Virgilio Lorenzo Jr

Natumbang gasera tumupok sa 24 bahay sa San Pedro, Laguna

Article (news)

gasera fire

Christopher Sitson

ABS-CBN News

Nasa 24 na bahay ang natupok sa  sunog na sumiklab sa Barangay San Antonio, San Pedro, Laguna, nitong Linggo ng gabi, January 26, 2025.Nagsimula ang sunog sa residential area pasado alas-otso ng gabi na umabot sa unang alarma. Naideklara itong fire out makalipas ang mahigit isang oras.Sa imbestigasyon ng BFP-San Pedro, natumbang gasera ng isang residente ang mitsa ng apoy.&quot;Pagdating namin doon malaki na ang sunog at ilang residential na roon ang pinagsisimulan na ng sunog. Sa aming pag-iimbestigasyon ang sunog ay nagsimula sa bahay ni Mrs. Adoracion Guerrero. Hindi umano naglagay siya ng gasera (kerosene lamp). Nilagay niya sa isang tabi, kalapit nito ay timba,&quot; sabi ni FCINSP Fernando Castillo, BFP-San Pedro City Fire Marshal.Kwento ni Adoracion Guerrero, 79-anyos, may-ari ng bahay kung saan nagsimula ang sunog, mag-isa lang siya sa bahay at aksidente niyang nasagi ang gasera.&quot;&#x27;Yun lang po ang ilaw ko, wala po akong kuryente. Nagsalin po ako ng gas sa garapa (gasera) eh naiihi po ako gumagapang po ako palabas. Hindi ko po alam na ganun ang mangyayari. Paggapang ko po nasipa ko po &#x27;yung garapa. Ang kasama ko po sa bahay, aso lang. Tulungan ninyo ako Lord kasi wala nang nag-iintindi sa akin,&quot; sabi ni Guerrero.Ayon kay Aida Dela Peña, residente sa lugar at may kaanak na nasunugan, nasa tabing-kalsada siya nang makita ang sunog.&quot;Pagtingin po namin nag-aapoy na po itong bintana na ito. Kaya pinuntahan namin &#x27;yung mga bata tsaka dito &#x27;yung pamangkin ko,&quot; kwento ni Dela Peña. Labis naman ang sakit na nararamdaman ni Janeth Tomale dahil matapos mamatayan ng asawa, naabo naman ang naipundar na mga gamit sa pagtitinda ng mga meryenda, na tanging niyang hanap-buhay. Kasama niya sa loob ng bahay ang tatlong taong gulang na anak nang mangyari ang sunog.&quot;Katabi lang namin &#x27;yung ano, sumiklab na agad &#x27;yung kuryente. Lahat po ng ano nito, gatas niya, damit namin, &#x27;yung pansimula namin, wala na. Hindi ko alam kung paano ako magsimula, hindi ko alam kung saan at kailan, kung paano,&quot; sabi ni Tomale.Nasa 26 pamilya ang apektado ng sunog. Umabot naman sa P1,500,000 ang pinsalang iniwan nito.Nagpaabot naman na ang barangay at lokal na pamahalaan ng paunang tulong tulad ng hot meals, hygiene kits, at food packs sa mga biktima.Muling paalala ng BFP, bantayan ang mga highly-flammable na gamit sa bahay tulad ng kandila at gasera, gayundin ang pagluluto.&quot;Kami po ay muling nagpapaalala sa inyo, mag-ingat po tayo lalong-lalo na &#x27;yung paggamit ng gasera o kandila, huwag po nating iiwanan. Huwag po nating iiwanan ang ating pagluluto. Kung aalis ng bahay, siguraduhin na ang linya ng kuryente, mga nakasaksak ay huwag niyo pong iiwanan,&quot; sabi ni FCINSP Fernando Castillo, BFP-San Pedro City Fire Marshal.

Nasa 24 na bahay ang natupok sa sunog na sumiklab sa Barangay San Antonio, San Pedro, Laguna, nitong Linggo ng gabi, January 26, 2025.

Nasa 24 na bahay ang natupok sa sunog na sumiklab sa Barangay San Antonio, San Pedro, Laguna, nitong Linggo ng gabi, January 26, 2025.