Sawa bumaba sa kisame ng isang bahay sa Tacloban

Nabulabog ang isang pamilya sa Barangay 109-A, Tacloban City matapos na makita ang isang reticulated python o sawa sa kanilang kisame, pasado alas-12 ng tanghali ng Linggo, June 08, 2025.

Unang nakita ang sawa na pababa sa kisame sa may banyo.

Agad na humingi ng saklolo ang pamilya sa mga kapitbahay para ma-rescue ang sawa.

Umabot sa 15 minuto ang itinagal bago nakuha ang sawa mula sa kisame.

Hinihinalang naghahanap ng malamig na lugar dahil mainit sa kisame kaya gusto nitong pumunta o bumaba sa banyo.

Napag-alaman din na nanghihina ito.

Tinatayang aabot sa isang metro ang haba ng sawa.

Nakatakda itong iturn-over sa DENR.

Muling paalala ng mga awtoridad na ipinagbabawal ang paghuli at pagkatay ng anumang wildlife tulad ng sawa dahil isa ito sa mga nananganganib na maubos#