Maria Virginia Sy

Rider patay nang sumalpok sa kotse sa General Trias

Article (news)

Lyza Aquino

ABS-CBN News

Patay ang isang lalaki matapos sumalpok ang minamaneho niyang motorsiklo sa isang kotse, sa Arnaldo Highway, General Trias, Cavite noong Lunes ng madaling-araw.   Ayon kay Police Captain Manuel Madlangbayan, ang Public Information Officer ng General Trias Police Station, 59-anyos ang namatay na rider na residente ng Dasmariñas, Cavite.   &quot;Meron pong motor na papunta pong (Barangay) Santiago, at yung kotse ay papunta po ng Monterey. And then along Arnaldo highway po ay biglaan na yung motor po ay lumipat ng linya at nasagi niya yung bumper ng kotse,&quot; sabi ni Madlangbayan   &quot;Yun pong driver ng motor ay dinala sa hospital, pero dahil sa sustained injuries sa ulo ay dineklara po siyang dead on arrival,&quot; dagdag niya.   Ayon sa pulisya, nagka-areglo ang mga kaanak ng biktima at ang 25-anyos na driver ng kotse.   May paalala naman ang pulisya sa mga rider para maiwasan ang ganitong insidente. &quot;Unang-una wag po magmaneho nang nakainom o inaantok. Pangalawa po ay laging magsuot ng helmet at dapat laging nasa tamang speed ng pagmamaneho. At panghuli, laging magsuot ang proper protective gear,&quot; sabi ni Madlangbayan.

Patay ang isang rider matapos sumalpok ang minamaneho niyang motorsiklo sa isang kotse sa Arnaldo Highway, General Trias, Cavite, nitong ika 10 ng Pebrero, 2025.

Patay ang isang rider matapos sumalpok ang minamaneho niyang motorsiklo sa isang kotse sa Arnaldo Highway, General Trias, Cavite, nitong ika 10 ng Pebrero, 2025.