Geline Salac

Rider, patay matapos pumulupot ang suot na kapote sa gulong ng motorsiklo

Article (news)

PUMULUPOT 2

PUMULUPOT 1

Christopher Sitson

ABS-CBN News

<div><img src="https://od2-image-api.abs-cbn.com/prod/editorImage/1757631940348ACCIDENT1.jpg" class="fr-fic fr-dib"/>Courtesy: Barangay San Jose</div>Duguan at nakabulagta na sa kalsada nang abutan ng kanyang nanay ang 22-anyos na lalaking motorcycle rider matapos mabangga ng van sa Barangay San Jose, Antipolo City, Rizal, Biyernes ng umaga, September 5, 2025.Ang biktima, kinilalang si Jenny Herona. Nagdedeliver ng dressed chicken sa mga tindahan at bahay si Jenny nang mangyari ang insidente. Ito ang kanyang sideline para makatulong sa pagpapaaral sa kanyang dalawang nakababatang kapatid.Ayon sa barangay, nagpagewang-gewang ang motorsiklo na minamaneho ng biktima nang biglang pumulupot sa gulong at kadena nito ang kapoteng suot-suot niya.Napunta ang motor sa kabilang lane kung saan hindi na ito naiwasan ng kasalubong na van at tuluyang nabangga.“Na-out balance siya. Mayroon kasi siyang dalang 25 kilos na manok, na mga dressed chicken. Pumunta sa kabilang linya, nasa right of way ‘yung kabila eh, ‘yung van, sumalpok sya roon,” sabi ni Retired Police Colonel Tommy Oldan Marigondon, Head ng Barangay San Jose Peace and Safety Office.“Ayon sa investigation ng police Antipolo, pumulupot ‘yung kapote sa kadena ng motor. ‘Yun ang sanhi ng paggewang niya. Saktong parating din ‘yung van sa kasalubong na lane. Delikado ‘yung kapoteng hindi nakasuot sa katawan. ‘Yung nakalaylay lang,” sabi ni Joven Enciso, Chairman ng Sitio Tibagan.Nagulat naman ang ina ng biktima sa sinapit ng anak.“Sabi ate, ate, Divina, si Junior naaksidente. Tapos po siyempre sa isang ina, masakit po ‘yun sa akin. Habang pumupunta po hindi ko alam anong gagawin ko. Pagdating ko po roon, nakabulagta na siya, puro na po dugo,” sabi ni Divina Herona, ina ng biktima. “Gusto nga niya po sana mag-aral, sabi ako naman, hindi natin kaya, ‘yung kapatid mo, mag-aaral pa. Napakiusapan naman po, pagtulungan muna ‘yung dalawa niyang kapatid, okay naman po sa kanya. Sobrang bait po niyan. Hindi po siya sa akin nagdadamdam kahit minsan napapagalitan ko siya. Mahal na mahal ko po talaga ‘yan,” dagdag ng kanyang ina.Sinubukan pang dalhin sa pagamutan ang biktima pero idineklara ring dead on arrival.Nagkaayos naman ang dalawang panig at nangako ang driver ng van na sasagutin ang lahat ng gastusin sa burol hanggang sa pagpapalibing kay Jenny.Nananawagan naman ng suporta ang nanay ng biktima para sa pagpapaaral ng dalawa pang nakababatang kapatid ni Jenny, ngayong siya na lang ang mag-isang magtataguyod sa kanila.

Ayon sa barangay, nagpagewang-gewang ang motorsiklo na minamaneho ng biktima matapos pumulupot sa gulong at kadena nito ang kapoteng suot-suot niya. Napunta ang motor sa kabilang lane kung saan siya nabangga ng kasalubong na van.

Ayon sa barangay, nagpagewang-gewang ang motorsiklo na minamaneho ng biktima matapos pumulupot sa gulong at kadena nito ang kapoteng suot-suot niya. Napunta ang motor sa kabilang lane kung saan siya nabangga ng kasalubong na van.