Dennis Gaviola

Article (news)

Dabet Panelo

Bayan Mo, Ipatrol Mo

Nasa 11,228 na pamilya mula sa mga bayan ng Lebak at Kalamansig ang apektado ng earthquake swarm sa Sultan Kudarat na nagsimula pa noong Enero 19, 2026, ayon sa situational report na ibinahagi ng Provincial Disaster Risk Reduction and Management Office (PDRRMO).Paliwanag ni Queenie Manglicmot, administration and training officer ng Sultan Kudarat-PDRRMO, nanuluyan na sa evacuation centers ang mga residente mula pa noong January 20 pero umuwi rin sila noong January 25.Nagsibalikan naman ang mga residente sa evacuation centers noong Martes, Enero 27 nang makaramdam nanaman sila ng malalakas na pagyanig.Nagsagawa na rin aniya ng preemptive evacuation sa Palimbang noong Miyerkules, Enero 28.Sa bilang ng PDRRMO noong Miyerkoles ay may 720 na pamilya ang nasa evacuation centers sa Lebak, 276 sa Palimbang, at 7,740 naman sa Kalamansig kung saan ang epicenter ng malalakas na lindol ayon sa tala ng Philippines Institute of Volcanology and Seimology o Phivolcs.Sa katunayan ay umabot sa 5.9 magnitude ang pinakamalakas na naitala ng Phivolcs eksaktong alas-2:46 ng hapon, Enero 28.Dagdag pa ni Manglicmot, sa gabi lang namamalagi ang mas maraming residente sa mga evacuation centers dahil pumapasok pa sila sa trabaho sa araw.Nagbahagi naman ng video si Bayan Patroller Sittie Kusain kung saan makikita ang kanilang pamilya na nasa ilalim ng tent sa gilid ng kalsada sa Barangay Dumangas Nuevo, Kalamansig. Aniya, inabutan na sila ng ulan kaya pumunta na sila sa evacuation center na nakatalaga sa kanilang barangay.Sa bisa ng Executive Order No. 99, Series of 2026 ay suspendido ang klase sa lahat ng pampubliko at pribadong mga paaralan at sa mga pampublikong opisina at ahensiya sa Sultan Kudarat noong Miyerkules, Enero 28 at nagpapatuloy ito nitong Huwebes, Enero 29, ayon sa PDRRMO.&quot;MDRRMOs are constantly monitoring po the incident and keeping public informed on pre-emptive evacutation process,&quot; ayon kay Manglicmot.Sa tala naman ng Phivolcs mula Enero 19 hanggang alas-2 ng hapon ng Enero 29, umabot na sa 2,385 ang dami ng recorded earthquakes sa karagatan ng Sultan Kudarat.Sa bilang na ito, 723 ang plotted at 86 ang naramdaman. Samantala, ang magnitude range naman ay nasa 1.3 hanggang 5.9.Ang nararanasan sa Sultan Kudarat ay tinatawag na earthquake swarm o mga sunod-sunod na lindol na magkakalapit ang lugar at oras, ayon  sa science research specialist ng Phivolcs na si Winchelle Ian Sevilla.Wala naman itong malinaw na pattern ng aftershocks at madalas maobserbahan ang earthquake swarms sa mga lugar na may bulkan, dagdag niya.Paliwanag pa niya, ang nagaganap na earthquake swarms sa Sultan Kudarat na tumagal na ng 11 araw ay may kinalaman sa Cotabato trench at may kategoryang tectonic dahil walang malapit na bulkan sa lugar.Noong 2025, tatlong earthquake swarm events ang naobserbahan ng Phivolcs sa bansa, ayon kay Sevilla.Ang una ay sa Wao, Lanao Del Sur na tumagal ng 54 na araw mula March 6 hanggang April 28, at pangalawa sa hilagang bahagi ng bansa sa paligid ng Isabela, Ifugao, at Mountain Province na tumagal ng walong araw mula June 1 hanggang 8.Nakaranas din ng walong araw na eartquake swarm sa Ragay, Camarines Sur mula August 19 hanggang 26.Bago pa maramdaman ang swarm sa Sultan Kudarat ay nakapagtala din ang Phivolcs ng swarm sa Claveria, Masbate na tumagal naman ng 18 araw mula Disyembre 24, 2025 hanggang Enero 11, 2026.

Nasa 11,228 na pamilya mula sa mga bayan ng Lebak at Kalamansig ang apektado ng earthquake swarm sa Sultan Kudarat na nagsimula pa noong Enero 19, 2026, ayon sa situational report na ibinahagi ng Provincial Disaster Risk Reduction and Management Office (PDRRMO).

Nasa 11,228 na pamilya mula sa mga bayan ng Lebak at Kalamansig ang apektado ng earthquake swarm sa Sultan Kudarat na nagsimula pa noong Enero 19, 2026, ayon sa situational report na ibinahagi ng Provincial Disaster Risk Reduction and Management Office (PDRRMO).

Mahigit 11,000 pamilya apektado ng earthquake swarm sa Sultan Kudarat

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Regions

Mahigit 11,000 pamilya apektado ng earthquake swarm sa Sultan Kudarat

Dabet Panelo,

Bayan Mo,

Ipatrol Mo

Published January 30, 2026 01:51 AM PHT

Read More:

earthquake

Sultan Kudarat

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.