Geline Salac

Estudyante nabiktima ng 'ipit gang' sa Cainta

Article (news)

ipitgang

Christopher Sitson

ABS-CBN News

Sapul sa CCTV ang pambibiktima ng ‘ipit gang’ sa isang 15-anyos na grade 8 student sa Barangay San Andres, Cainta, Rizal, nitong Lunes ng hapon, February 23, 2026.Sa CCTV makikita na naglalakad ang biktima na naka backpack.Isang lalaking nakasuot din ng backpack at naka-jacket ang biglang inunahan sa paglalakad ang biktima kaya napahinto ito.Ang kasabwat na nakasuot ng gray na backpack at nasa likod ng biktima, pasimple na pa lang kinuha ang cellphone na nakaipit sa garter ng pantalon ng binatilyo na nagkakahalaga ng P10,000.Hindi ito napansin ng biktima at tuloy-tuloy na naglakad papalayo.Makikita sa video na bumalik ang dalawang kawatan matapos gawin ang modus.Labis ang pangamba ng nanay ng biktima sa insidente.“Pagbalik niya, doon niya na-realize na nadukutan na siya. Umiiyak siya, takot na takot,” sabi ng nanay ng biktima.Agad niyang ipinakalat sa social media ang CCTV footage at napag-alamang hindi lang pala ang anak niya ang biktima.“Maraming parents ‘yung nag PM sa akin same case, same scenario. Tingin ko grupo, paulit-ulit ‘yung incident eh,” dagdag pa ng nanay ng menor de dad.Nang mai-blotter sa barangay dito nabunyag na ‘ipit gang’ ang nambiktima sa kanyang anak na kadalasang umaatake sa matatao at masisikip na lugar.“Ang style o modus, iipitin ka nila, ‘yung isa uuna, ‘yung isa nasa likuran. ‘Yung nasa unahan lilinlangin ‘yung kasunod, ‘yung nasa likod ang dudukot,” sabi ni Rolando Alcantara, na miyembro ng Barangay San Andres Peace and Safety Office.Hindi pa tukoy ang pagkakakilanlan ng dalawang kawatan na posible umanong dayo at nagpanggap lang na mga estudyante ayon sa barangay.“Inaalam po namin ‘yung pagkakakilanlan nung bata. Nakasubaybay pa rin po kami kasi nakarating na po sa kaalaman ng ating kapitan. Pinatututukan po,” sabi ni Teresita Bunuan na opisyal ng Violence Against Women and Children ng Barangay San Andres.Kung mapatunayang menor de edad ang mga salarin  ay isasailalim sila sa kustodiya ng municipal social welfare and development office o MSWDO at mahaharap sa kaukulang kaso.“Responsibilidad pa rin po ng magulang ‘yan lalo na kung minor talaga,” dagdag pa ni Bunuan.Pinaigting naman ng barangay at pulisya ang seguridad sa lugar kung saan sinasabing talamak ang pambibiktima ng naturang gang habang pinaghahanap na ang mga kawatan.

Sapul sa CCTV ang pambibiktima ng ‘ipit gang’ sa isang 15-anyos na grade 8 student sa Barangay San Andres, Cainta, Rizal, nitong Lunes ng hapon, February 23, 2026.

Sapul sa CCTV ang pambibiktima ng ‘ipit gang’ sa isang 15-anyos na grade 8 student sa Barangay San Andres, Cainta, Rizal, nitong Lunes ng hapon, February 23, 2026.