Ched Rick Gatchalian

Article (news)

Batang nakalunok ng maliit na laruan sa Laguna, nailigtas ng napadaang bumbero

Ronilo Dagos

Nailigtas ang isang 3-taong-gulang na batang babae mula sa tiyak na kapahamakan matapos nitong malunok ang isang maliit na laruan sa Alaminos, Laguna.Ang mabilis na pagresponde ng dalawang miyembro ng Bureau of Fire Protection (BFP) ang naging susi sa pagligtas sa bata.Ayon sa Lucena City Fire Station, pauwi na ang mga bumberong sina SFO1 Jan Vincent Alba at FO1 Lloyd Aaron Gimenez mula sa BFP regional headquarters sa Calamba City.Sakay sila ng isang ambulansya ng Lucena City Disaster Risk Reduction and Management Office (DRRMO) kung saan sila naka-detail bilang mga first responder, nang mapansin nila ang ilang nagkakagulong tao sa gilid ng Maharlika Highway sa Barangay San Benito, Alaminos.Kuwento ni Alba, nakalagpas na sila sa lugar, pero dahil sa instinct, huminto sila at bumalik.Dito nila nalaman na may batang nahihirapang huminga matapos makalunok ng maliit na bagay.Agad na binigyan ng mga bumbero ng emergency first aid ang bata.Sa mabilis nilang aksyon, matagumpay na nailabas ang laruan na sanhi ng pagbara sa kanyang lalamunan.Pagkatapos nito, agad dinala ang bata sa San Pablo Colleges Medical Center para sa karagdagang gamutan.Ayon sa ulat, maayos naman siyang naipasok sa emergency room at na-turn over sa mga medical personnel.

Nailigtas ang isang 3-taong-gulang na batang babae mula sa tiyak na kapahamakan matapos nitong malunok ang isang maliit na laruan sa Alaminos, Laguna.

Nailigtas ang isang 3-taong-gulang na batang babae mula sa tiyak na kapahamakan matapos nitong malunok ang isang maliit na laruan sa Alaminos, Laguna.