Geline Salac

Sapul sa CCTV: Suntukan, batuhan ng magkakapit-bahay dahil sa inuman sa Cainta

Article (news)

Eon Sanchez

ABS-CBN News

<div><span class="fr-video fr-deletable fr-fvc fr-dvb fr-draggable" contenteditable="false" draggable="true"><iframe width="640" height="360" src="https://www.youtube.com/embed/BKQV64f87K0?&amp;wmode=opaque&amp;rel=0" frameBorder="0" allowfullscreen="" class="fr-draggable"></iframe></span><br/></div><p>CAINTA, Rizal — Nasapol sa CCTV ang suntukan at batuhan ng mga bote at bato sa Flora Street, Barangay Sto. Domingo, Cainta, Rizal, madaling araw ng Sabado, Enero 24, 2026.</p><p>Batay sa barangay, bandang 1 ng madaling araw nang ma-monitor ng CCTV operators ng barangay ang insidente sa bahagi ng Flora Street at Irma Street.</p><p>Nagsimula ito sa inuman ng mga kabataan sa labas ng isang bahay na ayon sa barangay ay paulit-ulit na pinagsabihang itigil dahil lagpas na sa curfew at wala umanong permiso.</p><p>Ayon kay Barangay Kagawad Ray Vila, tatlong beses umanong inikutan ng mga barangay tanod ang lugar. Sa ikalawang ikot, nag-disperse na ang mga kabataan at nagsimulang magligpit.</p><p>“Pumunta ang ating barangay pulis at pinatigil ang inuman dahil hatinggabi na,” ani Vila.</p><p>Dagdag pa niya, bawal ang inuman sa kalsada kung walang permiso at tent.</p><p>Habang nag-aalisan ang mga kabataan, lumabas umano ang isang mag-asawa mula sa katapat na bahay matapos maalimpungatan.</p><p>Nagkaroon ng pagtatalo na nauwi sa suntukan, na makikita rin sa CCTV footage.</p><p>Batay sa hiwalay na blotter complaints, iginiit ng dalawang lalaki mula sa panig ng mga kabataan na sila ay nagliligpit na nang suntukin umano sila ng lalaking kapitbahay.</p><p>Sa panig naman ng mag-asawa, sinabi nilang nauna umanong manigaw at manakit ang mga kabataan kaya napilitan ang lalaki na gumanti.</p><p>Kapwa naghain ng blotter report ang dalawang panig na itinuturing na countercharges.</p><p>Tumanggi munang magbigay ng pahayag ang mga sangkot.</p><p>Nagpaalala naman ang barangay sa publiko na sumunod sa umiiral na ordinansa, lalo na sa curfew hours.</p><p>“Mahigpit naming ipinapaalala sa ating mga ka-barangay na sundin natin ang ating batas,” ani Vila, at iginiit na ang mga menor de edad ay dapat nasa loob na ng bahay pagsapit ng 10 ng gabi.</p><div><a href="https://www.abs-cbn.com/news/nation/2026/1/23/bangkay-ng-isang-lalaki-natagpuan-sa-barangay-384-quiapo-maynila-1743">Bangkay ng isang lalaki, natagpuan sa Barangay 384, Quiapo, Maynila</a></div><div><br/></div><div><strong>RELATED VIDEO:</strong></div><div style="text-align:center"><iframe width="560" height="315" src="https://www.youtube.com/embed/G2mfa4OgarQ?si=imc8b6x3ZNgmzofD" title="YouTube video player" frameBorder="0" allowfullscreen=""></iframe></div>

<p>Nasapol sa CCTV ang suntukan at batuhan ng mga bote at bato sa Flora Street, Barangay Sto. Domingo, Cainta, Rizal, madaling araw ng Sabado, Enero 24, 2026.</p>

Nasapol sa CCTV ang suntukan at batuhan ng mga bote at bato sa Flora Street, Barangay Sto. Domingo, Cainta, Rizal, madaling araw ng Sabado, Enero 24, 2026.