Geline Salac

Suspek sa pagpatay ng babae sa storage box sumuko

Article (news)

Allison Co

ABS-CBN News

<div><br/></div><p>MAYNILA<strong> (UPDATE) </strong>— Sumuko na sa pulisya ang suspek sa likod ng bangkay na natagpuan sa isang storage box na ibinyahe sa Camarines Norte mula Laguna at itinapon sa ilog sa Barangay Pinagwarasan, Basud, Camarines Norte, noong Enero 2, 2026.</p><p>Mula sa Rosario, Batangas, dinala na sa Cabuyao City Police Station ang suspek, alas dose ng hatinggabi, Miyerkoles, Enero 7.</p><div><a href="https://www.abs-cbn.com/news/nation/2026/1/6/victim-suspect-in-body-in-box-case-now-identified-1206">Victim, suspect in &#x27;body-in-box&#x27; case now identified</a></div><p>Hindi nagpaunlak ng panayam ang naarestong suspek sa pagpatay ng live-in partner na isinilid sa storage box at itinapon sa ilog sa Basud, Camarines Norte.</p><p>Pero aniya, tiwala siya sa mga pulis na malilinis ang kanyang pangalan sa kaso.</p><p>“Sumerrender po ako, tiwala sa mga pulis na malinis ang aking pangalan, yun lang po,” aniya.</p><div><a href="https://www.abs-cbn.com/news/nation/2026/1/6/apartment-linked-to-body-in-box-case-found-victim-s-live-in-partner-eyed-as-suspect-2351">Laguna apartment linked to body-in-box case found; victim’s live-in partner eyed as suspect</a></div><p>Ayon kay Basud Police Chief Cpt. Mark Armea, kusang sumuko ang suspek.</p><p>“Alam naman po ng lahat ang kwento, nag-umpisa lahat sa tulay at may naghatid (sa suspek) na tricycle driver, naging witness din po natin ‘yun, ‘yung bus na sinakyan, naging witness din natin ‘yun yung driver hanggang sa napunta po tayo dito sa pagsuko ng ating person of interest sa ating kaso.”</p><div><br/></div><div><strong>INAMIN SA AMA?</strong></div><div><br/></div><p>Una nang kinumpirma ng ama ng suspek na inamin sa kanya ng anak na napatay niya ang biktima pero &quot;aksidente&quot; lamang.</p><p>“Tinanong ko po siya kung totoo talaga ito, ang sabi niya, hindi raw niya sinasadyang naitulak niya yung babae, lasing na lasing siya at nag-away sila… Tapos pagbagsak daw eh binubuhat niya raw eh wala nang malay, hindi na raw niya alam kung anong gagawin niya.”</p><p>Inamin din ng ama na live-in partner ng anak nya ang biktima at posibleng selos ang dahilan ng insidente.</p><p>“Yung babae daw yata eh galing daw po sa isang lalaki eh pagpunta (pauwi sa apartment) pinupukpok daw siya ng basag na bote at sinasaksak siya nang ganun. Yung pag-iwas niya eh parang naitulak niya…Maaari pong self-defense, naniniwala po ako,” aniya.</p><p>Una nang kinilala ng pulisya ang biktima na si Anelis Agocoy, 38, mula sa Barangay Buga, Catarman, Camiguin.</p><p>Ayon sa pinsan ng biktima na si Mae Jean Abamonga, ang suspek ay live-in partner ni Agocoy. Aniya, ang suspek ay isang security guard mula sa Basud, Camarines Norte—ang parehong bayan kung saan itinapon ang bangkay.</p><p>Bandang alas-4 ng umaga Miyerkoles ay na-inquest na ang suspek.</p>

<p>Sumuko na sa pulisya ang suspek sa likod ng bangkay na natagpuan sa isang storage box na ibinyahe sa Camarines Norte mula Laguna at itinapon sa ilog sa Barangay Pinagwarasan, Basud, Camarines Norte, noong Enero 2, 2026.</p>

Sumuko na sa pulisya ang suspek sa likod ng bangkay na natagpuan sa isang storage box na ibinyahe sa Camarines Norte mula Laguna at itinapon sa ilog sa Barangay Pinagwarasan, Basud, Camarines Norte, noong Enero 2, 2026.