Cheyenne Suarez

Taxi driver, sugatan matapos bumangga sa pader sa Quezon City

Article (news)

greenngsm

Christopher Sitson

ABS-CBN News

Sugatan ang isang 55-anyos na taxi driver matapos sumalpok ang minamanehong sasakyan sa pader ng isang commercial establishment sa Barangay Batasan Hills, Quezon City, Linggo ng gabi, June 28.Pauwi na sana sa San Mateo, Rizal ang taxi driver mula sa maghapong pamamasada nang mangyari ang insidente bandang alas-8:30 ng gabi sa bahagi ng Batasan-San Mateo Road.Nawalan umano ng preno ang taxi base sa salaysay ng driver sa pulisya.“Nawalan daw po ng preno ‘yung taxi niya. Kinabig niya sa kanan kasi mayroong sasakyan sa kanyang unahan. Malalaman naman po yan sa thorough investigation kung talagang nag-malfunction &#x27;yung sasakyan niya,” sabi ni Police Captain Paul Larugal, Deputy Commander ng QCPD Traffic Sector 5.Wasak ang harapang bahagi at nabasag ang windshield ng sasakyan dahil sa tindi ng salpukan. Nagtamo ng sugat sa tuhod at mga galos sa kamay ang driver na kasalukuyan nang nasa ligtas na kondisyon.Patuloy pang iniimbestigahan ng QCPD Traffic Sector 5 ang naturang insidente.Paalala naman ng pulisya sa mga motorista, lalo na sa mga tsuper na maghapon sa kalsada:“Unang-una alamin natin &#x27;yung kakayahan natin, &#x27;yung sarili natin kung kaya ba natin magmaneho ng mahabang oras, at the same time &#x27;yung sasakyan na minamaneho natin dapat po nasa kondisyon. Kasi maliban po sa atin, mayroon po tayong pasahero at motorista na maaaring madisgrasya,” dagdag ni PCpt. Larugal.Tumanggi nang magbigay ng pahayag ang taxi driver.

Sugatan ang isang 55-anyos na taxi driver matapos sumalpok ang minamanehong sasakyan sa pader ng isang commercial establishment sa Barangay Batasan Hills, Quezon City, Linggo ng gabi, June 28.

Sugatan ang isang 55-anyos na taxi driver matapos sumalpok ang minamanehong sasakyan sa pader ng isang commercial establishment sa Barangay Batasan Hills, Quezon City, Linggo ng gabi, June 28.