Tovic Salvador

Traffic enforcer tumilapon matapos salpukin ng isang mini MPV sa Bulacan

Article (news)

Jeff Caparas

ABS-CBN News

MAYNILA -- Sugatan ang isang traffic enforcer matapos siyang salpukin ng isang mini MPV sa Paso, Bgy Bagbaguin, Santa Maria, Bulacan 10:20 ng umaga nitong Martes, Enero 14.Sa CCTV, naka-duty at nagtra-traffic sa intersection ang 47-anyos na biktimang enforcer nang biglang salpukin ng mini MPV na minamaneho ng isang 31-anyos na lalaki.  Basag ang windshield ng sasakyan at tumilapon ang biktima sa bubong ng sasakyan.Naiwan pa sa windshield ang sumbrero ng biktima. “Allegedly sabi niya inaantok daw po siya at nagulat na lang daw po siya at bigla niya nabangga yung ating traffic enforcer,” sabi ni Police Lieutenant Colonel Voltaire Rivera, hepe Sta Maria Municipal Police Station. “Taga Quezon City siya at meron lang daw siyang pinuntahan sa bayan po ng Santa Maria at sinasabi niya po eh talagang inaantok na po siya sa biyahe at nagulat na nga lang daw po siya at nabangga niya yung traffic enforcer,” dagdag niya.Dagdag na PNP, wala namang bakas ng alak sa dugo ang driver matapos ang medical examination nito. “Ang sabi niya nakipagpalit na nga daw siya sa manibela kasi kasama niya yung pinsan niya, tapos pagdating dito nagpalitan sila,” sabi ni Rivera.Kasama umano ng suspek sa sasakyan ang kanyang kasintahan at pinsan.Samantala, nananatili sa ospital ang biktima. “Okay naman po, in stable condition na po yung ating traffic enforcer… as of this time may mga test po na ginagawa pa po sa kanya,” sabi ni Rivera.Mahaharap sa kasong Reckless Imprudence Resulting To Serious Physical Injury ang suspek na nasa kustodiya na ng Santa Maria Municipal Police.

Sugatan ang isang traffic enforcer matapos siyang salpukin ng isang mini MPV sa Paso, Bgy Bagbaguin, Santa Maria, Bulacan 10:20 ng umaga nitong Martes, Enero 14.

Sugatan ang isang traffic enforcer matapos siyang salpukin ng isang mini MPV sa Paso, Bgy Bagbaguin, Santa Maria, Bulacan 10:20 ng umaga nitong Martes, Enero 14.