Dennis Gaviola

Sirang dike pinagmumulan ng baha sa Meycauayan, Bulacan

Article (news)

Dabet Panelo

ABS-CBN News

<p>Ang sirang bahagi ng dike sa bayan ng Meycauyan na sakop ng Obsuna Street, Bgy. Saluysoy ang itinuturo ng mga residente na dahilan kung bakit binabaha ang kanilang lugar tuwing umuulan.</p><p>Sa mga video na kuha ni Bayan Patroller Cee Manzano ay makikita ang sirang bahagi ng dike sa gilid ng Meycauayan River. Bukod sa sirang bahagi ng dike ay makikita rin ang hindi tapos na bahagi nito na may nakakalat pang basura. </p><div><iframe src="https://www.facebook.com/plugins/video.php?height=476&amp;href=https%3A%2F%2Fwww.facebook.com%2Freel%2F1477468006627659%2F&amp;show_text=false&amp;width=267&amp;t=0" width="267" height="476" style="border:none;overflow:hidden" scrolling="no" frameBorder="0" allowfullscreen=""></iframe></div><p>Ang sirang bahagi ng dike ay nasa tatlong minutong lakad lang mula sa bahay ni patroller na inabot ng baha matapos ang magdamag na ulan mula alas-10 ng gabi ng Huwebes hanggang bandang alas-3 ng madaling araw ng Biyernes. </p><p>Napansin na lang ni Bayan Patroller Cee na inabot na ng baha ang kanyang bahay bandang alas-8 ng umaga ng Biyernes, September 5.</p><div><a href="https://www.abs-cbn.com/news/nation/2025/9/4/p96-m-ghost-flood-control-project-in-bulacan-a-bicam-insertion-lawmaker-reveals-1926">P96-M &#x27;ghost&#x27; flood control project in Bulacan a &#x27;bicam insertion&#x27;, lawmaker reveals</a></div><p>Umaabot sa 133 linear meters ang sirang bahagi ng dike sa Obsuna Street, ayon kay Bgy. Kapitan Arnaldo Velasco. Bukod dito ay marami pang sirang bahagi ang dike sa Bgy. Saluysoy, ani Velasco. </p><p>Dagdag niya, maituturing na substandard ang gawa sa dike dahil maiikli at maninipis ang mga bakal na ginagamit at manipis din ang mismong river wall kaya madali itong masira lalo na kapag malakas ang agos ng tubig sa ilog.</p><p>Sa &quot;Sumbong sa Pangulo&quot; website, may nakalistang limang flood control projects para sa Bgy. Saluysoy na ang apat ay naiulat nang &#x27;completed&#x27; noon pang 2022 at ang huli ay natapos na noong April 11, 2025. Ang total amount ng limang proyekto ay umabot sa halos P300 milyon.</p><p>Pero ayon kay Velasco, may tatlong ongoing flood control projects pa sa kanilang barangay sa kasalukuyan. </p><p>Panawagan ni Velasco na gawing matibay at maayos ang flood control projects sa kanilang lugar at lakihan ang pumping stations para may panangga ang mga residente sa madalas na banta ng baha dahil sa malalakas na ulan at malalaking high tide.</p><div><a href="https://www.abs-cbn.com/news/weather-traffic/2025/8/7/mmda-valenzuela-clean-up-meycauayan-river-to-prevent-flooding-on-nlex-1455">MMDA, Valenzuela clean up Meycauayan River to prevent flooding on NLEX</a></div>

<p>Ang sirang bahagi ng dike sa bayan ng Meycauyan na sakop ng Obsuna Street, Bgy. Saluysoy ang itinuturo ng mga residente na dahilan kung bakit binabaha ang kanilang lugar tuwing umuulan.</p>

Ang sirang bahagi ng dike sa bayan ng Meycauyan na sakop ng Obsuna Street, Bgy. Saluysoy ang itinuturo ng mga residente na dahilan kung bakit binabaha ang kanilang lugar tuwing umuulan.