Virgilio Lorenzo Jr

TV PATROL: Labi ng 3 negosyanteng pinatay sa Maguindanao del Sur naibalik na sa mga pamilya

Article (news)

Dennis Datu

ABS-CBN News

Umagos ang luha ng mga pamilya ng tatlong pinaslang na mga negosyanteng taga-Calatagan, Batangas  sa pagdating ng kanilang mga labi sa Villamor Airbase lulan ng C-130 plane sa Pasay City, Lunes ng hapon.Hindi matanggap ng pamilya ang brutal na pagpatay sa mga biktimang sina Jhon Luis Olarte, 23 anyos, pinsan niyang si Gerry Olarte, 32 anyos, at kanilang kaibigang si Ronald Alumno, 37 anyos na naghatid lang ng mga ibinibentang kambing sa isang buyer sa Maguindanao Del Sur.Pinagbabaril, iginapos, piniringan at saka inilibing sa isang rubber tree plantation sa  Barangay Nabundas, Shariff Saydona Mustapaha sa Maguindanao Del Sur.Nahukay ang bangkay ng mga biktima noong Biyernes nang matunton ng mga otoridad sa tulong ng intelligence service ng AFP at PNP.Matindi ang sakit na nararamdaman ni Pablo Olarte sa karumaldumal na sinapit ng kaniyang bunsong anak na nakaplano na sanang mag-abroad.“Siya po ay nagtapos ng Customs, pero ito naman ginawa ng mga hudas po,” ani Pablo.Noong May 6 pa umalis ng Calatagan, Batangas ang mga biktima sakay ng van lulan ang 10 kambing na pang breed para ihatid sa Maguindanao Del Sur.Transporter lamang umano ang mga biktima na ang trabaho ay ihatid lamang ang mga kambing mula sa seller patungo sa buyer.Nagkakahalaga umano ng 1 million pesos ang mga boer.May 11 nang huli umanong makausap ng kaniyang kuya si Jhon Luis na nagsabing nasa checkpoint sila at 15 minutes na lamang ay makakarating na umano sila sa tapat ng school na usapan ng buyer na tagpuan.Pero yun na pala ang huling komunikasyon ng pamilya sa mga biktima.Naalarma na ang pamilya nila sa Batangas dahil hindi na sila makontak at hindi rin nagla-live sa facebook si Jhon Luis na lagi nitong ginagawa tuwing magbebenta ng mga kambing.Nanawagan ang mga kaanak ng mga biktima sa mga otoridad na bigyan ng hustisya ang kanilang mga mahal sa buhay.“Sana po bigyan ng hustisya,hindi po makatao ang ginawa nila,naghahanap buhay ng patas ang aking anak kaya nakarating doon dhail gusto kumita,karumaldumal ginawa sa anak ko, buti kung binaril lang ng apat, pero ginawa nila ginapos nila, tinalian ng duct tape,” sabi ni Pablo, ama ni Jhon Luis.“Sana po ay pagbayaran nila ang ginawa nila sa aking anak” sabi naman ni Getulio Olarte, ama ni Gerry.“Inalisan niyo ng buhay ang kapatid ko saka yun dalawa ko tropa, Diyos ko po! Diyos na ang bahal sa inyo” sabi ni Rodel Alumno, kapatid ni Ronald.Ayon kay PBGen. Romeo Macapaz, regional director  ng Police Regional Office- Bangsamaro Autonomous Region, pagnanakaw ang nakikita nilang motibo sa krimen.May dalawa nang persons of interest ang mga pulis sa kaso.“Binabalikan namin sir yun katransaksyon nila ,sa ngayon sir medyo nagdahan-dahan tayo ,ginagamitan na natin ng mga siyensya, modern technology para matrace natin at hindi tayo magkamali kung sino talaga ang mga salarin, May mga lumulutang na mga pangalan doon sa area but again hindi natin matukoy hanggat wala tayo makuha na testigo,”sabi ni Macapaz.Hindi pa rin natatagpuan ang van ng mga biktima.Iniuwi na ang labi ng mga biktima sa kanilang bahay sa Calatagan, Batangas kung saan sila ibuburol.

Dumating na sa Villamor Air Base sa Pasay City ang mga labi ng tatlong negosyanteng pinatay sa Maguindanao del Sur. Hustisya ang sigaw ng kanilang pamilya.

Dumating na sa Villamor Air Base sa Pasay City ang mga labi ng tatlong negosyanteng pinatay sa Maguindanao del Sur. Hustisya ang sigaw ng kanilang pamilya.