Geline Salac

Jeep sumalpok sa poste sa Antipolo City; 13 sugatan

Article (news)

Christopher Sitson

ABS-CBN News

13 ang sugatan matapos sumalpok ang isang pampasaherong jeepney sa poste sa kahabaan ng Marcos Highway, Barangay Mayamot, Antipolo City, Rizal, Martes ng umaga, December 9, 2025.Patungong Antipolo Masinag intersection ang jeep nang mawalan umano ito ng preno at nagdire-diretso sa pababang daan ayon sa nagpapatrolyang pulis.“Dapat isa ako sa mababangga. ‘Yun pong driver, ayon sa kanya, iniwas niya ‘yung sasakyan niya sa mga motor na masasalpok niya. Pinili na lang po niya na ibangga ‘yun sa poste, dun sa area po. Dahil nga po pababang daan po iyon, ‘yun ang dumagdag sa kanyang bilis, pababa kasi ‘yung kalsada,” sabi ni Police Corporal Joseph Victorio, Investigator on Case ng Antipolo Component City Police Station.Sa lakas ng impact, nayupi ang harapan ng sasakyan.Isinugod sa pagamutan ang 13 sakay ng jeep kabilang na ang tsuper at kundoktor nito na ngayo’y nasa maayos nang kondisyon.“Nagtamo po sila lahat ng minor injuries, kabilang na ‘yung driver at konduktor niya,” sabi ni PCpl. Victorio.Hindi nakuhanan ng CCTV ang insidente.“Wala pong CCTV,” dagdag ng pulis.Nasa kustodiya ng Antipolo Police custodial facility ang 42-anyos na drayber ng jeep habang nagpapatuloy ang imbestigasyon.Posible siyang maharap sa kasong reckless imprudence resulting in multiple physical injuries.Ngayong malapit na ang pasko at marami ang bumabiyahe para sa mga pagtitipon at iba pang aktibidad, nagpaalala muli ang Antipolo Police sa mga motorista.“Nais ko pong ipaalala sa mga drayber ng jeep maging sa ibang mga sasakyan na nagmamaneho na always remember the BLOWBAGETS po para masiguro kaligtasan ng mga isasakay nila sa kalsada lalo na itong magpapasko,” pahayag ni PCpl. Victorio.

13 ang sugatan matapos sumalpok ang isang pampasaherong jeepney sa poste sa kahabaan ng Marcos Highway, Barangay Mayamot, Antipolo City, Rizal, Martes ng umaga, December 9, 2025.

13 ang sugatan matapos sumalpok ang isang pampasaherong jeepney sa poste sa kahabaan ng Marcos Highway, Barangay Mayamot, Antipolo City, Rizal, Martes ng umaga, December 9, 2025.