Cheyenne Suarez

Road rage sa Tanay, nauwi sa pamamaril; 2 sugatan

Article (news)

TANAY ROAD RAGE

Dennis Datu

ABS-CBN News

RIZAL — Dalawa ang sugatan matapos mauwi sa pamamaril ang away-trapiko sa Tanay noong Linggo ng hapon, ika-6 ng Hulyo.Sa imbestigasyon ng mga awtoridad, nangyari ang insidente bandang alas-4:50 ng hapon sa Sagbat-Pililla Road sa Barangay Tandang Kutyo kung saan bigla umanong nag-overtake ang isang kotse sa kanang bahagi ng isang pick up truck.Dahil sa pag-overtake ng kotse na minamaneho ng 71-anyos na lolo, tinamaan ng pick up truck ang side mirror nito.&quot;Naggitgitan &#x27;yung dalawa. Itong suspek pilit na nag-overtake sa shoulder ng kalsada, at nasagi siya ng pick up at tinamaan ang kaniyang side mirror,&quot; ani P/Col. Feloteo Gonzalgo, provincial director ng Rizal Police Provincial Office.Sa galit ng drayber ng kotse, iniharang umano nito ang kaniyang sasakyan sa harap ng pick up at sinugod ang drayber nito.Matapos magtalo ang dalawang drayber, bumalik ang 71-anyos na lolo sa kaniyang kotse at pagbalik sa drayber ng pick up ay armado na ito ng baril.&quot;Maraming beses pumutok. Around 6 shots ang pinakawalan niya at binaril din &#x27;yung nasa passenger side ng pick up,&quot; ani Gonzalgo.Malubha ang tinamong tama ng drayber ng pick up sa iba&#x27;t ibang parte ng katawan nito habang sa paa naman tinamaan ang lalaking nakaupo sa pasaherong bahagi ng pick up.Hindi naman tinamaan ang tatlong babae na lulan ng pick up.Matapos pagbabarilin ang pick up, tumakas ang suspek gamit ang kaniyang kotse.Nagkataon na malapit sa lugar si Gonzalgo na nag-iikot sa mga istasyon ng pulis kaya agad siya ang pinara ng isang nakamotorsiklo na nakahingi ng saklolo.Matapos makuha ang plaka ng kotse mula sa mga testigo, agad na nagkaroon ng habulan at naglatag agad ng checkpoint sa lahatng daan sa Rizal.Makalipas ang 15 minuto, naharang at naaresto na ang suspek sa bayan ng Morong kung saan nakitaan ito ng isang cal. 40 na baril, mga bala, at dalawang patalim sa loob ng kotse nito.Nadiskubre rin na expired na ang lisensya ng baril ng suspek na residente ng Taguig City.&quot;Bahala na sa korte, doon na lang magpaliwanagan,&quot; ani ng 71-anyos na suspek.Tumanggi na magbigay ng pahayag ang isa sa mga biktima na nakalabas na ng ospital habang ang sugatang drayber ay nananatiling inoobserbahan.Muli namang nagpaalala ang mga awtoridad sa mga motorista na maging kalmado palagi.“Laging magpakumbaba at mapagpasensya, lalo na sa pagmamaneho. Maging defensive na lang tayo sa pagmamaneho, huwag tayong maging offensive sa pagda-drive para maiwasan ang ganiyang mga sagian na nauuwi sa init ng ulo,” paalala ni Gonzalgo.Sinampahan na ang suspek ng reklamong two counts of frustrated murder at paglabag sa Firearms Law. - Ulat ni Dennis Datu, ABS-CBN News

Sa galit ng drayber ng kotse, iniharang umano nito ang kaniyang sasakyan sa harap ng pick up at sinugod ang drayber nito.

Sa galit ng drayber ng kotse, iniharang umano nito ang kaniyang sasakyan sa harap ng pick up at sinugod ang drayber nito.