Maria Virginia Sy

Mga nasalanta ng lindol sa Cebu, namigay ng buko, kape, at noodles sa relief operation volunteers

Article (news)

Bayan Mo, Ipatrol Mo

Kahit nasira ang bahay dahil sa malakas na lindol sa Cebu noong Setyembre 30, 2025 ay nakuha pa ding tumulong sa mga relief operations volunteers ang mga kabataan mula Barangay Busogan, San Remigio, Cebu.   Nanguha ng buko mula sa bakuran ng kanilang tiyahin si Bayan Patroller Jane Dablo kasama ang kanyang mga pinsan at ipinamigay nila ang mga ito sa iba&#x27;t ibang grupo at mga indibidwal na namimigay ng ayuda sa mga nasalanta ng lindol. Makikita sa video na kanyang ibinahagi ang kanyang mga pinsan na may dalang mga buko at DIY placard na ang nakasulat ay &quot;Dili ni barter, libre ni!&quot; at &quot;Help us please! We need food and water!&quot;   Nakuhanan naman ng video ni Bayan Patroller Zian Bugtai ang ilang residente sa bayan ng Catmon, Cebu na namimigay ng noodles sa mga drayber ng mga truck na may dalang ayuda. Kwento ni patroller, mainit na instant noodles na nilagay sa plastic cups ang ipinamimigay ng mga lalaki sa daan. Ang pamilya ni Bayan Patroller Zian ay namigay ng relief goods sa mga bayan ng San Remigio at Tabuelan, at sa Bogo City.   Samantala, napukaw naman ang puso ng isang Bayan Patroller na nagpakilala lang bilang Ms Rio sa isang pamilya mula Barangay Macaas sa bayan din ng Catmon na binuksan ang kanilang bahay para sa mga relief operations volunteers na gustong gumamit ng banyo.   Kwento ni Ms Rio, mahaba ang byahe at mahirap maghanap ng magagamit na banyo dahil halos sarado ang mga tindahan at kainan. Natuwa siya at kinuhanan ng larawan ang isang bahay kung saan may nakapaskil sa gate na &quot;Free CR.&quot; Namimigay din ng libreng mainit na kape ang nasabing pamilya.   &quot;I was there and witnessed the family assisting the people to go to their restrooms, kasi nga malayo talaga yung restroom, may gasoline stations but mostly walang restroom. I saw a lot of smiles and heard a lot of thank you&#x27;s,&quot; pagtatapos ni Ms Rio.   Ang pamilya ni Ms Rio ay mula pa sa Lapu-Lapu City at nagdala ng relief goods sa bayan ng San Remigio, Bogo City, at iba pang lugar na naapektuhan ng lindol.

Bilang pasasalamat sa mga boluntaryong namimigay ng ayuda sa mga nasalanta ng 6.9 magnitude na lindol sa Cebu, namahagi ang mga residente ng buko, kape, at noodles at ang iba ay binuksan pa ang kanilang tahanan para sa libreng pagpapagamit ng comfort room.

Bilang pasasalamat sa mga boluntaryong namimigay ng ayuda sa mga nasalanta ng 6.9 magnitude na lindol sa Cebu, namahagi ang mga residente ng buko, kape, at noodles at ang iba ay binuksan pa ang kanilang tahanan para sa libreng pagpapagamit ng comfort room.

Mga nasalanta ng lindol sa Cebu, namigay ng buko, kape, at noodles sa relief operation volunteers

News

Entertainment

Lifestyle

Sports

Metro.Style

More

Traffic

Manila

Horoscope

Regions

Mga nasalanta ng lindol sa Cebu, namigay ng buko, kape, at noodles sa relief operation volunteers

Bayan Mo,

Ipatrol Mo

Published Oct 06, 2025 05:30 PM PHT

Read More:

Lindol

linog

EarthquakePH

Cebu

Philvocs

BMPM

Bayan Patroller

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.