Tovic Salvador

Tricycle na galing kulungan sa Rizal rinatrat ng riding-in-tandem; 1 patay

Article (news)

RINATRAT VIDEO 1

RINATRAT VIDEO 2

RINATRAT CASUALTY

Christopher Sitson

ABS-CBN News

Patay ang hindi pa nakikilalang babae na sakay ng tricycle habang sugatan ang drayber at isa pang pasahero, sa pamamaril sa Pantay Road, Sitio Canlibot, Barangay Bagumbayan, Teresa, Rizal, hapon ng Sabado, June 7, 2025.Ayon sa inisyal na imbestigasyon ng Teresa Municipal Police Station, galing sa Bureau of Jail Management and Penology (BJMP) Teresa ang tricycle nang pagbabarilin ng riding-in-tandem sa nasabing lugar. Agad tumakas ang dalawang lalaki na sakay ng motorsiklo.Sabi ni Cristituto Enriquez, hepe ng mga tanod ng Barangay Bagumbayan sa Teresa, Rizal, na isa sa mga rumesponde, duguan ang dalawang babae sa loob ng tricycle. Nakatakbo ang 30-anyos na babaeng drayber at isa pa umanong kasama niya.&quot;Yun pong isa talagang patay na nung dumating kami. &#x27;Yung babae dito sa panga, parang butas po &#x27;yung dito. &#x27;Yung isa naman dito sa dibdib. &#x27;Yung driver, nung nagkaputukan, tumakbo. May kasama pang isang nakasakay doon, tumakbo na rin. Galing sila sa BJMP na dumalaw &#x27;yung drayber ng tricycle, may asawa siyang nakakulong doon,&quot; sabi ni Enriquez.Agad isinugod sa ospital ang dalawang sugatan.Ayon sa barangay, napansin umano ng mga residente sa lugar ang dalawang kotse at isang motorsiklo na kasunod ng tricycle.&quot;Ayon po roon sa mga nakakita na malapit doon sa bahayan, mayroong dalawang kotse na mabilis tumatakbo at isang backup na single. Maaring sila, kasi nga sila lang naman ang nanggaling na matulin ang takbo. Magkasunuran sila. Parang galing sila sa BJMP sinundan sila hanggang sa pagliko,&quot; dagdag ni Enriquez.Nakalabas na sa ospital ang nasugatang drayber ng tricycle na residente sa lugar. Inilipat sa ibang ospital ang babaeng may tama ng baril sa panga.Puspusan ang operasyon ng pulisya para matukoy ang mga responsable sa krimen na mahaharap sa kasong murder at two counts of frustrated murder.Patuloy din ang kanilang imbestigasyon para malaman ang motibo sa pamamaril.

Ayon sa inisyal na imbestigasyon, galing sa Bureau of Jail Management and Penology-Teresa ang tricycle nang pagbabarilin ng riding-in-tandem.

Ayon sa inisyal na imbestigasyon, galing sa Bureau of Jail Management and Penology-Teresa ang tricycle nang pagbabarilin ng riding-in-tandem.