Geline Salac

Panukalang US ammo plant sa Subic, kinondena ng mga mangingisda

Article (news)

Anthony James Bayog

ABS-CBN News

Kinondena ng Panatag Fisherfolk Association at PAMALAKAYA ang panukala ng Amerika na magpatayo ng ammunition production at storage facility sa dating naval base ng US sa Subic Bay, Zambales dahil umano sa banta nito sa kalikasan at kabuhayan ng mga mangingisda. Sa isang panayam nitong Miyerkoles (Hulyo 2), iginiit ni Joey Marabe, Vice President for Admin ng Panatag at provincial coordinator ng grupong PAMALAKAYA, maaaring ikasira ng mga bahura at ika-init ng temperatura ng dagat ang naturang pasilidad. Matatandaang nagpatayo din ng warehouse ang United States (US) Marine Corps sa Naval Supply Depot sa loob ng Subic Bay Freeport noong Pebrero na ayon kay Marabe ay nagkaroon din ng masamang epekto sa kanilang kabuhayan. &quot;May mga balang pumutok noon sa San Antonio, nagiging sanhi [iyon] ng pagkasira ng bahura, ramdam naming mga mangingisda ang sobrang init kapag [naman] may hindi pumutok sa ilalim ng dagat,&quot; ani Marabe. Sa isang press briefing sa Makati Shangri-La Hotel nitong Lunes (Hunyo 30), sinang-ayunan ni Department of National Defense Secretary Gilberto &#x27;Gibo&#x27; Teodoro ang planong ito ng US Congress na maaari aniyang makatulong sa seguridad ng bansa. “Any production entity which would be of benefit to the Philippines, not only in terms of our resilience, but improving, giving employment, and other technological transfers, that might be encouraged,” ani Teodoro. Panawagan ni Marabe, magkaroon ng mas malawak na konsultasyon bago ang naturang hakbang. “Malaking takot at banta po ito sa buhay at kalikasan. Sana, bago ituloy, dumaan sa tamang konsultasyon — hindi lang sa amin, kundi sa lahat ng sektor,” aniya. Samantala wala pang natatanggap na pormal na panukala ang bansa mula sa White House.

Kinondena ng Panatag Fisherfolk Association at PAMALAKAYA ang panukala ng Amerika na magpatayo ng ammunition production at storage facility sa dating naval base ng US sa Subic Bay, Zambales dahil umano sa banta nito sa kalikasan at kabuhayan ng mga mangingisda.

Kinondena ng Panatag Fisherfolk Association at PAMALAKAYA ang panukala ng Amerika na magpatayo ng ammunition production at storage facility sa dating naval base ng US sa Subic Bay, Zambales dahil umano sa banta nito sa kalikasan at kabuhayan ng mga mangingisda.