Nelson Morales

Doktora natagpuang patay sa loob ng kotse sa Naga City

Article (news)

Jonathan Magistrado

ABS-CBN News

Isang 36-anyos na doktor ang natagpuang patay sa loob ng nakaparadang kotse nito sa Naga City nitong Linggo.Kinilala ng mga ka-trabaho sa Bicol Medical Center ang biktima na si Dr. Rajean Monette Romualdez, isang obstetrician-gynecologist at residente ng Fermin St., Singgalong, Maynila.Ayon sa Naga City Police Station 2, isang residente ang nakakita sa bangkay na naka-recline sa passenger seat ng kotse at may tama ng bala sa ulo. Nakaparada ang kotse ng biktima sa Princeton St., Monterey Village sa Barangay Concepcion Pequeña. Kuwento ng ilang residente, wala silang narinig na putok ng baril bago nadiskubre ang bangkay.Wala rin nakuhang basyo at slug ng bala at baril sa lugar ang mga awtoridad.Sa isang CCTV footage, nakita na isang lalaki ang huling nakasama ng biktima sa harap ng apartment building nito, dahilan para maging person of interest ang nasabing lalaki sa krimen.Napag-alaman din na ang apartment ng biktima ay ilang hakbang lang ang layo kung saan inihinto ng lalaki ang kotse noong madaling araw ng Linggo.Wala pang impormasyon na inihayag ang pulisya sa pagkakakilanlan ng biktima sa lalaki, na kasalukuyang hindi mahagilap ng mga awtoridad.Ayon sa caretaker ng apartment building, madalas magkausap ang misis nito at ang biktima, kung saan ang huling nabanggit pa umano ng biktima ay ang pagiging tatlong buwang buntis nito.Kasalukuyang bineberipika pa ng mga awtoridad ang nasabing impormasyon na ito.Samantala, nagtungo na rin sa crime scene ang imbestigador ng NBI-Naga bilang paghahanda sakaling hilingin ng pamilya ang tulong nila.Sa isang Facebook post, nakiramay naman sa kaanak at mga kaibigan ng biktima si Naga Mayor Nelson Legacion, na inatasan ang pulisya na tutukan ang pag-resolba sa kaso.

Natagpuang patay ang isang trentay sais anyos na doktora sa loob ng nakaparadang kotse sa Barangay Concepcion Pequeña, Naga City nitong Linggo.

Natagpuang patay ang isang trentay sais anyos na doktora sa loob ng nakaparadang kotse sa Barangay Concepcion Pequeña, Naga City nitong Linggo.