Tovic Salvador

Samar governor dinipensahan ang pagsayaw ng ‘kuratsa’

Article (news)

PAGSAYAW NG KURATSA NI  SAMAR GOV. SHAREE ANN TAN INULAN NG IBA'T-IBANG REAKSIYON  SA SOCIAL MEDIA  

Ranulfo Docdocan

Umani ng iba&#x27;t ibang reaksiyon sa social media ang video ng pagsayaw ni Samar Governor Sharee Ann Tan ng kuratsa sa isang pagtitipon.Sa video na kuha sa Samar Convention Center noong Sabado, makikitang hinahagis pataas ng mga bisita ang mga perang papel habang sumasayaw ang gobernadora at iba pang indibidwal.Ang sayaw na kuratsa ay isang tradisyon ng mga Waray kung saan nagiging bahagi sa pagsayaw ang pagpapalipad ng pera na tinatawag na gala o sabwag. Sinasayaw ito kapag may kasal, binyag, fiesta, event sa mga eskwelahan at iba pang mga masasayang okasyon.Paliwanag naman ng opisina ni Tan, naimbitahan lamang siya sa okasyon na bahagi ng pagdiriwang sa kapistahan ng Catbalogan City. Giit niya, hindi ito kuha mula sa isang magarbong dinner. Hindi rin umano ito konektado sa anumang government program o project. &quot;It was taken during the Hermano Night of the Catbalogan City Fiesta, community celebration where the traditional Kuratsa dance was performed,&quot; ayon sa gobernador.Hindi aniya pagpapakita ng karangyaan ang nasabing pagsasayaw.&quot;Governor Tan joins these cultural traditions not to display wealth or power, but to honor the Samarnon identity and to support the causes they represent, in this case, the local church and its communities,&quot; sabi ng kaniyang opisina.Dagdag nila, ginagawa ang &quot;kuratsa&quot; kahit sa mga pinakamalalayong lugar sa Samar at Leyte.&quot;Part of this custom is the &#x27;gala&#x27; or money showering, which symbolizes generosity and community spirit. It is in no way a display of luxury or wealth, but a practice deeply embedded in our way of celebrating faith and togetherness,&quot; sabi ng gobernadora.Ayon sa kaniyang opisina, nirerespeto ni Tan ang mga pahayag na dapat iniiwasan ng sinumang opisyal ng pamahalan ang pagdalo sa anumang okasyon, katulad ng pagsayaw ng kuratsa. Pero kailangan din anilang makiisa ng gobernador sa ganitong pagtitipon para mas mapayabong pa ang tradisyon at makiisa sa mga adhikain ng simbahan at komunidad.&quot;We acknowledge the sentiments of our people regarding broader issues in government, and we remain committed to accountability, transparency and improving public service delivery. These valid concerns guide us every day as we continue to strengthen programs for the welfare of every Samarnon,&quot; dagdag ni Tan.Ang nalikom na pera sa nasabing pagsayaw ng kuratsa ay ibinahagi din naman aniya sa mga simbahan sa Catbalogan.

Umani ng iba't ibang reaksiyon sa social media ang video ng pagsayaw ni Samar Governor Sharee Ann Tan ng kuratsa sa isang pagtitipon.

Umani ng iba't ibang reaksiyon sa social media ang video ng pagsayaw ni Samar Governor Sharee Ann Tan ng kuratsa sa isang pagtitipon.