Lola na-hypnotize, ninakawan ng P40,000 sa Tondo

LOLA DINUKOT 1

LOLA DINUKOT 2

Bea Cuadra

ABS-CBN News

<div><iframe width="640" height="360" src="https://www.youtube.com/embed/yDGXBOu-Ut4?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe> </div>MAYNILA — Na-hypnotize, sinaktan at ninakawan. Ito ang pinagdaanan ng isang babaeng senior citizen sa Tondo, Maynila noong Linggo ng umaga, June 15.Kwento ng kaanak ng biktima, pauwi na sana ang matanda sa kanilang bahay galing sa palengke nang lapitan siya ng isang lalaki na kasunod ang kasabwat nitong babae.Hinikayat umano siyang sumama sa kanila pasakay ng sasakyan na nakaparada sa di kalayuan.Nabudol naman ang matanda at nang pagsakay niya ng kotse ay may dalawa pang kasama ang mga suspect. Isang lalaking driver at isa pang babae na nakaupo sa loob ng sasakyan ang nadatnan niya.“Parang na hypnotize naman ang [kamaganak] ko sumama siya,” sabi ng kaanak ng biktima.Pagsakay niya ay dun na nagdeklara ng holdap ang mga suspek.Sinaktan pa umano ang matanda bago sapilitang kinuha ang 40,000 pesos na dala niyang pera at mga suot na alahas.“Parang yung biyenan ko na corner na... Nung di pa umaandar yung kotse sinabi na nga na, ‘Wag kang papalag’”“Ninerbyos na yung biyenan ko nagkakawag na siya… Pumalag na ba… Tapos ayaw niya… Dahil pumapalag si nanay sinampal siya nung babae. Sapak daw eh dahil may pasa yung biyenan ko (sa mukha),” kwento niya. Binaba din ng mga suspek ang biktima kalaunan.“Piniringan daw siya. Nilagyan siya ng ano sa mata… Hanggang nakarating na sila sa Delpan, kinuha &#x27;yung pera niya, body bag niya, alahas tas ayun na nung malayo layo na ng konti bandang Divisoria binaba &#x27;yung biyenan ko… Tapos ano binigyan pa siya ng pamasahe tsaka yung mga ID niya,” sabi ng kaanak ng biktima.Nang makasakay pauwi ang biktima ay dun niya na sinumbong ang nangyari sa kanyang pamilya.<div>MATATANDA TINA-TARGET</div>Ayon kay Barangay Kagawad Danilo Mendoza, nagpunta ang mga apo ng biktima sa barangay para i-report ang nangyari at tingnan ang CCTV.Sa kuha ng CCTV, kita ang paglakad ng matanda nang sundan at lapitan siya ng isang lalaking naka sumbrero. Nakasunod naman sa lalaki ang isang babae na kasabwat niyaMaya maya pa ay kasama nang maglakad pabalik ng lalaking nakasumbrero ang biktima kasunod ang kasabwat nitong babae.Nakipag koordina din sila sa pulis kung saan nasimulan ang backtracking.Dagdag pa ng kagawad, hindi matukoy ang mga suspek.“Hindi na identify kasi naka sumbrero at naka mask. Nakita namin na video yung kanila pong likuran ng [sasakyan] na black nung likod at yung unahan di makita yung plate number,” sabi ni Kagawad Danilo Mendoza.Kwento din ng kagawad, modus na umano ng mga suspek ang ganitong krimen.“Nabalitaan na namin &#x27;yan sa ibang lugar na karaniwang binibiktima ang matatanda namamalengke. Siguro natagpuan nila sa palengke si nanay,” sabi ni Mendoza.Patuloy naman ang imbestigasyon ng pulisya sa insidente.Payo naman ng awtoridad na mag-ingat tuwing lalabas para maiwasang maging biktima ng masasamang loob.“Wag magdala ng maraming pera o ano mang bagay na makakaanyaya o alahas para sa kaligtasan ng bawat mamamayan,” ani ng Kagawad.<div> </div>

Na-hypnotize, sinaktan at ninakawan. Ito ang pinagdaanan ng isang babaeng senior citizen sa Tondo, Maynila noong Linggo ng umaga, June 15.

Na-hypnotize, sinaktan at ninakawan. Ito ang pinagdaanan ng isang babaeng senior citizen sa Tondo, Maynila noong Linggo ng umaga, June 15.