manzano, ang asawa ni Toribio.</p><p>Ani Virginia, wala sa bahay ang kuya ni Myrna at papunta raw si Virginia sa palengke. Dahil wala rin naman ang pakay ni Myrna, sumama na lang silang apat kay Virginia papunta sa  palengke.</p><p>Sa palengke, naghiwa-hiwalay na sila. Si Virginia pumasok para mamalengke, habang sina Zenaida, Vivian, at Laurita naman ay tumingin ng mga pantalon sa gilid ng bangketa.</p><p>Si Myrna pumunta ng botika para mamili ng gamot dahil sumakit umano ang ulo nito sa haba ng byahe.</p><div><br/></div><div><strong>ANG ENGKWENTRO</strong></div><p>Habang nasa botika, napansin ni Myrna ang isang lalaki na sinusundan ng tingin ang kapatid na si Zenaida, ang pinsan, at ang hipag na namimili ng damit.</p><p>Nakatayo lang ang lalaki halos 2 feet lang ang layo mula kay Myrna. Sa kaniyang testimonya, kinilala ito ni Myrna na si PO3 Edwin Tubiera.</p><p>Matapos tumingin ng mga damit, nagsimula na maglakad palayo ang mga kaanak ni Myrna ngunit nakita niyang sinusundan sila ng lalaki.</p><p>Dito na sumunod si Myrna para hindi mahiwalay sa grupo at pumunta sila sa paradahan ng jeep at tricycle.</p><p>Sa paradahan ng jeep at tricycle, napansin ni Myrna na may kasama nang mas matandang  lalaki si Tubiera. Kinilala ito bilang si SPO1 Jose Flores.</p><p>Habang papasakay na sila ng tricycle, papunta sa bahay ng tiyahin ni Myrna, pinigilan umano sila ni Tubiera.</p><p>“Huwag muna kayong umalis,” ani Tubiera.</p><p>Napatingin si Zenaida at sinabing “Bakit? Ano bang kasalanan namin?”</p><p>“Magnanakaw kayo,” sagot  ni Tubiera.</p><p>“Hindi kami magnanakaw! Wala naman kaming kinuha,” ani Zenaida pero hindi na sumagot si Tubiera.</p><p>Dito na ginamit ni Flores ang dala niyang radyo at maya-maya ay dumating ang isang sasakyan na may tatlong pulis na sakay.</p><p>Isang pulis lang ang bumaba at ayon kay Myrna, narinig niyang sinabi ni Flores na “dalhin niyo sila sa station B.”</p><p>Pinasakay sila sa loob ng sasakyan kung saan ang pulis na si SPO4 Leonito Macapagal ay umupo sa tabi mismo ng pinto.</p><p>Umalis ang sasakyan at maya-maya huminto ito at ibinaba sila sa maliit na estasyon.</p><p>Sa loob nito, nakita ni Myrna ang tatlo pang lalaki na kinilala niya sa testimonya sa korte na sina PO1 Amado Merca, PO3 Manuel Corpuz, at PO3 Romeo Artienda.</p><p>Maghapon silang inabot sa selda na mayroong apat na folding bed hanggang sa ginabi na sila doon at natulog sa kulungan.</p><div><br/></div><div><strong>JUNE 18, 1992</strong></div><p>Dinalhan sila ni Tubiera ng almusal at pananghalian.</p><p>Nang lumabas sandali ang mga pulis sa estasyon, lumapit sa kanila ang isang matanda na taga-luto sa estasyon na yon at sinabing “sabihin niyo na ang totoo. Mga mamamatay-tao ang mga ‘yan.”</p><p>Sinagot naman ito nina Myrna ng “wala kaming aaminin. Wala kaming kasalanan.”</p><p>Dito na nagsimulang umiyak ang mga babae.</p><div><br/></div><div><strong>JUNE 19, 1992 - 12:45 A.M.</strong></div><p>Bandang 12:45 ng madaling araw, pumasok sa estasyon si Flores at sinabihan silang “dadalhin kayo kay mayor.”</p><p>Paglabas ng estasyon, nakita ni Myrna ang dalawang sasakyan: isang puting Ford Fiera at isang pulang kotse.</p><p>Si Myrna, Zenaida, at ang buntis na si Vivian, isinakay sa Ford Fiera. Si Laurita naman ay sa pulang kotse isinakay kasama ang isang matangkad na lalaki.</p><p>Sa Ford, naupo sa unahan si Flores habang si Artienda ang nagmaneho. Sa likod ng drayber, si Myrna, katabi si Tubiera, at sa tapat nila ay sina Vivian at Zenaida.</p><p>May mga nakita rin si Myrna na gulong, lubid, at mga piraso ng kawayan na matulis ang dulo.</p><p>Katabi ni Zenaida si Merca, at katabi ni Vivian si Corpuz.</p><p>Umalis ang sasakyan at sinundan sila ng pulang kotse.</p><p>Habang bumibiyahe, nakita ni Myrna  ang karatulang nagsasabing “Municipality of Naguilian.”</p><p>Maya-maya nakita niya ang isa pang karatulang nagsasabing “Welcome to Burgos.”</p><p>Patuloy ang biyahe hanggang sa mabasa ni Myrna ang isang karatula na “Welcome to Cordillera.”</p><p>Sa likod, kita pa rin ang mga ilaw ng pulang kotse  kung saan sakay si Laurita.</p><p>Biglang nag-utos si Flores na “itali na sila.”</p><p>Dito na tinalian sa leeg at tatlong babae sa Ford Fiera kung saan si Tubiera ang nagtali kay Myrna, si Merca kay Zenaida, at si Corpuz naman kay Vivian.</p><p>Si Merca at Corpuz, pinagbubugbog sina Zenaida at Vivian. Si Tubiera naman sinaksak si Myrna sa kaliwang kilay gamit ang matulis na kawayan.</p><p>Makailang beses rin siyang pinalo sa ulo hanggang sa mawalan ng malay.</p><p>Sa pag-aakalang patay na lahat, tinapon sila sa bangin sa tabing kalsada sa Naguilian Road.</p><div><br/></div><div><strong>8:00 A.M.</strong></div><p>Nakatanggap ng report ang Sablan Police Station sa Benguet na may natagpuang mga biktima ng “salvage” sa Sitio Dakes, Banangan, 20 feet ang layo mula sa kalsada.</p><p>Natagpuan ang isang bangkay ng babae na may bakas ng sakal sa leeg at maraming saksak.</p><p>May nakita ring dalawang pares ng sandalyas at isang sapatos mga 2 hanggang 3 metro ang layo mula sa katawan.</p><p>Dahil dito, ginalugad pa ng pulisya ang lugar para sa posibleng iba pang bangkay.</p><p>Dito na natagpuan ang ikalawang bangkay ng babae na 50 feet ang layo mula sa naunang nadiskubre, at may tali ng nylon sa leeg at marami ring saksak.</p><p>Makalipas ang ilang minuto, nakita na ang ikatlong biktima at ito na si Myrna.</p><p>Sa mga oras na ‘yon, inakala ng mga pulis at residente  sa lugar na patay na lahat ng mga nakitang biktima sa tindi ng mga tinamong sugat sa katawan kaya diniretso na ang mga ito sa punerarya sa Baguio City.</p><p>Sa punerarya, nang umpisahan ng embalsamador ang pagturok sa katawan ni Myrna, biglang gumalaw ang  kamay nito at dumilat ang mata.</p><p>Dali-daling tumakbo ang embalsamador at  sumigaw sa mga awtoridad na nagdala na buhay ang isang biktima.</p><p>Agad isinugod si Myrna sa Baguio General Hospital kung saan nagkamalay ito bandang hapon na.</p><p>Kahit mahina at hirap magsalita, naikwento ni Myrna sa chief investigator ng Sablan Police Station ang buong nangyari sa kaniya, sa kapatid, sa pinsan, at sa buntis na hipag.</p><p>Dito nalaman ng mga awtoridad na may isa pa palang biktima at makalipas ang dalawang araw, natagpuan ang ikaapat na biktima na si Laurita halos isang kilometro mula sa naunang lugar.</p><p>Tadtad rin ng saksak sa iba’t ibang bahagi ng katawan at may bakas din ng sakal sa leeg.</p><div><br/></div><div><strong>ANG MGA SUSPEK</strong></div><p>Habang unti-unting nakukuhani Myrna ang kaniyang lakas, dito na niya sinabi kung sino ang mga nasa likod ng krimen.</p><p>Nang malaman ng mga awtoridad ang posibleng pagkakasangkot mismo ng ilang pulis sa La Union Provincial Command, ipinakita sa kaniya ang 35 na larawan ng mga pulis na naka-duty sa San Fernando Police Station.</p><p>Sa mga larawang ‘yon, lima ang agad nakilala ni Myrna.</p><div><br/></div><div><strong>JUNE 24, 1992</strong></div><p>Dinala si Myrna sa Camp Diego Silang sa San Fernando, La Union.</p><p>Doon pinapila ang mga miyembro ng San Fernando Police Force at dito niya tinuro agad ang limang pulis na sangkot sa krimen na sina SPO1 Jose Flores, PO1 Amado Merca, PO3 Manuel Corpuz, PO3 Romeo Artienda, Jr., at PO3 Edwin Tubiera.</p><p>Matapos ito, dinala si Myrna sa Canaoay Police Substation at kinumpirma niyang dito sila dinala at ikinulong.</p><div><br/></div><div><strong>JULY 16, 1992</strong></div><p>Muling ipinakita sa kaniya ang mga larawan ng mga pulis sa San Fernando at may isa pa siyang nakilala.</p><p>Dito niya itinuro si SPO4 Leonito Macapagal.</p><p>Batay sa pag-identify ni Myrna, kinasuhan ang mga pulis ng murder with unintentional abortion, 2 counts  of murder, at frustrated murder.</p><div><br/></div><div><strong>ANG ALIBI</strong></div><p>Itinanggi ng mga suspek na may kinalaman sila sa sinasabing pag-salvage sa tatlong babae at tangkang pagpatay kay Myrna.</p><p>Lahat sila may kaniya, kaniyang alibi at wala raw sila sa Canaoay Police Substation noong mga oras na sinabi ni Myrna.</p><p>Sa hearing, kinuwestiyon ng mga abogado ng mga suspek ang kredibilidad ni Myrna dahil hindi umano tugma ang mga testimonya nito.</p><p>Nagkamali raw si Myrna sa pagkakakilala kay Leonito Macapagal at imposible raw makita ang mga karatula ng daan sa gitna ng dilim.</p><p>Dagdag pa nila, paano nalaman ni Myrna sino pumatay sa mga kasamang babae kung inamin nitong nawalan siya ng malay.</p><p>Ngunit ayon sa Korte Suprema, hindi sapat ang  mga argumentong ito para sirain ang kabuuan ng testimonya ni Myrna.</p><p>Considered  din ng korte na wala pa ngang 16-anyos  si Myrna at dumaan pa sa matinding trauma.</p><p>Pero sa loob raw ng 8 araw na cross examination, 3 beses positibong kinilala ni Myrna  ang mga akusado mula sa larawan, line-up, at mismong open court.</p><p>Nakita rin ng korte na tugma ang mga sugat at tinamong saksak ng mga biktima sa kwento ni Myrna kung paano sila binugbog, sinaksak, at sinakal.</p><p>Dagdag pa ng Korte Suprema, ano ang motibo ni Myrna para magsinungaling?</p><div><br/></div><div><strong>ANG HATOL</strong></div><p>Sa mata ng hukuman, buo, tapat, at walang pag-aalinlangan ang salaysay ni Myrna.</p><p>Hinatulan ng guilty sa kasong double murder, murder with unintentional abortion, at frustrated murder sina Flores, Artienda, Corpuz, Merca, at Tubiera.</p><p>Not guilty naman si Leonito Macapagal dahil sa kakulangan sa ebidensiya laban sa kaniya.</p><div><br/></div><div><strong>PINALAYA</strong></div><p>Makalipas ang 25 taon, lumabas sa records ng Bureau of Correction na pinalaya noong 2017 ang 4 sa 5 na hinatulan ng guilty sa ilalim ng programang Good Conduct Time Allowance o GCTA.</p><p>Ito’y dahil umano sa kanilang “good conduct” habang nasa loob ng piitan.</p><p>Ang pinalaya ay sina Artienda, Corpuz, Merca, at Tubiera, habang si Flores naman ay hindi malinaw ang kinahinatnan.</p>

<p>Ito ang kwento ng 14-anyos na si Myrna Diones na himalang nabuhay sa tangkang pagpatay sa kanila ng mga kasama niya.</p>

Ito ang kwento ng 14-anyos na si Myrna Diones na himalang nabuhay sa tangkang pagpatay sa kanila ng mga kasama niya.