Nelson Morales

Pagkukumpuni sa Andaya Highway sa CamSur natapos na

Article (news)

Jonathan Magistrado

Natapos nang kumpunihin ang mga nasirang bahagi ng Andaya Highway sa Lupi, Camarines Sur.Ayon kay Virgilio Duarte, regional director ng Department of Public Works and Highways (DPWH) sa Bicol, natapos ang pagkukumpuni noong gabi ng Sabado kaya pinayagan na nitong umaga ng Linggo ang two-way traffic sa buong highway.Inalis na rin ang 30-minute stop-and-go scheme pero inaalalayan pa rin ang pagpapadaan sa inayos na mga kalsada, lalo sa mga malalaking sasakyan, dahil malambot pa ang lupang itinambak sa mga road slip, ani Duarte.Dahil dito, nararanasan pa rin ang usad-pagong na galaw ng mga sasakyang papasok ng Camarines Sur.Tumirik din ang isang bus sa Barangay Colacling pero pinagpahinga muna ang mga stranded na pasahero sa isang malapit na kainan sa lugar.<div><a href="https://www.abs-cbn.com/news/nation/2024/12/21/dozens-of-bicol-trips-at-pitx-delayed-due-to-camsur-traffic-mess-1003">BASAHIN: Dozens of Bicol trips at PITX delayed due to CamSur traffic mess</a></div>Binuksan na rin sa mga motorista noong gabi ng Sabado ang pansamantalang daan sa Barangay Cabatuhan sa Labo, Camarines Norte. Dahil dito, bukod sa Sta. Elena-Capalonga Coast Bypass Road, dagdag na alternatibong ruta na ng mga motoristang umiiwas sa Andaya Highway ang bahagi ng Maharlika Highway mula Sta. Elena, Camarines Norte hanggang Sipocot, Camarines Sur.One-way traffic lang ang kalsada kaya ipinatutupad ang 30-minute stop-and-go scheme.Maaaring dumaan dito ang lahat ng uri ng sasakyan maliban sa mga articulated at trailer truck, na inaabisuhang manatiling dumaan sa Andaya Highway.Umapela naman ang DPWH na iwasan ang pagka-counterflow sa dalawang highway para maiwasan ang away-trapiko at traffic violation.Nakabantay sa mga daan ang pulisya at mga tauhan ng Land Transportation Office para manghuli ng mga lalabag sa batas trapiko.

Natapos nang kumpunihin ang mga nasirang bahagi ng Andaya Highway sa Lupi, Camarines Sur.

Natapos nang kumpunihin ang mga nasirang bahagi ng Andaya Highway sa Lupi, Camarines Sur.