MAYNILA — Inaresto ng pulisya ang isang 21 anyos na lalaking wanted sa rape sa Bgy. Borol 1st, Balagtas, Bulacan noong Lunes ng gabi.

Nagroronda ang mga operatiba ng 1st Provincial Mobile Force Company (PMFC) ng Bulacan Police Provincial Office (PPO) sa lugar nang maabutan ang suspek sa isang bilyaran. 

Ano ang statutory rape?

“Meron tayong mga patroller sa area kasi meron kaming mobile patrol tuwing gabi. Ngayon parang chance upon lang yung nangyari, may tipster na nakapagturo sa kanya na nagbibilyar siya sa lugar,” sabi ni Maj. Christopher Baybayan.

Base sa imbestigasyon, 14-anyos ang babaeng biktima nang halayin umano ng akusado.

“Di naman niya tinatanggi, ang sabi niya diumano girlfriend niya yung biktima, di naman daw niya pinilit kusa daw sumama sa kanya,” ani Baybayan.

Mga magulang ng bata ang nagsampa ng reklamo laban sa akusado.

“Ang naging complainant po nito yung magulang ng biktima, nakasuhan siya ng staturory rape,” sabi pa ni Baybayan.

Bukod sa warrant, mino-monitor ng pulisya ang akusado dahil sa kabi-kabilang reklamo laban sa kanya.

Walang piyansang ineromenda ang korte sa kaso ng akusado na nasa kustodiya na ng Bulacan 1st PMFC.

KAUGNAY NA VIDEO: