Geline Salac

'Galing ng graduation, mga alaga ligtas': Kuwento ng mga nasunugan sa Westbank, Pasig

Article (news)

PASIG1

PASIG2

PASIG3

PASIG4

Christopher Sitson

ABS-CBN News

Halos 100 pamilya ang apektado matapos matupok ang nasa 30 bahay sa sunog na sumiklab sa Westbank Road, Barangay Maybunga, Pasig City, nitong Martes ng gabi, June 2.Umabot sa ikalawang alarma ang sunog na naapula makalipas ang tatlong oras.Umabot sa 90 trak ng bumbero ang nagtulong-tulong para maapula ang apoy. Maging ang ilang residente ay nagpasahan na rin ng mga timba na may tubig para tumulong sa pag-apula ng apoy na mabilis kumalat dahil gawa sa light materials ang karamihan sa mga bahay.“Yun lang po ‘yung challenge natin. Isa talaga ‘yung may masisikip na daan pero napenetrate naman po ng kabumberohan natin,” sabi ni Fire Chief Inspector Leo Joshua Dangatan, Deputy City Fire Marshal ng Pasig City Fire Station.Ang residenteng si Marlyn Abaroa, hindi iniwan ang mga alagang aso’t pusa na pawang mga rescued animals.“Siyempre mahal ko sila. Nakakangatog po sobra. Mahalaga po sila sa akin, may buhay din po sila na dapat po talaga iligtas po,” ani Abaroa.Halos mawala naman sa sarili si Berna De Dios sa takot nang sumiklab ang sunog.“Kahit wala kaming mailabas na gamit, basta ‘yung anak namin nasa labas. Sobra nangangatog po ‘yung tuhod ko kanina. Nagulat ako, kung hindi ako sinigawan ng anak ko, parang wala ako sa sarili,” sabi ni De Dios.Karamihan ay walang naisalbang gamit tulad ni Robert Naza. “Hindi ko alam kung saan ako magsisimula ulit, talagang zero. Hindi ko alam kung saan ako kukuha,” ani Naza.Si Jericho Padilla, kagagaling lang sa graduation ng kapatid kaya labis ang pagkabigla nang sa isang iglap ay natupok ang kanilang bahay.“Nakakabigla po kasi first time po mangyari ito. Wala po talagang experience sa sunog, nag-panic po talaga kami,” kwento ni Padilla.Dinala sa Westbank Community Center na nagsilbing evacuation center ang mga apektadong pamilya.Pinaabutan na sila ng paunang tulong ng barangay at Pasig LGU.“Particularly the hyigene kits, sleeping kits at iba pa nating immediate na ipinamimigay during disaster response,” sabi ni Lixter Lambinicio na Social Welfare Officer III ng Pasig City Social Welfare Development Office.Patuloy na kinakalap ng CSWD ang kabuuang bilang ng mga apektado.Makatatanggap din ng tulong pinansyal ang mga biktima bilang panimula.Inaalam pa ng BFP ang kabuuang halaga ng pinsalang iniwan ng sunog at sanhi nito.

Halos 100 pamilya ang apektado matapos matupok ang nasa 30 bahay sa sunog na sumiklab sa Westbank Road, Barangay Maybunga, Pasig City, nitong Martes ng gabi, June 2.

Halos 100 pamilya ang apektado matapos matupok ang nasa 30 bahay sa sunog na sumiklab sa Westbank Road, Barangay Maybunga, Pasig City, nitong Martes ng gabi, June 2.