Geline Salac

Palitada ng gusali sa San Juan bumagsak, tindero sugatan

Article (news)

Christopher Sitson

ABS-CBN News

Sugatan ang isang 18-anyos na tindero matapos tamaan ng bumagsak na palitada mula sa isang gusali sa F. Blumentritt Street, Brgy. Pedro Cruz, San Juan City, Lunes ng gabi, Hunyo 29.Nagtamo ng minor injuries sa ulo, balikat, at paa ang biktima na agad isinugod sa ospital ng security guard ng gusali. Bagamat nasa ligtas na siyang kondisyon, inirekomenda ng doktor na isailalim siya sa CT scan at X-ray.“May scratch po dito sa ulo kasi tinamaan siya sa ulo ng debris. ‘Yun din po ang pinagpapasalamat namin close na ‘yung palengke kaya hindi siya busy street talaga. Diyan pa naman po yung daanan at pasukan ng palengke,” ani Melfer Laao, kagawad ng Brgy. Pedro Cruz.Ayon sa inisyal na imbestigasyon ng San Juan Police, nagtitinda ng street food ang biktima sa tabi ng gusali nang mabagsakan ng debris. Katandaan ng gusali at mga pagyanig mula sa parking lot nito ang ilan sa mga hinihinalang dahilan ng barangay sa pagbagsak ng palitada.“Ang cause rin siguro yung vibration, parking po yung taas niyan eh. Isa na rin sa factor ‘yung katandaan po nung building. Coordinated na po sa city engineer, to inspect po. Hazard na po siya, baka maulit pa eh,&quot; dagdag ni Laao.Sarado muna ang bahagi ng gusali kung saan bumagsak ang palitada upang matiyak ang kaligtasan ng publiko habang nagpapatuloy ang imbestigasyon, at nakipag-ugnayan na rin ang barangay sa City Engineering Office ng San Juan para sa agarang inspeksyon.Tiniyak naman ng pamunuan ng gusali na sasagutin nila ang lahat ng gastusin sa pagpapagamot ng sugatang tindero, kasabay ng pangakong makikipagtulungan sa imbestigasyon at aayusin ang nasirang bahagi ng istruktura.Ayon naman sa residenteng si Alvin Ferreras, may katandaan na ang gusali na kasalukuyang nirerentahan ng isang supermarket at mayroon ding public market.“Naabutan namin bagsak na yan. Matao riyan. Buti na lang walang dumadaan diyan gaano kasi mga alas-7 ng gabi eh. First time ‘yan, dalawampung taon na ‘yan [building] eh,” sabi ni Ferreras.

Sugatan ang isang 18-anyos na tindero matapos tamaan ng bumagsak na palitada mula sa isang gusali sa F. Blumentritt Street, Brgy. Pedro Cruz, San Juan City, Lunes ng gabi, Hunyo 29.

Sugatan ang isang 18-anyos na tindero matapos tamaan ng bumagsak na palitada mula sa isang gusali sa F. Blumentritt Street, Brgy. Pedro Cruz, San Juan City, Lunes ng gabi, Hunyo 29.