Nelson Morales

TV PATROL: Rider patay, angkas na bata kritikal sa salpukan ng motorsiklo at tricycle

Article (news)

ABS-CBN News

Patay ang rider, habang sugatan ang kanyang angkas na bata nang sumalpok ang kanilang motorsiklo sa isang tricycle sa Balete, Aklan nitong Linggo ng umaga. Sa CCTV footage, patawid ang motorsiklo nang banggain ng paparating na tricycle. Tumilapon ang rider at ang angkas nitong limang taong gulang na bata. Isinugod sila sa ospital pero dead on arrival na ang rider, habang kritikal pa rin ang kundisyon ng batang biktima. Sa imbestigasyon ng Balete PNP, hindi umano napansin ng tricycle ang patawid na motorsiklo dahil sa bilis ng takbo nito. Nasa kustodiya na ng pulisya ang tricycle driver. Sa Cebu City naman, dalawang jeep ang nagsalpukan din sa intersection ng Jackosalem at Manilili Streets sa Barangay Santo Niño, Cebu City nitong Lunes. Ayon sa Traffic Enforcement Unit ng Cebu City Police, dumiretso pa rin ang modern jeep kahit naka-stop na ang signal sa traffic light, kaya nabangga niya ang kaaandar lamang na traditional jeep. Walang pasahero ang binanggang jeep at wala ring nasugatan mula sa pumapasadang modern jeep. Inihahanda na ang reklamo laban sa drayber ng modern jeep. TV Patrol, Martes, 8 Hulyo 2025

Patay ang rider, habang sugatan ang kanyang angkas na bata nang sumalpok ang kanilang motorsiklo sa isang tricycle sa Balete, Aklan nitong Linggo ng umaga.

Patay ang rider, habang sugatan ang kanyang angkas na bata nang sumalpok ang kanilang motorsiklo sa isang tricycle sa Balete, Aklan nitong Linggo ng umaga.