Daven Tamayo

Babaeng sangkot sa serye ng pananaksak ng lalaki sa Antipolo, arestado

Article (news)

Michael Delizo

ABS-CBN News

RIZAL — Arestado sa Antipolo City ang 30-anyos na babae na sangkot umano sa pananaksak ng iba’t ibang lalaki at sa pananakit sa isang pulis.Pinakahuli sa biktima ng babae ang 26-anyos na lalaki na bigla niya na lamang sinaksak ng gunting habang nakaupo sa tapat ng tindahan sa Barangay San Isidro.Sa nasabing insidente naaresto ang babae sa pagtutulungan ng mga tauhan ng barangay.“Nagulat na lang ‘yong biktima kasi inundayan siya ng saksak ng babae. At ‘yong babae, matapos manaksak ay tumakbo na agad. Then, nahuli na lang siya ng mga rumespondeng barangay tanod at dinala sa police station,” saad ni P/Capt. Alnor Tagara, investigation and operations chief ng Antipolo Component City Police Station.Sa imbestigasyon ng pulisya, may tatlo nang sinaksak dati ang babae na pawang mga lalaki ngunit hindi nasampahan ng kaso dahil umano may problema siya sa mental health.“Walang dahilan lang na sinasaksak lang niya,” ani Tagara.Ayon sa barangay, may mental health condition ang babae at labas-pasok na sa kulungan dahil sa serye ng pananaksak.“‘Yong una po ‘yung lalaki po na sinaksak niya, nag 50-50 po iyon, tapos after one week, namatay din po ‘yong biktima. ‘Yong pangalawa, siya rin po ‘yong nanaksak doon sa may Antipolo simbahan. ‘Yong pangatlo po sa police station po ‘yon, may sinaksak din siyang pulis,” salaysay ni Kristyle Anne Cruz, blotter desk officer ng Barangay San Isidro.Ayon sa desk officer ng Barangay San Luis kung saan residente ang babae, dinala na siya dati sa National Center for Mental Health dahil sa umano&#x27;y kondisyon nito.&quot;Tatlong beses na po namin &#x27;yan na turnover sa [National Center for] Mental Health po ng Mandaluyong. Ilang months, pinalabas siya and may ginagawa na namang insidente. ‘Pag napapainom naman siya ng gamot, nagiging okay naman,&quot; ayon kay Babylen Cadaya, desk officer ng Barangay San Luis.Kinumpirma ng ina ng suspek na pinalabas na siya ng pagamutan ngunit hindi naging regular ang pag-inom ng gamot.“Kaya nagkaganyan, binubuntal ng asawa. Kaya nabuang ‘yan. Dapat nga ‘yon ang naikulong eh,” saad ng nanay.“Kapag binu-bully siya, nananaksak siya. Eh, kasi naman itong mga ito, alam na ngang siraulo, hindi na lang pabayaan,” dagdag nito.Samantala, patuloy na inoobserbahan ang kondisyon sa ospital ng huling biktima ng pananaksak. Ikinulong na sa Antipolo Police Station ang babae na posibleng maharap sa kasong frustraded homicide.Sa panayam sa media, Itinanggi niya ang pananaksak.Ipinauubaya na ng pulisya sa korte ang diskresyon kaugnay ng kaso ng babae.

Arestado ang 30-anyos na babae na sangkot umano sa pananaksak ng iba’t ibang lalaki, ganon din ang pananakit sa isang pulis, sa Antipolo City.

Arestado ang 30-anyos na babae na sangkot umano sa pananaksak ng iba’t ibang lalaki, ganon din ang pananakit sa isang pulis, sa Antipolo City.