Dennis Gaviola

Article (news)

Karen De Guzman

ABS-CBN News

Sinalakay ng NBI Criminal Investigation Division (CRID) ang motor tanker na MV Effriene na sangkot umano sa oil smuggling sa Mariveles, Bataan nitong Biyernes.Hinarang ng mga operatiba ang nakadaong na barko matapos maaktuhan ang mga tripulante na ilegal na nagsasalin ng diesel sa isang tanker truck.  Labing-isang truck ang naabutan nilang nakahilera sa pantalan na kumukuha ng mga ilegal na krudo.“Hindi ko po alam e kasi kinuha lang akong pahintante, hindi ko alam kung paano ang sitwasyon. Sumama lang po ako,” depensa ng isa sa mga nahuli.“‘Yung mga truck na pinaglilipatan nila, for the deliveries sa nearby provinces and Metro Manila, hindi rin nila alam kung sino ang kumukuha ng truck. Kaya ang mangyayari nyan, they are in possession, sila ang manaagot,” sabi ni NBI Director Jaime Santiago.Nasakote ang 15 Pilipino, kabilang na ang kapitan ng barko at pitong drayver ng mga nag-abang na truck.Giit nila, hindi nila kakilala ang may-ari ng naturang motor tanker. Pero galing umano ang mga ipinuslit na krudo mula sa isang malaking Chinese vessel sa Bagac, Bataan.“Bago pa lang ako dito. Apat na araw pa lang,” sabi ng kapitan ng barko.“Wala siyang lisensya bilang kapitan. “‘Yung barko na pinagkunan nila ay times three nito ang kapasidad. Kaya nga agad nakikipagtulungan kami sa coast guard para mahabol kung sakali nandun pa ang barko,” sabi ni Santiago.Aabot sa 800,000 litro ng diesel ang nakumpiska na nagkakahalaga ng P45M.Agad na pinasuri sa Bureau of Customs ang mga krudo na ayon sa NBI ay hindi ligtas kung mailalabas sa merkado.“Napakadelikado una hindi natin alam ‘yung grade, tama ba ‘yung diesel na ‘yun. Tapos pangalawa, hindi nagbabayad ng tax. Grabe ang lugi ng ating pamahalaan,” sabi ni Santiago.Mahaharap ang mga suspek sa mga reklamong paglabag sa Customs Modernization and Tariff Act at paglabag sa Tax Reform for Acceleration and Inclusion Law.Nakikipag-ugnayan na rin ang NBI sa Department of Energy para sa paglalagakan ng mga narekober na ebidensya.

Sinalakay ng NBI Criminal Investigation Division (CRID) ang motor tanker na MV Effriene na sangkot umano sa oil smuggling sa Mariveles, Bataan nitong Biyernes.

Sinalakay ng NBI Criminal Investigation Division (CRID) ang motor tanker na MV Effriene na sangkot umano sa oil smuggling sa Mariveles, Bataan nitong Biyernes.

800,000 litro ng ipinuslit na krudo, nasabat sa pantalan ng Bataan

News

Entertainment

Lifestyle

Sports

Metro.Style

More

Traffic

Manila

Horoscope

Regions

800,000 litro ng ipinuslit na krudo, nasabat sa pantalan ng Bataan

Karen De Guzman,

ABS-CBN News

Published Feb 07, 2025 05:35 PM PHT

Read More:

NBI

fuel

diesel

oil

smuggling

motor tanker

truck

Chinese vessel

Bataan

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.