Jauhn Etienne Villaruel

Article (news)

Eon Sanchez

ABS-CBN News

<div><img src="https://od2-image-api.abs-cbn.com/prod/editorImage/1780616454178Screen Shot 2026-06-05 at 7.37.43 AM.jpg" style="width:960px" class="fr-fic fr-dib" width="960"/>Makikita sa CCTV na nang makakuha ng pagkakataon ang lalaki ay umikot ito sa puwesto ng mga biktima habang nakipag-usap naman ang isang babaeng hinihinalang kasabwat. Contributed via Eon Sanchez</div>MAYNILA — Nakuhanan sa CCTV ang pagnanakaw sa isang mamahaling cellphone ng isang babae sa loob ng isang fast food chain sa Barangay 94, Tondo, Maynila, Huwebes ng hapon, Hunyo 4, 2026.Ayon sa biktimang si Kristel Mae Pausanos, 21, nawala ang kaniyang phone na nagkakahalaga ng humigit-kumulang P50,000 matapos niya itong iwanan sa kanilang mesa habang kumukuha ng order sa counter.“Nag-usap-usap lang po kami then hanggang sa pag-alis ko, iniwan ko sa kanya yung phone ko then hanggang sa pagbalik ko, hindi ko na po nakita yung phone ko,” kuwento ni Pausanos.Sa kuha ng CCTV, makikita ang isang lalaking nakasuot ng puting sumbrero na tila nagmamatyag sa dalawang babaeng nakaupo sa loob ng restaurant.Bago tumayo si Pausanos upang kunin ang kanilang order, inilapag muna niya ang kaniyang cellphone sa mesa bago nagtungo sa counter.Naiwan naman sa mesa ang kaniyang kasamang si Romilyn Perez upang bantayan ang kanilang mga gamit.Makikita rin sa CCTV na nang makakuha ng pagkakataon ang lalaki ay umikot ito sa puwesto ng mga biktima habang nilapitan naman ng isang babaeng hinihinalang kasabwat si Perez.Ayon kay Perez, nagtanong umano sa kaniya ang babae kung paano pumunta sa Pritil.Habang kinakausap umano siya ng babae, palihim namang dinampot ng lalaki ang cellphone na nakapatong sa mesa bago mabilis na lumabas ng establisimyento.“Noong una, may lumapit sakin na babae. Nagulat ako, nagtatanong kung saan daw po sakayan ng Pritil kaya tinuro ko po yung jeep na papuntang Divisoria. Yun po pala, umikot na yung kasama niya tapos kinuha yung phone,” ani Perez.Ayon pa kay Pausanos, napansin din nilang tila nagmamasid sa kanila ang mga suspek bago mangyari ang pagnanakaw.“Parang nagtanong-tanong lang sila then hanggang sa yung lalaki doon sa gilid, dinampot yung phone ko,” aniya.Bukod sa cellphone, sinabi ng biktima na may mahigit P20,000 halaga ng e-money sa tatlong online banking at e-wallet apps na naka-install dito.Sinabi rin ni Pausanos na natunton pa nila sa isang tracking application ang lokasyon ng cellphone matapos ang insidente.“Doon nakita po namin sa [tracking app] na nandito na siya sa bandang Jacinto [Street],” aniya.Ayon sa biktima, nagtungo pa sila sa naturang lugar at humingi ng tulong sa barangay upang masundan ang galaw ng mga suspek gamit ang mga CCTV camera sa lugar.“Nataranta na din po kami so sinundan po namin sa Jacinto [Street] hanggang pumunta kami sa barangay para makita yung CCTV ng daanan,” aniya.Gayunman, sinabi ni Pausanos na nawala rin sa tracking application ang cellphone bandang alas-5 ng hapon.Bukod dito, nabawasan din umano ang laman ng isa sa kaniyang online wallets.“Pagtapos nung nangyari, inopen namin. Nag-withdraw kami then pagkacheck ko po is parang P4 balance na lang po siya,” saad niya.Ayon kay Pausanos, nakalaan sana ang nasa P13,000 na nasa account para sa kanilang planong pag-uwi sa Mindanao ngayong buwan.“Uuwi kasi kami ng province this month. Sinave ko po yung para pang-uwi sana namin,” aniya.Patuloy pa ring sinusubukang tawagan ng biktima ang cellphone at nagri-ring pa umano ito hanggang sa kasalukuyan.Nagtungo rin sila sa police station upang makahingi ng tulong at makakuha ng dokumentong kailangan para ma-access ang CCTV footage na maaaring makatulong sa imbestigasyon.Batay sa liham na inilabas ng Manila Police District Police Station 1, nagsasagawa na ng imbestigasyon ang pulisya kaugnay ng insidente at humiling ng kopya ng CCTV footage na nakunan sa oras ng pagnanakaw upang makatulong sa pagtukoy sa mga suspek.Samantala, sinabi ni Barangay 94 Kagawad Luz Lacsamana na wala silang natanggap na blotter kaugnay ng insidente dahil direkta na umano itong iniulat sa pulisya.“Yun pong insidente na nangyari, wala po kaming alam kasi po wala naman pong nagreport samin. Yung mga ganun kasing insidente na nakawan, direkta na po kasi yun sa pulis. Police matter na po kasi yun,” aniya.Pinaalalahanan naman niya ang publiko na maging mapagmatyag sa kanilang mga gamit lalo na sa mga pampublikong lugar.“Kapag nasa mall tayo o nasa mga kainan, kailangan talaga yung mga gamit natin ay i-se-save po talaga natin. Huwag tayong mag-iiwan ng mahahalagang bagay sa lamesa kasi may mga salisi gang talaga na kadalasan diyan nangyayari,” aniya.<div> </div><div>RELATED VIDEO</div><div><iframe width="640" height="360" src="https://www.youtube.com/embed/TbY1SjUUuKo?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe> </div>

Ayon sa biktima, nawala ang kaniyang phone na nagkakahalaga ng humigit-kumulang P50,000 matapos niya itong iwanan sa kanilang mesa habang kumukuha ng order sa counter.

Ayon sa biktima, nawala ang kaniyang phone na nagkakahalaga ng humigit-kumulang P50,000 matapos niya itong iwanan sa kanilang mesa habang kumukuha ng order sa counter.

SALISI: Cellphone ng babae ninakaw habang umo-order sa fast food chain sa Tondo

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Nation

SALISI: Cellphone ng babae ninakaw habang umo-order sa fast food chain sa Tondo

Eon Sanchez,

ABS-CBN News

Published June 05, 2026 07:44 AM PHT

Read More:

Salisi

Pagnanakaw

CCTV

Barangay 94

Tondo

Manila

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.