Virgilio Lorenzo Jr

1 patay matapos bumangga ang isang tricycle sa wing van truck sa Polangui

Article (news)

Jessie Cruzat

ABS-CBN News

MAYNILA -- Patay ang isang 62-anyos na ginang habang sugatan ang dalawa matapos bumangga ang sinasakyang tricycle sa isang wing van truck sa Bgy. Ubaliw, Polangui, Albay, nitong Sabado, May 31. Kita sa kuha ng isang dashcam na nasa gitna ng highway ang tricycle at sinubukang magpalit ng linya. Tiyempo naman na nag-overtake ang kasunuran nitong kotse dahilan para mahagip ng kotse ang sidecar ng tricycle hanggang sa nawalan ito ng kontrol at bumangga sa kasalubong na wing van truck. Sa lakas ng impact, tumilapon ang driver ng tricycle at backride nito habang naiwan sa loob ang isa pang pasahero. Tumagilid naman ang wing van truck. <div><a class="fr-green" href="https://www.abs-cbn.com/news/regions/2025/5/1/several-fatalities-reported-in-multiple-vehicle-collision-on-sctex-1638">Several fatalities reported in multiple-vehicle collision on SCTEX </a> </div>“‘Yong backride po na naka-yellow pala, noong ni-rescue namin, pinulsuhan po ng (Quick Response Team), wala nang pulso ‘yong naka-yellow na kita sa video na tumalsik po,” saad ni Kap. Jose Niño Zamora ng Bgy. Ubaliw. Nadala pa sa ospital ang 62-anyos na pasahero pero binawian din ng buhay. Ayon sa Polangui PNP, mag-iina ang sakay ng tricycle. Isinugod rin sa ospital ang 19-anyos na driver at kapatid nito na pawang sugatan. Ayon sa isang driving instructor, malinaw na parehong may mali ang tricycle at kotse sa insidente. “Unang-una, wala siya sa proper lane na tinatawag. Nandito po siya sa may fast lane which is ginagamit po siya ng private vehicle. Mostly ang mga tricycle po dapat nasa right side po sila dahil slow lane kung tawagin,” saad ni Aries Soliman, LTO accredited practical and lecturer instructor. “Ang lane po ng kotse, actually, bawal po siyang umovertake dito sa right kaya lang po ang lane niya naharangan lang po ng tricycle. So, nagkaroon po siya ng action na gumawa ng maling pag-overtake,” dagdag  ni Soliman. <div><a class="fr-green" href="https://www.abs-cbn.com/news/nation/2025/5/7/chiz-kamotes-involved-in-crashes-road-rage-incidents-should-lose-licenses-1628">Chiz: &#x27;Kamotes&#x27; involved in crashes, road rage incidents should lose licenses</a> </div>Sa DILG Memorandum Circular No. 2020-036, mahigpit na ipinagbabawal sa highway ang mga tricycle at pedicab. Sa Republic Act 4136 o Land Transportation and Traffic Code naman, sinasabing kailangang manatili lamang sa outer o shoulder lanes ang mga slow-moving vehicle. Pero sa punto de vista ng isang road safety advocate at presidente ng Automobile Association of the Philippines na si Joe Ferreria, mawawalang saysay ang mga ipinatutupad na batas na ito kung kulang pa rin sa disiplina ang mga motorista. “Ang problema natin sa trapiko ‘yong attitude na hindi sumusunod sa batas. Imbes na dapat paglabas ko, susunod ako sa batas at magbibigay ako. ‘Yon ang lagi kong sinasabi sa driver at unang alituntunin na dapat tandaan natin,” saad ni Ferreria. Dagdag ni Ferreria, isa rin sa dapat pagtuunan ng pansin ng pamahalaan ang paraan ng pagproseso sa aplikasyon sa pagkuha ng driver’s license sa bansa. “‘Yong licensing natin leaves so much to be desired. May tawag pa nga sila sa practical testing, atras-abante. Abante mo, atras mo ng konti, pasado na. ‘Yon ang totoo. Maraming may lisensya, atras-abante lang, pumasa. Hindi puwede ‘yong gano’n,” saad ni Ferreria. Dapat rin aniyang pag-aralan ang batas na nagpapataw ng parusa sa mga nadamay lang o walang direktang kinalaman kung bakit nangyari ang isang road crash incident. <div><a class="fr-green" href="https://www.abs-cbn.com/news/nation/2025/5/31/pagmamaneho-hindi-dapat-lumagpas-ng-10-oras-sa-isang-araw-road-safety-advocate-2000">Pagmamaneho hindi dapat lumagpas ng 10 oras sa isang araw: road safety advocate</a> </div>“There’s injustice there e. Kaya nga ‘yang reckless imprudence na ‘yan is a debatable law e. Halimbawa may tumalon sa tulay nahulog sa sasakyan mo, kasalanan mo pa ‘yon. Kita mo ‘yong gulo na ‘yon, papatunayan mo pa sa korte na hindi mo kasalanan. In the meantime makukulong ka,” wika pa niya. Sumuko rin ang driver ng kotse pero ayon sa PNP, pinakawalan din ang driver dahil walang nagsampang reklamo. Nakapiit naman sa Polangui PNP ang driver ng wing van truck na posibleng maharap sa reklamong reckless imprudence resulting in homicide, multiple physical injuries, and damage to property.

Patay ang isang 62-anyos na ginang habang sugatan ang dalawa matapos bumangga ang sinasakyang tricycle sa isang wing van truck sa Bgy. Ubaliw, Polangui, Albay, nitong Sabado, May 31.

Patay ang isang 62-anyos na ginang habang sugatan ang dalawa matapos bumangga ang sinasakyang tricycle sa isang wing van truck sa Bgy. Ubaliw, Polangui, Albay, nitong Sabado, May 31.