Tovic Salvador

Kotse nadaganan ng gumuhong pader sa Antipolo, pasahero sugatan

Article (news)

NADAGAN NG PADER

Christopher Sitson

ABS-CBN News

Sugatan ang isang 32-anyos na babae matapos mabagsakan ng gumuhong pader ang sinasakyang kotse sa Sitio Payong, Barangay Dalig, Antipolo City, Rizal, Linggo ng hapon, August 24, 2025.Ayon kay Exequiel Santillan, minamaneho niya ang sasakyan sa bahagi ng kalsada sa Sitio Payong nang biglang bumuhos ang malakas na ulan.Kasama niya sa sasakyan ang 32-anyos na asawa at 1-taong gulang na anak na babae.  Maya-maya pa ay narinig nila ang malakas na dagundong mula sa bumigay na pader.“Bale nung dumagan po sa amin, niyakap po agad ng asawa ko ‘yung anak namin na one year old. ‘Yung asawa ko po tinamaan ‘yung ulo niya, nagkaroon ng head injury, tapos pasa sa kamay po. Clear naman po ‘yung CT scan niya,” sabi ni Santillan.Ayon sa residenteng si Patricia Wong, hindi rin maaninag ang kalsada dahil sa makapal na fog. Abot-tuhod din ang baha dahil sa ragasa ng  baha mula sa mataas na bahagi ng kalsada.“Malakas sobra ‘yung ulan at ma-fog talaga siya. Nakita ko binabaybay niya ito nang dahan-dahan, nang biglang bumagsak ang pader na ito. Na-shock ako, binababa na niya ‘yung anak niya, na mataas ‘yung tubig, at ‘yung asawa niya, inilagay niya sa gilid,” sabi ni Wong.Ito ang unang beses na gumuho ang pader sa lugar dahil sa lakas ng ragasa ng tubig.“Itong area na ito ang pinaka low-lying area. So lahat ng tubig na nanggagaling sa taas, pumunta rito sa baba, sa lakas, tinulak ‘yung pader,” sabi ni Loni Leyva, kapitan ng Barangay Dalig.Dalawampung taon na aniya ang pader na pagma-may-ari ng isang pribadong subdivision. Dalawampung metro ang haba ng gumuhong bahagi nito na may taas na sampung talampakan.“Inaayos na po namin ‘yan.  Nakipag-coordinate sa aming CDRRMO. Wala naman pong ilikikas. Ipapacheck namin sa City Engineering Office ng Antipolo, ‘yung structural integrity ng perimeter wall,” dagdag ni Kapitan Leyva.Tiniyak din ng lokal na pamahalaan ang tulong sa biktima.

Sugatan ang 32-anyos na babae matapos mabagsakan ng gumuhong pader ang sinasakyang kotse sa Sitio Payong, Barangay Dalig, Antipolo City, Rizal, Linggo ng hapon, August 24, 2025.

Sugatan ang 32-anyos na babae matapos mabagsakan ng gumuhong pader ang sinasakyang kotse sa Sitio Payong, Barangay Dalig, Antipolo City, Rizal, Linggo ng hapon, August 24, 2025.