Tovic Salvador

Higit 50 pamilya inilikas sa Quezon dahil sa landslide

Article (news)

ABS-CBN News

<div><span class="fr-img-caption fr-fic fr-dib" style="width:959px"><span class="fr-img-wrap"><img src="https://od2-image-api.abs-cbn.com/prod/editorImage/1734240021255DENNIS.jpg" style="width:960px" class="fr-fic fr-dib"/><span class="fr-inner" style="text-align:left">Isa sa mga bahay na napinsala sa Barangay Matinik sa Lopez, Quezon dahil sa pagguho ng lupa o landslide noong gabi ng Disyembre 14, 2024. <em>Retrato mula kay Juvy Cabildo</em></span></span></span>QUEZON — Tinatayang nasa higit 50 pamilya o 200 indibiduwal ng Barangay Matinik sa Lopez, Quezon ang inilikas noong gabi ng Sabado dahil sa pagguho ng lupa o landslide.</div><p>Sa panayam ng ABS-CBN News kay Asher Mabalatan, chairperson ng barangay, sinabi nitong nawasak ng landslide ang 35 bahay, eskuwelahan at kalsada pati ang riles ng Philippine National Railways.</p><p>Bandang alas-10 ng gabi nang mag-umpisa ang pagguho, na nagpatuloy hanggang nitong umaga ng Linggo, ani Mabalatan.</p><p>Ilang araw nang umuulan, na sanhi ng paglambot ng lupa sa lugar, ani Mabalatan.</p><p>&quot;Biglaan ang pagguho, doon nagsimula sa kalsada, &#x27;yong riles dito balu-baluktot. Apat na araw na umuulan dito, ang lalakas pa ng ulan, talagang nabaha,&quot; ani Mabalatan.</p><div><a href="https://www.abs-cbn.com/regions/2024/11/17/bridge-on-maharlika-highway-route-to-southern-quezon-bicol-closed-for-repairs-1110">BASAHIN: Bridge on Maharlika Highway route to southern Quezon, Bicol closed for repairs</a></div><p>Nanawagan ng tulong si Mabalatan para sa mga naapektuhan ng landslide.</p><p>&quot;Nanawagan po ako sa national [government] na baka puwede kami matulungan dito dahil talagang matindi ang nangyari dito sa akin barangay. Unang-una [kailangan namin ng] gamit sa bahay tapos pagkain [at] tubig dahil ang tubig namin dito ay natabunan na ang lupa,&quot; aniya.</p><p>Ayon naman kay Melchor Avenilla, disaster officer sa Quezon provincial government, nakikipag-ugnayan na ang kanilang tanggapan sa Mines and Geosciences Bureau para magsagawa ng assessment sa nangyari.</p><p>Ilan sa mga inilikas ay nananatili sa evacuation center at ayaw munang umuwi sa kanilang mga bahay sa takot sa pagguho.</p><div><strong>— Ulat nina Dennis Datu, ABS-CBN News at Ronilo Dagos</strong></div>

<p>Tinatayang nasa higit 50 pamilya o 200 indibiduwal ng Barangay Matinik sa Lopez, Quezon ang inilikas noong gabi ng Sabado dahil sa pagguho ng lupa o landslide.</p>

Tinatayang nasa higit 50 pamilya o 200 indibiduwal ng Barangay Matinik sa Lopez, Quezon ang inilikas noong gabi ng Sabado dahil sa pagguho ng lupa o landslide.