Aso sa Negros tinadtad ng pana sa katawan

Umabot na sa P300,000 ang kabuuang pabuya sa makapagtuturo sa nag-indian target sa isang aspin sa Negros Occidental. Mga larawan mula sa Bach Project PH

NEGROS OCCIDENTAL — Nagpapagaling sa veterinary clinic sa Bacolod City ang aspin na si TikTok matapos siyang tadtarin ng 5 indian target o pana sa kanyang katawan.

Mabilis na kumalat sa social media ang sinapit ni TikTok. Umabot na ng P300,000 ang pabuya sa makapagtuturo kung sino ang may kagagawan nito sa kanya.

Dog pound sa Masbate inireklamo dahil sa kalunos-lunos na kondisyon ng ilang aso

Ni-rescue ng grupong BACH PH Project ang aspin sa Hacienda Puyas, Barangay Blumentritt sa bayan ng Murcia sa Negros Occidental Lunes ng gabi.

Ayon sa veterinarian na si Aaron Pabalan, malala ang mga sugat ng aso pero mabuti na lang at naagapan ito. 

Kinakailangang sumailalim sa therapy ng aspin na si TikTok para muli niyang magamit ang kanyang kaliwang paa na napuruhan.

Kuwento ng may-ari ng aso na si Leah Dela Cruz, laking gulat niya nang umuwi ang aso Linggo ng gabi na may mga indian target sa katawan.  

Hindi magkakalayo ang mga bahay sa loob ng hacienda sa kanilang lugar kaya't malayang nakapag-iikot ang mga aso ng mga nagtatrabaho doon.  

Hindi pa alam kung sino ang gumawa ng karahasan sa kanyang aso.  

SAPUL SA VIDEO: Pang-aabuso, pagpatay sa aso sa Capiz

Sa ilalim ng Animal Welfare Act of the Philippines o RA 8485, maaaring mabilanggo at pagmultahin ang mapatutunayang nag-torture at nagmaltrato sa hayop.  

KAUGNAY NA ULAT: