Geline Salac

3 magpipinsan patay matapos tumaob ang sinasakyang tricycle sa Pangasinan

Patay ang tatlong magpipinsan matapos tumaob ang sinasakyan nilang tricycle sa Anda, Pangasinan, Lunes ng gabi, July 28, 2025.

Article (news)

Christopher Sitson

ABS-CBN News

Patay ang tatlong magpipinsan matapos tumaob ang sinasakyan nilang tricycle sa Anda, Pangasinan, Lunes ng gabi, July 28.Sa imbestigasyon ng Anda Municipal Police Station, binabaybay ng tricycle ang provincial road na sakop ng Barangay Mal-ong nang iwasan nito ang panambak na lupa sa kalsada. “Mayroon pong panambak sa gilid, ‘yun po ‘yung iniwasan nung tricycle. Nasakop niya ‘yung kabilang linya na parating naman ‘yung motorsiklo, nagsalpukan po sila,” sabi ni Police Staff Sergeant Rey Charld Cervera, investigator on case ng Anda Municipal Police Station. Dead on the spot ang tatlong sakay ng tricycle na magpipinsan, dalawa sa kanila ay edad 24 at isang 31.“Nakabulagta na po at puro ulo po ang tama. Ayon po sa investigation namin, nag-inuman muna sila sa harap ng bahay nila tapos pupunta sa bayan,” sabi ni PSSG Cervera.Ayon sa PNP, paliko ang daan kung saan nangyari ang insidente. Madilim din anila sa lugar dahil brownout. Papunta sana sa lugawan ang mga sakay ng tricycle habang pauwi na sa bayan ng Burgos ang sakay ng motorsiklo.“Ang gusto po nung pamilya nung mga biktima, kasuhan po ‘yung may-ari nung panambak. ‘Yung naglagay ng panambak sa gilid ng kalsada. Kung ano po ang gusto nung complainant, pwede naman po kasuhan. I-e-endorse po namin sa prosecutor&#x27;s office,” dagdag ni PSSG Cervera.Nakaburol na sa kani-kanilang bahay sa Pangasinan ang labi ng mga biktima. Kinakailangan naman lagyan ng bakal ang binti ng isang sakay ng motorsiklo matapos magtamo ng injury sa insidente.

Patay ang tatlong magpipinsan matapos tumaob ang sinasakyan nilang tricycle sa Anda, Pangasinan, Lunes ng gabi, July 28, 2025.