Daven Tamayo

Live-in partner ng pinatay na doktora sa Naga City, sumuko sa NBI

Article (news)

Jonathan Magistrado

Karen De Guzman

ABS-CBN News

Sumuko sa National Bureau of Investigation sa Naga City ang &quot;person-of-interest&quot; sa pagkamatay ng Bicol Medical Center Ob-Gynecologist na si Dr. Rajean Romualdez.Tatlong araw na nakipag-negosasyon ang NBI-Naga sa live-in partner ng 36-anyos na doktora na si Raymart Martinez para sumuko.Nitong Miyerkules, sinundo siya ng mga operatiba ng NBI sa Matnog, Sorsogon, ayon kay NBI Naga senior agent Robert Jay Ajero. Ani Ajero, bumiyahe si Martinez galing sa Bantayan Island sa Cebu, kung saan siya ilang araw nagtago. <div><a href="https://www.abs-cbn.com/regions/2024/9/6/-dahil-sa-third-party-nurse-pinatay-umano-ng-mister-sa-loob-ng-sasakyan-sa-dumaguete-1101">‘Dahil sa third party’: Nurse pinatay umano ng mister sa loob ng sasakyan sa Dumaguete</a> </div>Bukod sa hiling na seguridad, pinagbigyan ng NBI-Naga ang hiling nito na isama sa pagsundo ang menor de edad na anak niya. “Siguro nakapag-isip-isip din siya at kailangan niya rin talagang harapin yan. Hindi ako makakapagbigay ng detalye kasi wala pa siyang lawyer, hindi kami makakapag-extract ng kung anumang statement, confession o whatever it is,” saad ng NBI agent. Person-of-interest anya si Martinez kaya hindi siya pinosasan, at malayang makaaalis sa opisina ng NBI kung gugustuhin sa kabila ng umano’y death threats na natatanggap. Natagpuan ang bangkay ng 36-anyos na biktima sa loob ng isang sasakyan noong Linggo.Emosyonal si Martinez nang matanong tungkol sa plano sana nila ngayong Pebrero 20, na ika-37 kaarawan sana ng doktora, pero ilag sa tanong tungkol sa pagkamatay ng live-in partner. “Wala pa po akong masasabi kasi hinihintay ko pa kasi ang abogado ko,” saad nito sa wikang Bicol. Muli namang nanawagan ng hustisya ang pamilya ng doktora at nagpasalamat sa mga nag-ambag sa P1.2-million pabuya para sa makakapagturo sa pumatay sa biktima. <div><a href="https://www.abs-cbn.com/news/08/12/17/dalagita-pinatay-hinihinalang-hinalay-sa-pangasinan">Dalagita, pinatay, hinihinalang hinalay sa Pangasinan</a></div> “Hindi deserve ni Doktora Rajean, pinsan ko, ‘yong ganitong bagay. Napakabait ng taong ‘to, maraming natutulungang tao,” ani Juliuz Era. Mananatili sa kostudiya ng NBI-Naga ang live-in partner ng doktora habang gumugulong ang imbestigasyon. Iti-turnover siya kalaunan sa Naga City Police Office-Station 2 para sa pagsasampa ng reklamo, na depende pa rin sa magiging laman ng sinumpaang salaysay nito.Patuloy pang inaalam ang motibo sa likod ng pamamaslang.

Sumuko sa National Bureau of Investigation sa Naga City ang person-of-interest sa pagkamatay ng Bicol Medical Center Ob-Gynecologist na si Dr. Rajean Romualdez.

Sumuko sa National Bureau of Investigation sa Naga City ang person-of-interest sa pagkamatay ng Bicol Medical Center Ob-Gynecologist na si Dr. Rajean Romualdez.