Maria Virginia Sy

23-anyos na construction worker timbog sa kasong panggagahasa sa isang menor de edad sa Romblon

Article (news)

Bea Cuadra

ABS-CBN News

Inaresto ng mga operatiba ng Makati City Police ang 23-anyos na construction worker dahil sa kasong panggagahasa sa isang menor de edad sa Romblon noong nakaraang taon.Sa pakikipag-ugnayan at kooperasyon ng Station Intelligence Section (SIS) ng Makati City Police, mga tauhan ng San Agustin Municipal Police Station (MPS), Romblon PPO, at Romblon Provincial Mobile Force Company (PMFC), natunton ang suspek sa bahay ng kanyang kapatid sa Purok 5, Barangay Pagaspas, Tanauan City, Batangas, bandang alas 2:30 ng hapon noong Linggo, ika016 ng Marso, 2025.Ayon kay PCAPT. Jenibeth Artista, tagapagsalita ng Makati City PNP, naganap ang krimen hating gabi noong ika-16 ng Mayo noong nakaraang taon sa Barangay Cabolutan, San Agustin, Romblon.Kwento ng Women and Children Protection Desk (WCPD) investigator ng San Agustin Municipal Police Station, magkaibigan ang nakatatandang kapatid na lalaki ng noo’y grade 8 student na biktima at ang suspek. Sa kasagsagan ng Fiesta sa Barangay Cabolutan, dumalo ang biktima kasama ang kanyang nakatatandang kapatid at ang suspek sa sayawan o “Pabayle.”“Sakay ng motorsiklo ang suspek pabalik ng Barangay Carmen at nagkunwaring may kukuning gamit ang suspek…at yung biktima ay sumama sakanya dahil naiwan rin nito ang kanyang cellphone at charger, at nung pabalik na sila sa Barangay Cabolutan, dun na nag iba ng ruta o dinaanan ang suspek at nung makarating sila sa madilim na bahagi, bigla umanong huminto yung motor at inispeksyon yung motor kunwari at nung bumaba yung biktima natin, bigla na lang tinulak ng suspek yung ating biktima at doon na siya pinagsamantalahan,” kwento ni PCapt. Artista.Ayon pa kay PCapt. Artista, nasabi ng imbestigador na kasama sa salaysay ng biktima na siya ay lasing nang mangyari ang krimen.Inilihim umano ng biktima ang ginawang panggagahasa sa kanya ng suspek, hanggang sa nalaman ito ng kanyang ina.“Itong suspek ay kinakalat sa barangay nila na nagalaw niya yung biktima at duon nagpasya na ang biktima na nagsabi sa kanyang nanay at mula nung nangyari yung krimen  noong May 16, nagsabi na siya sa kanyang nanay. May 30 na at kinaumagahan nagtungo sa tanggapan ng WCPD ng San Agustin at dun inireklamo na ang suspek,” sabi ni PCapt. Artista.Ayon sa PNP, nagtago ang suspek matapos malamang inireklamo siya ng biktma.“Ayon po doon sa imbestigador po din ng San Agustin, nung nalaman daw po na nagsampana ng kaso ang nanay ng biktima, umalis na daw po ito sa Romblon at nagtago daw po dito sa Manila,” sabi ni PCapt. Artista.Tumangging magbigay ng pahayag ang suspek.Ayon kay PCapt. Artista, ang suspek ay ibinyahe na patungong San Agustin Municipal Station.Paalala naman ng PNP lalo na sa mga menor de edad na maging maingat sa pakikipagsalamuha at iwasang magtiwala sa mga tao na hindi kilala.“Maging mapanuri at siguraduhing ligtas ang iyong paligid at ang mga taong nakapaligid sa iyo. Pangalawa, iwasan ang paglabas nang mag-isa sa madidilim na lugar at magpagabi kung maaari, iwasan ang magpagabi sa daan, lalo na sa mga madidilim na lugar o kalye. Pangatlo, magkaroon ng kamalayan sa kapaligiran. Palaging maging alerto at magmasid sa mga nangyayari sa iyong paligid at Iwasan ang pagpapakita ng kakulangan sa proteksyon,” bilin ni PCapt. Artista.

Inaresto ng mga operatiba ng Makati City Police ang 23-anyos na construction worker dahil sa kasong panggagahasa sa isang menor de edad sa Romblon noong nakaraang taon.

Inaresto ng mga operatiba ng Makati City Police ang 23-anyos na construction worker dahil sa kasong panggagahasa sa isang menor de edad sa Romblon noong nakaraang taon.