Julia Christine Botin

Article (news)

Kevin Alabaso

ABS-CBN News

<div> </div>Limang araw bago ang Pasko noong 1987, libo-libong pasahero ang nagsiksikang sumakay sa isang malaking passenger ferry mula Leyte papuntang Maynila.Umaasa ang libo-libong biyaherong ito na kinabukasan ay makikita na nila ang kanilang mga kamag-anak at kaibigan para sa bakasyon.Ngunit bandang alas-11 ng gabi, isang pagsabog ang narinig na naging sanhi ng kaguluhan at kalaunan ay ikinasawi ng mahigit 1,500 na pasahero.Halos apat na dekada na ang nakalipas ngunit hanggang ngayon, marami pa ring tanong ukol sa nangyaring trahedya.Totoo bang nag-iinuman ang crew ng naturang ferry nang mangyari ang insidente kaya walang lookout?Totoo rin bang hindi seaworthy ang bumanggang oil tanker sa ferry?Bukod pa rito, totoo rin bang 1,500 ang nasawi o higit 4,000 pa?Balikan ang tinuturing na pinakamalalang maritime disaster during peacetime sa kasaysayan ng mundo: ang pagbangga at paglubog ng MV Doña Paz.<div> </div><div>DECEMBER 20, 1987 (LINGGO)</div>Bandang alas-6:30 ng umaga, pami-pamilya ang sumakay sa MV Doña Paz ferry.Regular ang biyahe ng MV Doña Paz mula Tacloban City, Leyte hanggang Maynila.Maganda ang panahon at perpekto para bumiyahe. Kahit siksikan ang mga pasahero tiis-tiis lang sila dahil bukas ng kinaumagahan, dadaong na rin sila sa Maynila.May stopover ang ferry kaya dumaan muna ito sa Catbalogan, Samar. Dito naiulat ang pagsakay pa ng umano’y 1,000 pang pasahero.Ayon sa isang pasahero, parang sardinas umano sila sa sobrang pagka-dikit-dikit at hindi na raw alam ng mga tao paano pupwesto.Dagdag pa nila, apat na tao umano ang naghahati-hati sa iisang higaan at ang iba ay sa sahig na.Ayon sa datos, ang kapasidad ng MV Doña Paz ay 1,518 lamang, dahilan para kwestiyunin ang total passengers ng ferry noong araw na ‘yun.<div> </div><div>10:00 P.M.</div>Nasa may Tablas Strait na ang barko at 175 kilometro na lang ang layo mula sa Maynila.Dito na biglang nagkaroon ng malakas na pagsabog at biglang namatay ang ilaw.Pagkatapos nito, sumiklab ang malaking apoy at mabilis na kumalat sa barko. Ang nangyari na pala ay bumangga ang oil tanker na MT Vector sa gilid ng MV Doña Paz.Tinamaan ang makina at main switchboard ng ferry kaya nawalan ng kuryente ang buong barko.Ang oil tanker naman ay mayroong dalang 13 crew members at 9,000 barrel ng petrolyo kaya nang bumangga ito sa MV Doña Paz, nag-leak ito sa dagat.Unti-unti na binalot ng kaguluhan ang pampasaherong barko. Ang ilan ay nagkukumahog hanapin ang kanilang mga pamilya at kaibigan, ang iba ang naghahanap ng life vest, at ang iba naman ay tumalon na sa dagat dahil sa nakitang apoy sa barko.Ang problema rito ay bukod sa maraming nalunod dahil nagtutulakan at nagsisipaan sa dagat, kumukulo sa init ang dagat at may apoy rin dito dahil sa tumagas na petrolyo.Ayon kay Renato, isa sa mga tumalon na nakaligtas sa trahedya, nakita nilang nilamon na ng apoy ang ibang mga pasahero kaya sila tumalon na lang.Ngunit pagtalon nila, agad  nilang naramdaman ang init ng umaapoy na dagat. Naglakas loob na lang umano si Renato na lumangoy sa kumukulong tubig kung saan nasunog ang kaniyang mukha at ilang bahagi ng katawan.Ilang sandali pa ay nakita nila ang isa pang barko at sumigaw sila nang sumigaw hanggang makalapit ito at hagisan sila ng lubig.Sa sobrang hina at pagod, hindi agad sila nasagip dahil hindi na nila kayang umakyat gamit ang inihagis na lubig. Kinailangan pa silang hagisan ng lambat para makapitan nila at hinatak ito paakyat ng barkong MV Don Claudio.Ang MV Don Claudio ay isang cargo ship na dumadaan din sa naturang lugar pero matapos nitong makita ang isang malaking bola ng apoy galing sa banggaan, ilang oras pa bago ito makarating sa lugar ng pagsabog.Sa pagdating nito, pareho nang lumubog ang MT Vector at MV Doña Paz.Ang inabutan na lang nito ay ang 26 na nakaligtas, mga nakalutang na bangkay, at mga debris. Sa mga nakaligtas, 24 rito ay mga pasahero ng MV Doña Paz at 2 crew ng MT Vector.Matapos makuha ang mga nakalutang na bangkay, dumiretso ang MV Don Claudio sa Manila North Harbor.Kung lumipas ang ilang oras bago makarating ang MV Don Claudio sa lugar ng banggaan, 8 oras naman bago pa makarating ang balita sa Philippine Coast Guard (PCG).Bukod pa rito, 8 oras pa ulit bago makarating ang PCG at ilan pang rescuer sa lugar ng insidente. At sa kanilang pagdating, nasa ilalim na ng dagat ang dalawang barko kasama ang mahigit umano libo-libong nakulong at nasawi sa loob.Sa pagkalat ng balita sa radyo at TV, sumugod ang mga kaanak ng mga sakay ng MV Doña Paz sa ospital at sa tanggapan ng Sulpicio Lines, ang may-ari ng MV Doña Paz.Dine-demand nila na makita ang manifesto ng barko para malaman kung sumakay nga ang mga kaanak nila. Ngunit sa panahong iyon, hindi agad nakabigay ng manifesto ang Sulpicio Lines.Ang iba naman, sa Rizal Memorial Stadium pumunta dahil doon dinala ng MV Don Claudio ang mga napulot na bangkay.Ang problema, hirap kilalanin ang mga katawan dahil ang ilan sa kanila ay malubhang nasunog at ang iba naman ay nagsimula nang mabulok at lumobo dahil sa tagal nito sa dagat.Sa  maga sumunod na araw, may mga 200 pang bangkay na natagpuan at inanod sa baybayin ng Tablas Strait. Ang ilan pa rito ay mismong mga mangingisda ang nakakuha.Marami ang hindi na nahanap at ayon sa ilang ulat ay posibleng kinain umano ng mga pating dahil shark-infested area ang Tablas Strait. Pero ang ilan naman ay pinaniniwalaang hindi nakalabas at lumubog na kasama ang barko.<div> </div><div>ANO BA ANG NANGYARI?</div>Dahil sa nangyaring trahedya, hiwa-hiwalay na imbestigasyon ang inilunsad dito mula sa Board of Marine Inquiry, PCG, Kamara, at Senado.At base sa testimonya ng mga nakaligtas, maganda ang panahon noong gabing ‘yon at  malinaw ang visibility.Kwento ng isang nasa deck ng MV Doña Paz, nakita pa niya ang papalapit na ilaw ng MT Vector bago ito bumangga  at magkaroon ng pagsabog.Anila, tama lang din ang takbo ng parehong barko at hindi mabilis.Ayon sa isang nakaligtas ng MV Doña Paz, ang kapitan ng barko ay nanonood umano ng pelikula sa betamax o video recorder noong panahong bumangga ito sa MT Vector.Dagdag pa ng isang survivor, ilang minuto bago ang banggaan ay kausap niya ang kapitan at ibang crew na puma-party at nag-iinuman sa bridge kaya umano walang lookout nang mangyari ang trahedya.Sa MT Vector naman, may report din umano na nag-iinuman rin ang crew bilang selebrasyon ng papalapit na Pasko. Wala rin umanong lookout sa barko nila.Sa imbestigasyon, lumabas din na hindi seaworthy ang MT Vector, sira ang steering rudder, at kinailangan na dalawang tao ang mag-operate para magmani-obra.Mismong ang nakaligtas na crew ng MT Vector ang umamin na kulang sila ng tao, walang tamang lisensya ang kapitan, engineer, at siyang mismong second officer.Bukod pa rito, lumalabas din na hindi kuwalipikado ang MT Vector crew na mag-operate ng barkong may dangerous cargo tulad ng petrolyo.Pero bakit nga ba walang nag-radyo ng SOS nang mangyari ang insidente?Ito’y dahil expired ang radio license ng MT Vector at peke naman ang radio license ng MV Doña Paz. Dahil dito, hindi klaro kung sira ang mga radyo o hindi lang ginamit.Dahil sa mga nadiskubreng paglabag sa batas, lumutang rin ang tanong kung ilan ba talaga ang pasahero sa  MV Doña Paz at ilan ang nasawi.Nanindigan ang Sulpicio Lines na 1,583 ang total  na sakay ng Doña Paz. Ang pasahero nito ay 675 at mayroon itong 58 na crew mula sa Tacloban City.Nadagdagan umano ito ng 908 na pasahero nang magstop over sa Catbalogan, Samar.Ngunit isang pulis na survivor mismo ang nagsabi na sa Catbalogan ay may last-minute  na humabol na mga 1,000 pulis at sundalo ang sumakay.Ilang survivors din ang nagsabi na maraming mga batang kasama ang pami-pamilya  na hindi nakalista sa manifesto.At halata nga raw na talagang overcrowded ang barko dahil na rin sa mala-sardinas na sitwasyon nila.Sa dulo ng imbestigasyon, itinuro ng Marine Board of Inquiry ang MT Vector bilang may sala sa trahedya.Ngunit ang Kongreso naman ay parehong itinurong may responsibilidad sa trahedya ang may-ari ng MV Doña Paz at ang MT Vector.Nabigyan ng financial assistance na P30,000 ang bawat kaanak ng nakalista sa ship’s manifesto.Para sa libo-libong pininiwalaang kasama sa barko pero wala sa manifesto, walang ibinigay na kompensyasyon.Ang inter-agency task force na isinagawa para sa naturang trahedya ay naniniwalang ang bilang ng pasahero at mga nasawi  sa MV Doña Paz ay mahigit 4,000 na tao.Ganito kasi umano karami ang mga pamilyang naghahanap sa  kanilang mga kaanak sa nangyaring trahedya.Lahat ng 58 crew ng MV Doña Paz ay nasawi at sila sana ang makapagsasabi kung anong totoong nangyari at ilan talaga ang namatay.Pero isang bagay ang hindi makakaila, daan-daang tao ang nasunog, nalunod, at nasawi dahil sa kapabayaan.<div> </div><div>Panoorin <a href="https://www.youtube.com/watch?v=KKcB1gdNIY0">dito ang bagong episode</a> ng Philippines&#x27; Most Shocking Stories.</div>

Balikan ang tinuturing na pinakamalalang maritime disaster during peacetime sa kasaysayan ng mundo: ang pagbangga at paglubog ng MV Doña Paz.

Balikan ang tinuturing na pinakamalalang maritime disaster during peacetime sa kasaysayan ng mundo: ang pagbangga at paglubog ng MV Doña Paz.

Burning at sea: Ang paglubog ng MV Doña Paz noong 1987

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Nation

Burning at sea: Ang paglubog ng MV Doña Paz noong 1987

Kevin Alabaso,

ABS-CBN News

Published June 05, 2026 12:14 PM PHT

|

Updated June 05, 2026 01:48 PM PHT

Read More:

Philippines Most Shocking Stories

PMSS

MV Doña Paz

MT Vector

tragedy

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.