Geline Salac

Lalaking bumibili ng puto, patay matapos salpukin ng van sa Santa Rosa, Laguna

Article (news)

Courtesy: Santa Rosa CCPS

Christopher Sitson

ABS-CBN News

<p>LAGUNA — Sapul sa CCTV ang pagsalpok ng isang humaharurot na van sa 55-anyos na lalaking bumibili ng puto sa Rizal Boulevard, Barangay Balibago, Santa Rosa City, Laguna, madaling araw noong Biyernes, October 3, 2025.</p><p>Sa CCTV makikita ang isang lalaking nakasakay sa bisikleta na nagbibilang ng bayad sa biniling puto sa kariton. Akma nang i-aabot ng tindero ang puto nang bigla siyang salpukin ng humaharurot na van.</p><div><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/r4B4uRfZqCA?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span><br/></div><p>Nakailag naman ang tindero.</p><p>“Bumibili lamang siya ng puto doon sa vendor na may dalang kariton. Hindi pa naiaabot ‘yung puto, ito na agad ‘yung rumaragasang utility van at nahagip ‘yung paninda kasama nung biktima,” sabi ni Police Lt. Col. Benson Pimentel, chief of police ng Santa Rosa Component City Police Station.</p><p>Ayon sa barangay, agad silang rumesponde matapos makatanggap ng report mula sa isang concerned citizen.</p><div><a href="https://www.abs-cbn.com/news/regions/2025/10/8/lalaki-patay-matapos-umano-pagsasaksakin-ng-magnanakaw-sa-laguna-1814"><strong>Lalaking &#x27;sumita&#x27; sa magnanakaw pinatay sa saksak sa Laguna<br/></strong></a></div><p>“Nang kami’y dumating, nakita namin nakataob ang van, nagkalat ang puto, at isang buhay na ang wala,” sabi ni Lord Wally Matienzo, tanod ng barangay</p><p>Dead on the spot ang biktima na residente ng Santa Rosa City.</p><p>“Agad namang dumating ang rescue, sinubukan siyang kuhanan ng pulso, wala na po, diniretso na siya sa punenarya,” ayon kay Matienzo.</p><p>Umamin sa pulisya ang 50-anyos na driver ng van na siya’y nakatulog habang patungo sa Cabuyao City.</p><p>Nakipag-areglo ang mga anak ng suspek sa kapatid ng biktima.</p><p>“Ang napagkasunduan, sasagutin nung suspek ‘yung lahat ng pagpapalibing at mayroong halagang P200,000 para sa naulilang pamilya,” ayon kay PLtCol. Pimentel.</p><p>Nagpaalala ang PNP sa mga motorista na itabi na lang ang sasakyan at magpahinga kapag nakararamdam ng antok habang nagmamaneho.</p><div><br/></div><div><strong>IBA PANG ULAT</strong></div><div><strong><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/mmvsS45F3T8?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span></strong><br/></div>

<p>“Bumibili lamang siya ng puto doon sa vendor na may dalang kariton. Hindi pa naiaabot ‘yung puto, ito na agad ‘yung rumaragasang utility van at nahagip ‘yung paninda kasama nung biktima,” sabi ni Police Lt. Col. Benson Pimentel, chief of police ng Santa Rosa Component City Police Station.</p>

“Bumibili lamang siya ng puto doon sa vendor na may dalang kariton. Hindi pa naiaabot ‘yung puto, ito na agad ‘yung rumaragasang utility van at nahagip ‘yung paninda kasama nung biktima,” sabi ni Police Lt. Col. Benson Pimentel, chief of police ng Santa Rosa Component City Police Station.