3 bata nadaganan ng pader sa Davao City; 2 patay

Nasawi ang dalawang bata habang sugatan naman ang isa matapos madaganan ng natumbang pader habang naglalaro malapit sa abandonadong bahay sa Doña Salud, Barangay Sasa sa Davao City, Martes ng hapon.

Ayon sa Davao City police, dahil sa lakas ng hangin, naputol umano ang malaking sanga ng punong kahoy at tumama sa sementadong pader.

Natumba umano ang pader, kaya tinamaan ang tatlong bata.

Dali-daling sinagip ang mga biktima, pero dead-on-arrival sa ospital ang 7 at 10-anyos na mga batang lalaki.

Sugatan naman at patuloy na nagpapagaling sa ospital ang kalaro nilang 10-anyos na babae.